রোমীয় 7:4 - Chakma Bible

⁴ ঠিগ্ সেবাবোত্যে মর্ ভেইয়ুন, যীশু খ্রীষ্টর্ মাধ্যমে মোশির্ রীদি-সুদোমর্ দাবি-দাওয়া ইধু তুমিয়ো মোজ্জ্য। সিয়েনর্ কারনে যিবেরে মরণত্তুন্ জেদা গরা ওইয়্যে তুমি সেই যীশু খ্রীষ্টর্ ওইয়ো, যেন গোজেনত্তে তমা জিংকানিয়ানি দোল্ ওই উদে।

রোমীয় 7:4 Iomraidhean Croise

যিশাইয় 54:5

তর্ গোজেনে তর্ নেক্, তা নাঙান্ বেগত্তুন্ খেমতাবলা লগেপ্রভু; ইস্রায়েলর সেই সুদ্ধো-সাংগ মানুচ্চো তর্ উদ্ধোরগুরিয়্যে। তারে বেক্ পিত্‌থিমীগানর গোজেন কুয়ো অয়।

যিশাইয় 62:5

এক্কো গাবুজ্যে পুয়ো যেবাবোত্যে গুরি এক্কো গাবুজ্যে মিলেরে লয় সেবাবোত্যেগুরি তঅ মানুচ্চুনে তরে লবাক্; জামেইবো যেবাবোত্যেগুরি বৌবোরে নিইনে ফুত্তি গরে সেবাবোত্যেগুরি তঅ গোজেনেয়ো তরে নিইনে ফুত্তি গুরিবো।

মথি লেখ্যে গম্ হবর্ 26:26

হানা-দানা চলের্, এমন্ সময়োত্ যীশু রুটি লোইনে গোজেনরে ভালেদি জানেল। পরেদি তে সেই রুটিগান্ কট্টা কট্টা গুরিলো আর শিচ্চ্যগুনোরে দিইনে কলঅ, “এইয়্যে লঅ, হঅ; ইয়েন্ মর্ কিয়্যে।”

মার্ক 4:20

সেনত্তে সিয়েনত্ কনঅ ফল ন-অয়। আর গম্ ভূইয়োত্ ফেলেয়্যে বীজিগুনো মাধ্যমে তারা পৌইদ্যেনে কুয়ো ওইয়্যে যিগুনে সেই কধানি শুনিনে সিয়েনি মানি লন্ আর ফল দুয়োন্। কেঅ দে ত্রিশগুন্, কেঅ দে ষায়েট গুন্ আরঅ কেঅ দে একশগুন্।”

যোহন 15:8

যুনি তমা জিংকানিত্ জদবদে গুলো ধরে আর এবাবোত্যেগুরি তুমি নিজোরে মঅ শিচ্চ্য বিলিনে প্রমাণ গরঅ সালে মঅ বাপ্পোর্ বাঈনী অবঅ।

যোহন 3:29

যা আঢত্ ঝিবোরে দিয়্যে ওইয়্যে, তেয়ই জামেবো। জামেয় সমাজ্যেবো থিয়্যেইনে জামেয়র্ কধা শুনে আর তার্ রবুয়ো শুনিনে ভারী খুজী অয়। ঠিগ্ সেবাবোত্যেগুরি মর্ খুজীগান্ এচ্চ্যে পুরেল।

যোহন 6:51

মুয়ই সেই জিংকানি-রুটিগান্ যিয়েন স্বর্গত্তুন্ লামি এচ্চ্যে। এ রুটিগান্ যে হেবঅ তে উমরত্তে জিংকানি পেবঅ। মঅ কিয়্যেগানই সেই রুটিগান্। মান্‌জ্যে যেন জিংকানি পান্ সেনত্তে মুই মর্ এ কিয়্যেগান্ দিম্।”

রোমীয় 6:11

ঠিগ্ সেবাবোত্যেগুরি এ কধাগান উগুরে নির্ভর গরঅ যে, খ্রীষ্ট যীশু সমারে মিজেয়ো বিলি পাপর্ দাবী-দাওয়া ইধু তুমি মোজ্জ্য, আর ইক্কিনে গোজেনত্তে তুমিয়ো বাঁজি আঘঅ।

রোমীয় 6:14

তুমি দঅ পাপর্ চাগর্ নয়, কিয়া তুমি গোজেনর্ দোয়্যের্ তলে, রীদি-সুদোমর্ তলে নয়।

রোমীয় 6:2

খামাক্কায় নয়। পাপর্ দাবী দাওয়া ইধু দঅ আমি মোজ্জ্যেই; সালে কেধোক্ক্যেন গুরি আমি আর পাপর্ পধেদি চলিবং?

রোমীয় 6:22

মাত্তর্ ইক্কিনে তুমি পাপ আঢত্তুন্ ছড়ান্ পেইনে গোজেনর্ চাগর্ ওইয়ো। সিয়েনত্ লাভ্‌পান অলদে ইয়েন, তুমি পবিত্র গুরিনে বাড়ি উদোর্, আর সিয়েনর্ ফল অলঅ উমর জিংকানি।

রোমীয় 7:3

সেনত্তে নেক্কো বাঁজি থাগদে সেই মোক্কো যুনি অন্য কাররে লয় সালে তারে বেগেয়্যেবানী কুয়ো অয়। মাত্তর্ যুনি তা নেক্কো মুরি যায় সালে তে সেই আইনোর্ বান্যেগানত্তুন্ উদ্ধোর্ অয়। আর সেক্কে যুনি তে অন্য কাররে লয় সালে তে বেগেয়্যে/সিনেলী ন-অয়।

রোমীয় 7:6

সেক্কে আমারে যিয়েনিয়ে বানি রাগেদ সিয়েনির দাবি-দাওয়া ইধু আমি মোজ্জ্যেই। সেনত্তে আইন-কানুনোত্তুন্ ইক্কিনে আমি মুক্ত। সিয়েনর্ কারনে আমি ইক্কিনে লেগা রীদি-সুদোমর্ সেই পুরোণি জিংকানি-পধর্ চাগর্ নয়, মাত্তর্ পবিত্র আত্মার্ দিয়্যে নুয়ো জিংকানি-পধর্ চাগর্ ওইয়্যেই।

রোমীয় 8:2

জিংকানির্ গিরোজ্‌সো পবিত্র আত্মার্ সুদোমান্দোই খ্রীষ্ট যীশুর্ মাধ্যমে মরে পাপ আর মরণর্ সুদোমত্তুন্ উদ্ধোর্ গোজ্জ্যে।

১ করিন্হীয় 10:16

প্রভুর্ ভোজ সময়োত্ ভালেদি জানেইনে যে অাশিদ্‌বাদ গলজত্তুন্ আমি হেই, সিয়েন কি খ্রীষ্টর্ লো-গান ভাগ্ লনা ধোক্ক্যেন নয়? আর যে রুটিগানি আমি কট্টা গুরিনে হেই সিয়েন কি খ্রীষ্টর্ কিয়্যের্ ভাগ্ লনা ধোক্ক্যেন নয়?

২ করিন্হীয় 11:2

মুই তমাত্যে মঅ মনত্ গোজেনর্ দিয়্যে এক গভিন্ জ্বালায় জ্বলঙর্, কিয়া মুই বানা এক্কো জামেইয় সমারে, অত্তাৎ খ্রীষ্ট সমারে তমার্ মেলা পৌইদ্যেনে ঠিগ্ গুরি রাগেয়োং, যেন সতী মোগ্ ইজেবে তাইধু তমারে তুলি দি পারং।

গালাতীয় 3:13

রীতি-সুদোম্ অমান্য গরানার ফলে যে অভিশাব্‌পান আমা উগুরে এলঅ, খ্রীষ্ট সে অভিশাব্‌পান নিজো উগুরে লোইনে আমারে উদ্ধোর্ গোজ্জ্যে। পবিত্র বোইবোত্ এ কধাগান্ লেগা আঘে, “যিবেরে গাজত্ টাঙা অয় তে অভিশাব্ পেইয়্যে।”

গালাতীয় 5:18

যুনি তুমি পবিত্র আত্মালোই পরিচালিত অ সালে তুমি রীতি-সুদোমর্ অধীনোত্ নয়।

ফিলিপীয় 4:17

কনঅ বক্‌শিজ্ যে মুই মাগঙর্ সিয়েন নয়, মাত্তর্ মুই এমন্‌ ফলর্ আজা গরঙর্ যিগুন তমা নাঙে জমা অনাত্ থেবঅ।

কলসীয় 1:10

ইয়েন্দোই যেন তুমি গম কাম্ গুরিনে ফলবান অ আর গোজেনরে আরঅ গমেডালে জানি পারঅ; আর এবাবোত্যেগুরি যেন বেক্কানিত্ প্রভুরে হুজী গুরিবাত্যে তার যগাজ্জ্যে ওইনে চলি পারঅ।

কলসীয় 1:22

মাত্তর্ খ্রীষ্টর মরণর মাধ্যমে তা কিয়্যেগান্দোই গোজেনে নিজো লগে ইক্কিনে তমারে এগত্তর্ গোজ্জ্যে, যেন তে তমারে পবিত্র, থুদো নেইয়্যে আর নিদ্দুজি অবস্থায় নিজো মুজুঙোত্ আঝির্ গুরি পারে।

কলসীয় 1:6

এ গম্ হবরান গোদা পিত্‌থিমীত ছিদি পড়িনে ফল ধরের্ আর দিন দিন উজেই যার্। যেদিন্ন্যে তুমি এ গম্ হবরান শুন্ন্য আর গোজেনর্ দোয়্যের কধা ঘেচ্চ্যেক্ গুরি কোই পাজ্জ্য সে দিন্নোত্তুন্ ধুরি সিয়েন তমা ভিদিরেয়ো ঠিগ্ সেবাবোত্যেগুরি কাম গরের্।

কলসীয় 2:14

আর আমা বিরুদ্ধে যে দলিলানি এলঅ সিয়েনির বেক দাবি-দাওয়া সুদ্ধো সিয়েনি বাতিল গুরি দিয়্যে। সেই দলিলানি তে ক্রুশোত্ পেরেগ্ মারিনে নাকচ্ গুরি ফেল্ল্যে।

কলসীয় 2:20

খ্রীষ্ট সমারে মুরিনে তুমি যেক্কে জগদর্ নানান্ সুদোমত্তুন্ দূরোত্ সুরি এচ্চ্য সেক্কে জগদর্ মানুচ্চুনো ধোক্ক্যেন তুমি কিত্ত্যে আরঅ জগদর্ নিয়মর্ অধীন অর্?

ইব্রীয় 10:10

গোজেনর্ সেই আওজ্ মজিম যীশু খ্রীষ্টর্ কিয়্যেগান একপল্লা উৎসর্ব গরানালোই গোজেন নাঙে আমারে যুদো গরা ওইয়্যে।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

ফগদাং পেইয়্যে 19:7

এজঅ, আমি মন হুজিয়ে বেশ্ গুরি ফুত্তি গুরিই আর তার্ বাঈনী গুরিই, কিয়া ভেড়া-ছবোর্ মেলা গুরিবার অক্ত ওইয়্যে আর তার্ বৌবো নিজোরে যুক্কোল্ গোজ্জ্যে।

ফগদাং পেইয়্যে 21:9

যে সাতজন স্বর্গদূতো আঢত্ শেজ্ সাত্‌তান আঘাত-ভরা সাত্‌টো কদরা এলঅ তারাত্তুন্ একজনে মইধু এইনে কলঅ, “আয়, মুই তরে বৌ, অত্তাৎ ভেড়া-ছবোর্ মোগ্‌কোরে দেগাং।”