রোমীয় 8:30 - Chakma Bible

³⁰ যিগুনোরে তে আগেত্তুন্ ধুরি ঠিগ্ গুরি রাগেয়্যে তারারে তে ডাগিলো; যিগুনোরে ডাগিলো তারারে তে নিদ্দুজি বিলি মানিয়ো ললঅ; যিগুনোরে নিদ্দুজি বিলি মানি ললঅ তারারে তে নিজোর্ মহিমায়ো দান গুরিলো।

রোমীয় 8:30 Iomraidhean Croise

যিশাইয় 41:9

মুই তরে পিত্‌থিমীর শেজ্ ধুজিত্তুন্ আন্যং, তরে বেগ দূরো জাগাত্তুন্ ডাগি আন্যং। মুই কোইয়োঙে, তুই মর্ চাগর্; মুই তরে বেঈ লোইয়োং, এলাফেলা ন-গরং।‌

যোহন 17:22

যে মহিমাগান্ তুই মরে দুয়োচ্ সিয়েন মুই তারারে দুয়োং যেন আমি যেধোক্ক্যেন্ এক তারায়ো সেধোক্ক্যেন্ গুরি এক্ ওই পারন্,

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

যোহন 5:24

মুই তমারে ঘেচ্চ্যেক্‌গুরি কঙর্, মঅ কধা যে শুনে আর মরে যে দিপাধেয়্যে তারে বিশ্বেজ্ গরে তার্ উমর্‌অ জিংকানি আঘে। তারে দুষি বিলিনে ঠিগ্ গরা ন-অবঅ; তে দঅ মরণত্তুন্ জিংকানিত্ পার্ ওই যেয়্যে।

রোমীয় 1:6

সেই মানুচ্চুনো ভিদিরে তুমিয়ো আঘ। যীশু খ্রীষ্টর্ মানুচ্‌ অবাত্যে গোজেনে তমারে ডাক্ক্যে।

রোমীয় 11:29

গোজেনে যিয়েন দান গরে আর যিবেরে ডাগে সে পৌইদ্যেনে তা মনান্ তে ন-বদলায়।

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

রোমীয় 8:21

ভস্ত অনার্ বান্যেগানত্তুন্ উদ্ধোর্ ওইনে এ সৃট্টিগানে এক দিন্ন্যে গোজেনর্ পুয়ো-ছা গুনোর্ বাঈনী গুরিবার্ স্বাধীনতার ভাগিদার্ ওই পারিবাক্।

রোমীয় 8:28

আমি হবর্ পেই যিগুনে গোজেনরে কোচ্‌পান, অত্তাৎ গোজেনে নিজোর্ আওজ্ মজিম যিগুনোরে ডাক্ক্যে তারার্ ভালেদিত্তে বেক্কানি এক সমারে কাম্ গুরি যার্।

১ করিন্হীয় 1:9

গোজেনে বিশ্বেজবলা; তেয়ই তমারে ডাক্ক্যে যেন তা পুয়োবো আমা প্রভু যীশু খ্রীষ্ট আর তমা ইধু কধাবাত্তা-মিলেমিলি থায়।

১ করিন্হীয় 2:7

আজলে আমি গোজেনর্ জ্ঞানবলা গুমুরো উদ্দেচ্চ্যর্ কধা কোই। সেই উদ্দেচ্চ্যগান লুগেইয়্যে এলঅ আর জগদ্‌তান্ বানেবার আগেদি গোজেনে সিয়েন থির্ গুরি রাগেয়্যে যেন আমি তার্ মহিমার্ ভাগী ওই পারিই।

১ করিন্হীয় 6:11

তমা ভিদিরে কেঅ কেঅ সেবাবোত্যে এলা, মাত্তর্ প্রভু যীশু খ্রীষ্টর্ মাধ্যমে আর আমা গোজেন আত্মার্ মাধ্যমে তমারে ধোইনে সাব্ গরা ওইয়্যে, গোজেন নাঙে যুদো গরা ওইয়্যে আর নিদ্দুজি বিলিনে মানি লুয়ো ওইয়্যে।

২ করিন্হীয় 4:17

ইক্কিনে আমি কয়েক দিনোত্যে যে সামান্য দুঘ্ ভুগির্ সিয়েনর্ ফলে আমি উমরত্যে মহিমাগান্ পেবং। এ মহিমাগান্ এদক্ বেশ্ যে, সিয়েন মাবা ন-যায়।

গালাতীয় 1:15

মাত্তর্ গোজেনে মর্ জর্মর সময়ত্তুন্ ধুরি মরে বেঈ লোইনে থোইয়্যে আর তার্ দোয়্যেলোই প্রচারক অবাত্যে তে মরে ডাক্ক্যে।

গালাতীয় 1:6

খ্রীষ্টর্ দোয়্যেলোই যিবে তার্ নিজোর্ মানুচ্ অবাত্যে তমারে ডাক্ক্যে, তুমি এদক যাদিমাদি তারে ইরি দিইনে অন্য বাবোত্যে গম হবর্ ইন্দি লুঙি পোজ্য দেগিনে মুই আমক্ অঙর্।

গালাতীয় 5:8

যে মতামত্‌তান্ তুমি মানি লোইয়ো, যিবে তমারে ডাক্ক্যে সেই গোজেনত্তুন্ সিয়েন ন-এজে।

ইফিষীয় 1:11

গোজেনে তার্ বিচেরবুদ্ধি অনুসারে নিজোর্ আওজ্ মজিম বেক কামানি গরে। তার্ উদ্দেচ্চ্য অনুসারে তে আগে যিয়েনি ঠিগ্ গুরি থোইয়্যে সেই মজিম খ্রীষ্টর্ মাধ্যমে তার্ নিজো মানুচ্ অবাত্যে তে আমারে বেঈ লোইয়্যে।

ইফিষীয় 2:6

আমি খ্রীষ্ট যীশু লগে মিজেয়্যেই বিলিনে গোজেনে আমারে খ্রীষ্ট লগে জেদা গুরিনে খ্রীষ্ট সমারে স্বর্গত্ বোজেয়্যে।

ইফিষীয় 3:11

ইয়েনই এলঅ তার্ উমরর্ আওজ্, আর সেই আওজ্‌চান তে আমার প্রভু যীশু খ্রীষ্টর্ মাধ্যমে পূরেই দিয়্যে।

ইফিষীয় 4:4

গোজেনে তমারে ডাক্ক্যে বিলিনে তমা ইধু বানা এক্কান আজা আঘে, বানা এক্কানই কিয়্যে আঘে, একজনই সুদ্ধো-সাংগ আত্মাবলা আঘে,

কলসীয় 3:4

যিবে তমার্ জিংকানি সেই খ্রীষ্ট যেক্কে ফগদাং অবঅ সেক্কে তুমিয়ো তা সমারে তার্ মহিমার ভাগী ওইনে ফগদাং পেবা।

২ তীমথিয় 2:11

এ কধাগান বিশ্বেজ্ গুরিবার যে, খ্রীষ্ট সমারে যুনি আমি মুরি থেই, সালে তা সমারে আমি জেদায়ো থেবং।

ইব্রীয় 9:15

গোজেনে যিগুনোরে ডাগিনে উমরত্যে অধিকার দিবার্ এগেম্ গোজ্জ্যে তারা যেন সিয়েন পান্ সেনত্যে খ্রীষ্ট এক্কান নূয়ো বেবস্থাগানর্ উগিল্ ওইয়্যে। এই অধিকারান পানা মান্‌জ্যত্যে সম্ভব ওইয়্যে, কিয়া পত্তম বেবস্থা অদেঅদে থেবার সময়োত্ মান্‌জ্যে যেদক্কানি পাপ গোজ্জ্যন সেই বেক্ পাপর্ আঢত্তুন্ মান্‌জ্যরে উদ্ধোর্ গুরিবার দাম ইজেবে খ্রীষ্ট পরাণান্ দিয়্যে।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

১ পিতর 3:9

অন্যেয়র্ বদলে কার উগুরে অন্যেয় ন-গোজ্জ্য বা কেঅ গেইল্‌ দিলে তারে ফিরেইনে গেইল্‌ ন-দুয়ো, বরং তারাত্যে বর্ মাখ্য; কিয়া আশিদ্‌বাদ পেবাত্যে গোজেনে তমারে ডাক্ক্যে।

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।

২ পিতর 1:10

ইয়েনত্যে ভেইলগ, গোজেনে যে ঘেচ্চ্যেকগুরি তমারে ডাক্ক্যে আর বেঈ লোইয়্যে সিয়েন যদবদে অবাত্যে আরঅ বেচ্ আওজি অ। ইয়েনি গুরিলে তুমি কনদিনঅ উজোট্ ন-হেবা।

ফগদাং পেইয়্যে 17:14

ইগুনে ভেড়া-ছবোর্ বিরুদ্ধে যুদ্ধো গুরিবাক্ আর ভেড়া-ছবো তারারে ওদেই দিবো; কিয়া তে প্রভুগুনোর প্রভু আর রাজাগুনোর রাজা। যিগুনোরে ডাগা ওইয়্যে আর বেঈ লুয়ো ওইয়্যে আর যিগুনে বিশ্বেজি তারা তা সমারে থেবাক্।”

ফগদাং পেইয়্যে 19:9

সে পরেদি সেই স্বর্গদূত্‌তো মরে কলঅ, “এ কধাগান লেগ, ‘ভেড়া-ছবোর্ মেলাত্ যিগুনোরে বাত্যেনা ওইয়্যে তারা বর্‌পেইয়্যে।’ ” তে এ কধাগানঅ কলঅ, “ইয়েন গোজেনর্ কধা আর সিয়েন সত্য।”