রোমীয় 8:2 - Chakma Bible

² জিংকানির্ গিরোজ্‌সো পবিত্র আত্মার্ সুদোমান্দোই খ্রীষ্ট যীশুর্ মাধ্যমে মরে পাপ আর মরণর্ সুদোমত্তুন্ উদ্ধোর্ গোজ্জ্যে।

রোমীয় 8:2 Iomraidhean Croise

গীতসংহিতা 51:12

তর্ দিয়্যে উদ্ধোরর্ হুজিগান মরে আরঅ দে; তর্ বাধ্য অবার্ আওজর্ মনান্দোই তুই মরে পোত্‌পোত্যে গর্।

যিহিষ্কেল 1:21

প্রাণিগুন আঢিলে চাক্কাগুন্‌অ চলিদাক্; প্রাণিগুন থির্ ওইনে থিয়্যেলে চাক্কাগুন্‌অ থির্ ওইনে থিয়্যেদাক্; আরঅ প্রাণিগুন মাদিত্তুন্ উদিলে চাক্কাগুন্‌অ তারার লগে লগে উদিদাক্, কিত্যেই সেই জেদা প্রাণিগুনোর্ আত্মাগানি চাক্কাগুনো ভিদিরে এলঅ।

যোহন 4:10

যীশু সেই মিলেবোরে জোব্ দিলো, “তুই যুনি কোই পাত্তে গোজেন দানান্ কি আর কন্না তত্তুন্ পানি মাগের্ সালে তুয়ই তা ইধু পানি মাগিদে আর তে তরে জেদা পানি দিদো।”

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

যোহন 6:63

মান্‌জ্যর্ কিয়্যেগান্ কনঅ কামর্ নয়; পবিত্র আত্মাগানে জিংকানি দে। মুই তমারে যে কধাগানি কোইয়োং সিয়েনি আত্মিক জিংকানি দান্ গরে,

যোহন 8:32

সিয়েন বাদে তুমি সত্যগানরে কোই পারিবা, আর সে সত্যগানে তমারে উদ্ধোর্ গুরিবো।”

যোহন 8:36

সেনত্তে গোজেনর্ পুয়োবো যুনি তমারে উদ্ধোর্ গরে সালে ঘেচ্চ্যেক্‌গুরি তুমি উদ্ধোর্ অবা।

রোমীয় 16:3

প্রিষ্কিল্লা আর আকিলারে মর্ ভালেদি জানেয়ো। তারা খ্রীষ্ট যীশু কামত্ মঅ সমারে দুঘ্ গোজ্জ্যন্।

রোমীয় 3:27

ইয়েনর্ পরেদি মান্‌জ্যর দেমাগ্ গুরিবার আর কি আঘে? কিচ্চু নেই। মাত্তর্ কিত্ত্যে নেই? মান্‌জ্যে রীদি-সুদোম পালন গরন্ বিলিনে কি তার্ দেমাগ্ গুরিবার কিচ্চু নেই? সিয়েন নয়। আজল্ কধাগান অলঅ, বিশ্বেজ্ ভিদিরে দেমাগর্ জাগা নেই,

রোমীয় 5:21

সেই দোয়্যেগান ইয়েনত্তে বাড়িলো যাতে মরণর্ মাধ্যমে যেবাবোত্যেগুরি পাপ্পান্ রাজাগিরি গোজ্জ্যে, সেবাবোত্যেগুরি মান্‌জ্যরে নিদ্দুজি বিলি মানি লনার্ মাধ্যমে ইক্কিনে তার্ দোয়্যেগানে রাজাগিরি গুরিই পারে; আর সিয়েনর্ ফল অলঅ আমা প্রভু যীশু খ্রীষ্টর্ মাধ্যমে উমর জিংকানি পানা।

রোমীয় 6:14

তুমি দঅ পাপর্ চাগর্ নয়, কিয়া তুমি গোজেনর্ দোয়্যের্ তলে, রীদি-সুদোমর্ তলে নয়।

রোমীয় 6:18

পাপ আঢত্তুন্ ছড়ান্ পেইনে তুমি ন্যায়র্ চাগর্ ওইয়ো।

রোমীয় 6:22

মাত্তর্ ইক্কিনে তুমি পাপ আঢত্তুন্ ছড়ান্ পেইনে গোজেনর্ চাগর্ ওইয়ো। সিয়েনত্ লাভ্‌পান অলদে ইয়েন, তুমি পবিত্র গুরিনে বাড়ি উদোর্, আর সিয়েনর্ ফল অলঅ উমর জিংকানি।

রোমীয় 7:21

সালে মুই নিজো ভিদিরে এক্কান সুদোমরে কাম্ গত্তে দেগঙর্। সেই সুদোমান্ অলঅ এই-যিয়েনি গম্ সিয়েনি যেক্কে মুই গুরিবাত্তে চাং সেক্কে ভান্ন্যেয়ান নিত্য ম ইধু থায়।

রোমীয় 7:23

তো মুই দেগঙত্তে, এক্কান যুদো সুদোম মঅ কিয়্যে ভিদিরে কাম্ গরের্। যিয়েন গম্ মঅ মনানে সিয়েন গম্ বিলিনে মানি লয়, মাত্তর্ এই যুদো সুদোমান্ মঅ মন বিরুদ্ধে যুদ্ধো গরের্ আর মরে বন্দী গুরি রাগেয়্যে। মঅ ভিদিরে যে পাপ্পান্ আঘে এ সুদোমান্ তার্।

রোমীয় 7:4

ঠিগ্ সেবাবোত্যে মর্ ভেইয়ুন, যীশু খ্রীষ্টর্ মাধ্যমে মোশির্ রীদি-সুদোমর্ দাবি-দাওয়া ইধু তুমিয়ো মোজ্জ্য। সিয়েনর্ কারনে যিবেরে মরণত্তুন্ জেদা গরা ওইয়্যে তুমি সেই যীশু খ্রীষ্টর্ ওইয়ো, যেন গোজেনত্তে তমা জিংকানিয়ানি দোল্ ওই উদে।

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

১ করিন্হীয় 15:45

পবিত্র বোইবোত্ এবাবোত্যে গুরি লেগা আঘে, “পত্তম মানুচ্‌ আদম জেদা প্রাণী অলঅ।” আর শেজ্ আদম জিংকানিদান গুরিয়্যে আত্মা অলঅ।

২ করিন্হীয় 3:17

এই প্রভুই অলঅ পবিত্র আত্মা; আর যিয়েনত্ প্রভুর আত্মা সিয়েনত্ স্বাধীনতা।

২ করিন্হীয় 3:6

এক্কান নুয়ো বেবস্থার্ কধা জানিবাত্যে তেয়ই আমারে যোগাজ্জ্যে গুরি তুল্ল্যে। এ বেবস্থাগান্ অক্ষরে অক্ষরে আইন-কানুন্ পালানার্ বেপার নয়, মাত্তর্ পবিত্র আত্মার পরিচালনায় মনর্ বাধ্যতার্ বেপার; কিয়া আইন-কানুনে মরণ আনে, মাত্তর্ পবিত্র আত্মাগানে জিংকানি দান গরে।

গালাতীয় 2:19

রীতি-সুদোম দাবি-দাওয়া ইধু রীতি-সুদোম্বোই মর্ মরণ ওইয়্যে যেন মুই গোজেনত্যে বাঁজি থেই পারং।

গালাতীয় 5:1

খ্রীষ্ট আমারে স্বাধীন গোজ্জ্যে যেন আমি স্বাধীন থেই পারিই। সেনত্যে তুমি থির্ থাগঅ, যেন কেঅ আরঅ তমারে চাগর্ বানেই ন-পারে।

গালাতীয় 6:2

তুমি একজন আরেকজনর্ ভারান্ ভুগি লোইয়ো। এবাবোত্যেগুরি তুমি খ্রীষ্টর্ সুদোমানি পালেই পারিবা।

যাকোব 1:25

মাত্তর্ যে পুরো সুদোমানে মান্‌জ্যরে স্বাধীনতা দান গরে তা ইন্দি যে গমেডালে রিনি চায় আর মনযোগ দে, তে সেই সুদোমর্ কধা শুনিনে পুরি ন-ফেলায় বরং সে ধগে কাম্‌অ গরে। ফলে তে তার বেক্‌ কামানিত্ বর্ পায়।

ফগদাং পেইয়্যে 11:11

মাত্তর্ এই সাড়ে তিন দিন পরে গোজেনর্ দিয়্যে পরাণ-বৈয়্যেরান তারা ভিদিরে সোমেল। সেক্কে তারা টেঙত্ ভর্ দিইনে থিয়েলাক্। সেক্কে যিগুনে তারারে দেগিলাক্ সিগুনে ভারী দোরেলাক্।

ফগদাং পেইয়্যে 22:1

সিয়েন পরেদি সেই স্বর্গদূত্‌তো মরে জিংকানি-পানির্ গাঙান্ দেগেল। সিবে ফুদিগো ধোক্ক্যেন সাব্ এলঅ আর গোজেনর্ আহ্ ভেড়া-ছবোর্ সিংহাসনত্তুন্ নিগিলিনে শঅর পধর্ সংমোধ্যেদি বেঈ যার্। সেই গাঙানর্ দ্বিয়ো পারত্ জিংকানি-গাজ্ এলঅ। সিয়েনত্ বার বাবোত্যে গুলো ধরন্। পত্তি মাজত্ সিগুনোত্ গুলো ধরন্ আর সেই পাদানিলোই বেক্ জাদর্ মানুচ্চুনে গম অন্।