রোমীয় 8:32 - Chakma Bible

³² গোজেনে নিজোর্ পুয়োবোরেয়ো রেহাই ন-দিলো বরং আমা বেক্কুনোত্ত্যে তারে মরণর্ আঢত্ তুলি দিলো। সালে তে কি পুয়োবো সমারে আর বেক্কানিয়ো আমারে দান ন-গুরিবো?

রোমীয় 8:32 Iomraidhean Croise

পত্থম 22:12

দূত্তো কলঅ, “পুয়োবোরে মারে ফেলেবাত্তে আত্‌ ন-তুলিচ্‌ বা তা উগুরে আর কিচ্ছু ন-গুরিচ্‌। তুই যে ‌গোজেন ভক্ত সিয়েন্‌ ইক্কিনে বুঝো গেলঅ, কিত্তে মঅ নাঙে তুই তঅ পুয়োবোরে, বানা এক্কো পুয়োরে উৎসর্ব গর্‌তে পিজেন্দি ন-আলাচ্‌।”

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

যিশাইয় 53:10

আজলে লগেপ্রভু তার আওজ্ মজিম তারে চুর্‌‌মার্ গোজ্যে আর তারে দুঘ্ গরা বাজেই দিয়্যে। লগেপ্রভুর চাগর্‌বো যেক্কে তা পরাণানরে দুষোর্- উৎসর্ব ইজেবে দিবো ‌‌‌‍‍ সেক্কে তে তা পুয়োগুনোরে দেগিবো আর তা আয়ুগান বাড়েব; তা মাধ্যমে লগেপ্রভুর আওজ্‌চান পূরোণ অবঅ।‌‌‌‍‍‍

মথি লেখ্যে গম্ হবর্ 3:17

সেক্কে স্বর্গত্তুন্ কুয়ো অলঅ, “ইবেয়ই মর্ কোচ্‌পানার্ পুয়ো, ইবে উগুরে মুই অমকদ হুজি।”

মথি লেখ্যে গম্ হবর্ 7:11

তুমি বজং ওইনেয়ো যুনি নিজো পুয়ো ছাগুনোরে গম্ গম্ জিনিস দিবাত্তে জান, সালে যিগুনে তমা স্বর্গর্ বাবা ইধু চান্ তে যে তারারে গম্ গম্ জিনিস দিবো ইয়েন কত্তমান্ সত্য!

যোহন 3:16

“গোজেনে মান্‌জ্যরে এদক্ কোচ্‌পেলদে যে, তার্ বানা এক্কোগুরি পুয়োরে তে দান্ গুরিলো, যেন যে কেঅ সেই পুয়োবো উগুরে বিশ্বেজ্ গরে তে ভস্ত ন-অয় মাত্তর্ উমর্‌অ জিংকানি পায়।

রোমীয় 11:21

কিয়া গোজেনে যেক্কে এলঅ ডেলাগুন্অ রেহাই ন-দে সেক্কে তরেয়ো রেহাই ন-দিবো।

রোমীয় 4:25

আমা পাপত্যে যীশুরে মরণ আদত্ তুলি দিয়্যে ওইয়্যে আর আমারে নিদ্দুজি বিলিনে মানি লবাত্যে তারে মরণত্তুন্ জেদা গরা ওইয়্যে।

রোমীয় 6:23

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

রোমীয় 8:28

আমি হবর্ পেই যিগুনে গোজেনরে কোচ্‌পান, অত্তাৎ গোজেনে নিজোর্ আওজ্ মজিম যিগুনোরে ডাক্ক্যে তারার্ ভালেদিত্তে বেক্কানি এক সমারে কাম্ গুরি যার্।

১ করিন্হীয় 2:12

আমি জগদর্ আত্মাগানরে ন-পেই, বরং গোজেনত্তুন্ তার্ আত্মাগানরে পেইয়্যেই, যেন গোজেনে আমারে যেদক্কানি দান দিয়্যে সিয়েনি বুঝি পারিই;

২ করিন্হীয় 4:15

বেক্কানি তমার্ উপকারত্যে ওইয়্যে, যেন গোজেনর্ যে দোয়্যে ভালোক্কুন্ মান্‌জ্য উগুরে ঢালি দিয়্যে ওইয়্যে সেই দোয়্যেনত্যে ভালোকজনে গোজেনরে আরঅ বেশ্ গুরি ভালেদি জানান্ আর এবাবোত্যেগুরি গোজেনর্ বাঈনী অয়।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

২ করিন্হীয় 6:10

আমি বোউত্ দুঘ্ পেইর্, তো আমার মনানি নিত্য হুজীয়ে ভরা। আমি নিজে নাঢা, তো আমি ভালোক্ জনরে থাগোইয়্যে গুরির্। আমার কিচ্চু নেই, তো আমি বেক্কানির্ অধিকারী। এবাবোত্যেগুরি আমি প্রমাণ গুরির্ যে, আমি গোজেনর্ সেবা গুরিয়্যে।

১ যোহন 4:10

আমি যে গোজেনরে কোচ্‌পেয়্যেই সিয়েন নয়, মাত্তর্ তে আমারে কোচ্‌‌পেইনে তা পুয়োবোরে দিপাধেয়্যে, যেন পুয়োবো তার নিজোর জিংকানিগান-উৎসর্ব গরানায় আমা পাপ্পানি দূর্ গুরিনে গোজেনরে হুজি গরে। ইয়েনই অলঅ কোচ্‌পানা।

ফগদাং পেইয়্যে 21:7

যে জিদিবো তে ইয়েনি বেক্কানির অধিকারী অবঅ। মুই তার্ গোজেন ওম্ আর তে মর্ পুয়ো অবঅ।