রোমীয় 8:23 - Chakma Bible

²³ বানা সিয়েন্ নয়, মাত্তর্ যে মহিমাগান্ আমি যেরেদি পেবং সিয়েন্ পত্তম ফল্ ইজেবে পবিত্র আত্মারে পেইনে আমি নিজেয়ো মনেদি কোঙের্। আর সেই সমারে সেই দিন্নোত্তে বাজ্জেই আঘি যেক্কে গোজেনর্ পুয়ো-ছা ইজেবে আমারে ফগদাং গরা অবঅ, অত্তাৎ ভস্তর্ আঢত্তুন্ আমা কিয়্যেগানিরে উদ্ধোর্ গরা অবঅ।

রোমীয় 8:23 Iomraidhean Croise

২ বংশধর 31:5

এ উগুমান্‌ ফগদাঙ্‌ অনার্‌ লগে লগে ইস্রায়েলীয়গুনে তারার্‌ ক্ষেত-ক্ষেত্তিগানি, নূয়ো আংগুর-রস, তেল আর মধুর পোইল্যা ভাগ্‌কো আর ক্ষেদত্‌ যিয়েনি জর্মায় সিয়েনির্‌অ পৌইল্যা ভাগ্‌কো ভালোক্কানি দান গুরিলো। ইয়েনিবাদেয়ো তারা বেক্কানির্‌ দশ ভাগর্‌ একভাগ্‌ আনিলাক্‌ আর সিয়েনি বেক্কানিয়ে বোউত্‌ অলঅ।

লূকে লেখ্যে গম্ হবর্ 20:36

তারা আর্ মুরি ন-পারন্, কিয়া তারা স্বর্গদূত্‌‌‌‌তুনো ধোক্ক্যেন্। তারা গোজেনর্ পুয়ো কিয়া মরণত্তুন্ তারারে জেদা গরা ওইয়্যে।

লূকে লেখ্যে গম্ হবর্ 21:28

এ বেক্ ঘটনাগানি ঘদতে আরাম্ব গল্লে পরেদি তুমি উদিনে থিয়্যেইয়ো আর মুয়োনি তুল্ল্য, কিয়া তমার্ উদ্ধোরর্ সময়বো কায়কুরে এচ্চ্যে।”

রোমীয় 5:11

বানা সিয়েন নয়, যিবেলোই গোজেন সমারে আমি মিজেয়্যেই সেই প্রভু যীশু খ্রীষ্টর্ মাধ্যমে গোজেনরে লোইনে আমি ফুত্তি গুরির্।

রোমীয় 5:3

বানা সিয়েন্ নয়, দুঘ্-কষ্ট পেলেয়ো আমি হুজী ওর্, কিয়া আমি কোই পারিই দুঘ্-কষ্টর্ ফল ধৈয্য,

রোমীয় 5:5

এ আশাগানে আমারে লাজত্ ন-ফেলায়, কিয়া গোজেনে তার্ দিয়্যে পবিত্র আত্মালোই আমা মনানি তার্ কোচ্‌পানালোই ভোরেই দিয়্যে।

রোমীয় 7:24

কি পড়া-কবাল্ল্যে মানুচ্‌ মুই! মঅ ভিদিরে এই যে পাপ-খাচ্চ্যত্ যিয়েনে মরণ আনে, সিয়েন আঢত্তুন্ কন্না মরে রোক্ষ্যে গুরিবো?

রোমীয় 8:19

গোজেনর্ পুয়োগুনে কক্কে সেই মহিমায় ফগদাং পেবাক্ সিয়েনত্তে বেক্ প্রাণিগুনে আওজ্ গুরিনে বাজ্জেই আঘন্,

১ করিন্হীয় 1:7

সেনত্তে যেক্কে তুমি আমা প্রভু যীশু খ্রীষ্ট ফগদাং অবাত্তে আওজ্ গুরিনে বাজ্জেই আঘঅ সেক্কে গোজেনর্ দিয়্যে কনঅ দানর্ অভাব তমার্ ন-অর্।

২ করিন্হীয় 1:22

অত্তাৎ তার্ নিজোর্ সোম্বোত্তি ইজেবে তে আমারে সীল্‌‌মহ্‌‌র গুরি থোইয়্যে; আর যিয়েনি আমারে দিবো তার্ পত্তম ভাগ্ ইজেবে তে আমা রিবেঙত্ পবিত্র আত্মারে দিয়্যে।

২ করিন্হীয় 7:5

ম্যাসিডোনিয়াত্ লুমিনেয়ো আমা কিয়্যেগানি জিরেন্ ন-পায়; বেক্কানিত্তুন্ আমি দুঘ্ পেইয়্যেই-চেরোকিত্যেদি এলঅ গন্ডগুল আর মনত্ দর্‌বুগ্ এলঅ।

গালাতীয় 5:5

মাত্তর্ আমারে যে নিদ্দুজি বিলিনে মানি লুয়ো অবঅ, সেই ঘেচ্চ্যেকগুরি বিশ্বেজ্‌চান্দোই পবিত্র আত্মার মাধ্যমে আমি বাজ্জ্যে আঘিই;

ইফিষীয় 1:14

যিগুনে গোজেনর্ নিজোর্ সোম্বোত্তি তারারে তে এক্কান অধিকার দিবার্ এগেম্ গোজ্জ্যে। তারারে যেদক্ বিলোন সং উদ্ধোর্ গরা ন-অয় সেদক বিলোন সং সেই অধিকারর্ পত্তম ভাগ্ ইজেবে পবিত্র আত্মাগানরে তারারে দিয়্যে ওইয়্যে। আর ইয়েনি বেক্কানির্ মাধ্যমে গোজেনর্ মহিমার্ বাঈনী গরা অবঅ।

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

ইফিষীয় 5:9

কিয়া যিয়েন গম, নিদ্দুষ আর সত্য সিয়েনই অলঅ পহ্‌রর ফল।

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।

তীত 2:13

আমার দাঙর্ গোজেনে আর উদ্ধোর গুরিয়্যে যীশু খ্রীষ্টর্ মহিমাভরা ফগদাঙর্ হুজিয়ে-ভরা আজা পূরেবাত্যে আওজ্‌ গুরিনে বাজ্জেই থেই।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।

১ পিতর 1:7

এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।