রোমীয় 7:3 - Chakma Bible

³ সেনত্তে নেক্কো বাঁজি থাগদে সেই মোক্কো যুনি অন্য কাররে লয় সালে তারে বেগেয়্যেবানী কুয়ো অয়। মাত্তর্ যুনি তা নেক্কো মুরি যায় সালে তে সেই আইনোর্ বান্যেগানত্তুন্ উদ্ধোর্ অয়। আর সেক্কে যুনি তে অন্য কাররে লয় সালে তে বেগেয়্যে/সিনেলী ন-অয়।

রোমীয় 7:3 Iomraidhean Croise

যাত্রা 20:14

সিনেলী (বেশ্যে-হাঙ্গি) ন-গোজ্য।

লেবীয় 20:10

যুনি কনজনে তার্‌ পাড়াল্যে মোগো সমারে, অত্তাৎ অন্য কনঅ মান্‌জ্যর্‌ মোগো সমারে সিনেলী গরে সালে বেভিচারী আর বেভিচারিনী দ্বিজনরেই মারে ফেলা পুরিবো।

মথি লেখ্যে গম্ হবর্ 5:32

মাত্তর্ মুই তমারে কঙর্, যুনি কনজনে বেভিচের দুষ্ বাদে অন্য কনঅ কারনে মোগোরে ছাড়ি দে তে তারে বেভিচারিনি বানায়। আর যিবেরে ছাড়ি দিয়্যে ওইয়্যে সে মিলেবোরে যে লয় তেয়ো বেভিচের্ গরে।

রোমীয় 7:2

যেদক্ দিন নেক্কো বাঁজি থায় সেদক্ দিন সং মোক্কো রীদি-সুদোমদোই তা সমারে বান্যে থায়। মাত্তর্ নেক্কো মরানার্ পরেদি সেই আইনোর্ বান্যেগানত্তুন্ মোক্কো উদ্ধোর্ অয়।

রোমীয় 7:4

ঠিগ্ সেবাবোত্যে মর্ ভেইয়ুন, যীশু খ্রীষ্টর্ মাধ্যমে মোশির্ রীদি-সুদোমর্ দাবি-দাওয়া ইধু তুমিয়ো মোজ্জ্য। সিয়েনর্ কারনে যিবেরে মরণত্তুন্ জেদা গরা ওইয়্যে তুমি সেই যীশু খ্রীষ্টর্ ওইয়ো, যেন গোজেনত্তে তমা জিংকানিয়ানি দোল্ ওই উদে।

রূত 2:13

সেক্কে রূতে কলঅ, “ও মর্‌ প্রভু, তুই যেনে মরে মেইয়্যের চোগেন্দি চাজ্‌। তর্‌ এ চাগরানিবো ইদু উজ্‌সোমির্‌ কধানি কোইনে তুই মরে বুঝেলে, যুনিয়ো মর্‌ এই কামঅ‌ মিলেগুনোর কার লগে থিয়্যেবার সেদাম্অ মত্তুন্‌ নেই।”