রোমীয় 9:19 - Chakma Bible

¹⁹ অয়ত তমাত্তুন্ কেঅ মরে পুযোর্ গুরিবাক্, “সালে গোজেনে কিত্ত্যে মান্‌জ্যর দুষ্ ধরে? কনজনে কি গোজেনর্ উদ্দেশ্যগানরে মানা গুরি পারন্?”

রোমীয় 9:19 Iomraidhean Croise

পত্থম 50:20

তুমি মর্ অমংগল চেইয়ো, মাত্তর্‌ গোজেনে সিয়েনর্ ভিদিরেদি মংগল গুরিবার সল্লা গোজ্যে যেন ভালোক্কুন মান্‌জোর্ পরাণ রোক্ষ্যে পায়; আর এচ্চ্যে সিয়েনোই অর্‌।

২ বংশধর 20:6

ও লগেপ্রভু, আমা পূরোণি মানুচ্চুনোর গোজেন, তুই দঅ স্বর্গর গোজেন। তুই বেক্‌ জাদর্‌ রেজ্যগানিরে শাজন্ গুরি থাজ্‌। খেমতা আর বল্‌ তঅ আঢত্‌ আর কনজনে তরে মানা গুরি ন-পারিবাক্‌।

ইয়োব 9:19

ইয়েন্‌ যুনি বল্ বেপার্‌ অয় সালে তে দঅ খেমতাবলা; যুনি বিচেরর্‌ বেপার অয় সালে কন্না তা বিরুদ্ধে সময়ান্‌ ঠিগ্‌ গুরি দিবো?

গীতসংহিতা 76:10

ঘেচ্চেক্‌গুরি মান্‌জ্যর রাগর্ কারনে তর্ নাঙ্ গিনে অয়; সেই রাগর বাদ্‌বাগি ভাগ্‌কান্দোই তুই নিজোরে সাজা।

যিশাইয় 29:16

তমার্ কেজান্ উগুদো বুদ্ধি! তুমি দঅ কুমোর্ আর মাদিগানরে এক্কুই মনে গোজ্য! যে বানেয়্যে তার্ বানেয়্যে জিনিস্‌‌‌‌‌ছানে কি তা পৌইদ্যেনে কোই পারে, “তে মরে ন-বানায়”? পিলেবো কি কুমোর পৌইদ্যেনে কবঅ, “তে কিচ্ছু হবর্ ন-পায়”?

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

মার্ক 14:21

মান্‌জ্য পুয়োবো পৌইদ্যেনে পবিত্র বোইয়োত্ যেবাবোত্যেগুরি লেগা আঘে ঠিগ্ সেবাবোত্যেগুরি তে মুরি যেবঅ ঠিগ্, মাত্তর্ কি দর্‌‍গরেপারা সেই মানুচ্চো, যে মান্‌জ্য পুয়োবো লগে বেঈমানী গরে! তে মান্‌জ্যর্ জর্ম ন-অলে বরং তা পক্ষে গম্ অদঅ।”

প্রেরিত্‌ 2:23

গোজেন, যিবে আগে-বাগে বেক্কানি কোই পারে, যীশুরে তমা আঢত্ দিয়্যে অবঅ। আর তুমিয়ো দঅ পাজি মানুচ্চুনোরে দিইনে তারে ক্রুশোত্ দিইনে মারে ফেলেয়ো।

রোমীয় 11:19

তুই অয়ত কবে, “মরে জড়া লাগেবাত্তে ডেলাগুন্ ভাঙি ফেলা ওইয়্যে।”

১ করিন্হীয় 15:12

মাত্তর্ যুনি প্রচার গরা অয় যে, খ্রীষ্টরে মরণত্তুন্ জেদা গরা ওইয়্যে সালে তমাত্তুন্ কেঅ কেঅ কেধোক্ক্যেন গুরি কদন্ যে, মরাগুনোর্ জেঈ উদোনা বিলিনে কিচ্চু নেই?

১ করিন্হীয় 15:35

কেঅ অয়ত কবাক্, “মরাগুনোরে কেধোক্ক্যেন্ গুরি জেদা গুরি তুলো অবঅ? কেধোক্ক্যেন্ কিয়্যেলোই বা তারা উদিবাক্?”

যাকোব 1:13

মন ভিদিরে পাপর টানান্ বুঝি পারিলে কেঅ যেন ন-কয়, “গোজেনে মরে পাপ ইন্দি টানের্।” কনঅ ভান্ন্যেইয়ানে গোজেনরে পাপ ইন্দি টানি ন-পারে, আর গোজেনেয়ো কাররে পাপ ইন্দি ন-টানে।

যাকোব 2:18

অয়ত কেঅ কোই পারন্, “তর্ আঘে বিশ্বেজ্ আর মর্ আঘে সৎ কাম।” বেশ্, গম কধা। কাম ন-গোজ্জ্যে বাদে তর্ বিশ্বেজ্‌চান মরে দেগা আর মুই কামান্দোই মর্ বিশ্বেজ্‌চান তরে দেগেম্।