রোমীয় 8:16 - Chakma Bible

¹⁶ পবিত্র আত্মাগানেয়ো নিজে আমা মনত্ এই সাক্ষিগান দেত্তে যে, আমি গোজেনর্ পুয়ো।

রোমীয় 8:16 Iomraidhean Croise

হোশেয় 1:10

তো ইস্রায়েলীয়গুন সাগর-পার ধূল্যেচর ধোক্ক্যেন অবাক্, যিয়েনি মাবা ন-যায়, গোণায়ো ন-যায়। যে জাগানত্ তারারে কুয়ো ওইয়্যে, তুমি মঅ মানুচ্ নয়, সিয়েনত্ তারারে কুয়ো অবঅ, জেদা গোজেনর পুয়ো-ছা।

মথি লেখ্যে গম্ হবর্ 5:9

মান্‌‌জ্যর্ জিংকানিত্ শান্তি আনিবাত্তে যিগুনে কাম্ গরন্ তারা বর্‍‍‍পেইয়্যে, কিয়া গোজেনে তারারে নিজোর্ পুয়ো বিলিনে ডাগিবো।

লূকে লেখ্যে গম্ হবর্ 20:36

তারা আর্ মুরি ন-পারন্, কিয়া তারা স্বর্গদূত্‌‌‌‌তুনো ধোক্ক্যেন্। তারা গোজেনর্ পুয়ো কিয়া মরণত্তুন্ তারারে জেদা গরা ওইয়্যে।

যোহন 1:12

মাত্তর্ যেদক্‌জনে তা উগুরে বিশ্বেজ্ গুরিনে তারে গুজি ললাক্ তারারে বেক্কুনোরে তে গোজেনর্ পুয়ো অবার্ অধিকারান্ দিলো।

প্রেরিত্‌ 5:32

আমি ইয়েনি বেক্কানির সাক্ষী আর যিগুনে গোজেনর্ বাধ্য অন্, গোজেনে তারারে যে পবিত্র আত্মা দিয়্যে সেই পবিত্র আত্মাগান্অ সিয়েনর্ সাক্ষী।”

রোমীয় 8:14

কিয়া যিগুনে গোজেনর্ আত্মার্ পরিচালনায় চলন্ সিগুনে গোজেনর্ পুয়ো।

রোমীয় 8:19

গোজেনর্ পুয়োগুনে কক্কে সেই মহিমায় ফগদাং পেবাক্ সিয়েনত্তে বেক্ প্রাণিগুনে আওজ্ গুরিনে বাজ্জেই আঘন্,

রোমীয় 8:23

বানা সিয়েন্ নয়, মাত্তর্ যে মহিমাগান্ আমি যেরেদি পেবং সিয়েন্ পত্তম ফল্ ইজেবে পবিত্র আত্মারে পেইনে আমি নিজেয়ো মনেদি কোঙের্। আর সেই সমারে সেই দিন্নোত্তে বাজ্জেই আঘি যেক্কে গোজেনর্ পুয়ো-ছা ইজেবে আমারে ফগদাং গরা অবঅ, অত্তাৎ ভস্তর্ আঢত্তুন্ আমা কিয়্যেগানিরে উদ্ধোর্ গরা অবঅ।

রোমীয় 8:26

ইয়েন্ বাদে আমার বল্-নেইয়্যে অবস্থায় পবিত্র আত্মাগানে আমারে বল্ দে। কি কোইনে তবনা গরানা উচিত্ সিয়েন আমি হবর্ ন-পেই, মাত্তর্ যিয়েন ভাষাদি ফগদাং গুরি ন-পারে সেবাবোত্যে কোজোলী সমারে পবিত্র আত্মাগানে নিজেই আমার্ ওইনে কোজোলী গরে।

রোমীয় 9:26

যে জাগানত্ তারারে কুয়ো ওইয়্যে, ‘তুমি মর্ মানুচ্ নয়,’ সিয়েনত্ তারারে জেদা গোজেনর্ পুয়ো বিলিনে ডাগা অবঅ।”

রোমীয় 9:8

ইয়েনর্ অত্তগান্ অলঅ, ইস্রায়েল জাদঅ ভিদিরে জর্ম ওইয়্যে বিলি কেঅ যে গোজেনর্ পুয়ো সিয়েন্ নয়, মাত্তর্ গোজেনর্ এগেম্ মজিম যিগুনোর্ জর্ম ওইয়্যে তারারে অব্রাহাম গুট্টির্ বিলিনে ধরা অবঅ।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 1:22

অত্তাৎ তার্ নিজোর্ সোম্বোত্তি ইজেবে তে আমারে সীল্‌‌মহ্‌‌র গুরি থোইয়্যে; আর যিয়েনি আমারে দিবো তার্ পত্তম ভাগ্ ইজেবে তে আমা রিবেঙত্ পবিত্র আত্মারে দিয়্যে।

২ করিন্হীয় 5:5

ইয়েনত্যে গোজেনে আমারে বানেয়্যে আর তার্ পত্তম্ ভাগ্ ইজেবে তে পবিত্র আত্মাগান আমারে দিয়্যে।

২ করিন্হীয় 6:18

ইয়েন বাদে “বেগত্তুন্ খেমতাবলা গোজেনে কয়, ‘মুই তমার্ বাপ্ ওম্ আর তুমি মর্ পুয়ো-ছা অবা ’ ”

গালাতীয় 3:26

খ্রীষ্ট যীশু উগুরে বিশ্বেজর্ মাধ্যমে তুমি বেক্কুনে গোজেনর্ পুয়ো ওইয়ো;

গালাতীয় 4:6

তুমি পুয়ো বিলিনে গোজেনে তার্ পুয়োবোর্ আত্মাগানরে তমা মনত্ থেবাত্যে পাধেই দিয়্যে। সেই আত্মাগানে গোজেনরে বাবা অত্তাৎ বাপ্ বিলিনে ডাগে।

ইফিষীয় 1:13

আর তুমিয়ো সত্যর্ কধা, অত্তাৎ পাপত্তুন্ উদ্ধোর্ পেবার গম হবর্ শুনিনে খ্রীষ্ট উগুরে বিশ্বেজ্ গোজ্জ্য। খ্রীষ্ট সমারে মিজেয়ো বিলি গোজেনে তার্ এগেম্ গোজ্জ্যে পবিত্র আত্মালোই তমারে সীল্‌মারি রাগেয়্যে।

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

দ্বি’লম্বর বিররণ 14:1

তুমি তমার গোজেন লগেপ্রভুর পূঅ। সেনত্যে মরা মান্‌জ্যত্যে আবিলেচ্‌ গুরিবাত্তে যেইনে কিয়্যেগানর্‌ কনঅ জাগাত তমাত্তুন্‌ ঘা গুরি ন-পারিবা, বা কুল্লো মুজুঙেন্দি চুলান কাবি ন-পারিবো।

১ যোহন 3:1

চঅ, বাবা গোজেনে আমারে কদক্ কোচ্‌পায়! তে আমারে তার্ পুয়ো বিলিনে ডাগে; আজলে আমি সিয়েনই। ইয়েনত্যে জগদ্‌‍তানে আমারে ন-চিনে, কিয়া জগদ্‌‍তানে গোজেনরেয়ো ন-চিনে।

১ যোহন 3:10

যিগুনে ন্যায় কামত্ নিজোরে ন-রাগান আর ভেইয়োরে কোচ্‌ ন-পান্, সিগুনে গোজেনর্ নয়। ইয়েন্দোই ফগদাং পায়, কন্না গোজেনর্ পুয়ো আর কন্না বা শদানর্ পুয়ো।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।

১ যোহন 4:13

তা আত্মাগান তে আমারে দান গোজ্জ্যে, আর ইয়েন্দোই আমি কোই পারিই যে, আমি তা সমারে আঘিই আর তেয়ো আমা মনভিদিরে আঘে।

১ যোহন 5:10

গোজেন পুয়োবো উগুরে যে বিশ্বেজ্ গরে তা মনভিদিরে সেই সাক্ষিগান আঘে। যিগুনে গোজেনরে বিশ্বেজ্ ন-গরন তারা তারে মিজেমাদিয়্যে বানেয়োন, কিয়া গোজেনে তা পুয়োবো পৌইদ্যেনে যে সাক্ষিগান দের্ সিয়েন তারা বিশ্বেজ্ ন-গরন।

ফগদাং পেইয়্যে 21:7

যে জিদিবো তে ইয়েনি বেক্কানির অধিকারী অবঅ। মুই তার্ গোজেন ওম্ আর তে মর্ পুয়ো অবঅ।