রোমীয় 7:21 - Chakma Bible

²¹ সালে মুই নিজো ভিদিরে এক্কান সুদোমরে কাম্ গত্তে দেগঙর্। সেই সুদোমান্ অলঅ এই-যিয়েনি গম্ সিয়েনি যেক্কে মুই গুরিবাত্তে চাং সেক্কে ভান্ন্যেয়ান নিত্য ম ইধু থায়।

রোমীয় 7:21 Iomraidhean Croise

গীতসংহিতা 119:133

তর্ কধা মজিম্ গম্ পধেন্দি চলিবাত্তে তুই মঅ টেঙানি ঠিগ্ গুরি দে; কনঅ অন্যেয় যেনে মঅ উগুরে ন-অয়।

গীতসংহিতা 119:37

বাজে জিনিসোত্তুন্ তুই মঅ চোগ্‌কুন ফিরেই দে; তঅ পধেন্দি চলিবাত্তে মরে নুয়োগুরি খেমতা দে।

গীতসংহিতা 40:12

কিয়া ভালোক্কানি দযায় মরে ঘিরিনে ধোজ্যে; পাপে মঅ পিজেন্দি লড়ার্ মঅ উগুরে লুম্মেগি। মুই ন-দেগঙর্; সিয়নি মর্ চুলানিত্তুন্‌অ বেশ্; সাহস কদে মর্ আর্ কিচ্ছু নেই।

গীতসংহিতা 65:3

মর্ অন্যেয় কামত্ মুই তলে পড়ি আগং, মাত্তর্ তুই আমা বেক পাপ্পানি খেমা গুরি থাচ্।

লূকে লেখ্যে গম্ হবর্ 4:1

যীশু পবিত্র আত্মালোই পরিপূরোন ওইনে যর্দন গাঙত্তুন্ গেলগোই। পবিত্র আত্মার্ পরিচালনায় তে চল্লিশ দিন ধুরিনে ধূল্যেচর-চাগালাত্ ঘুরি বেড়া ধুরিলো। সে অক্তত্ শদানে তারে লুভ্ দেগেইনে পাপত্ ফেলেবার চেট্ট্যা গরা ধুরিলো। এই চল্লিশ দিন যীশু কিচ্চু ন-হায়; সেনত্তে এ দিনুন্ কাদেই উদোনার্ পরেদি তার্ পেট পুরিলো।

যোহন 8:34

যীশু তারারে ইয়েন্ কলঅ, “মুই ঘেচ্চ্যেক্‌গুরি তমারে কঙর্, যিগুনে পাপত্ পরি থান্ সিগুনে বেক্কুনে পাপর চাগর্।

রোমীয় 6:12

ইয়েনত্তে তমার্ এই মরণর্ কিয়্যেগান উগুরে পাপ্পানরে আর রাজাগিরি গুরিবাত্তে ন-দুয়ো। যুনি দুয়ো সালে তমার্ কিয়্যের্ ভান্ন্যেয়র্ আওজ্‌মজিম তুমি চলিবা।

রোমীয় 6:14

তুমি দঅ পাপর্ চাগর্ নয়, কিয়া তুমি গোজেনর্ দোয়্যের্ তলে, রীদি-সুদোমর্ তলে নয়।

রোমীয় 7:23

তো মুই দেগঙত্তে, এক্কান যুদো সুদোম মঅ কিয়্যে ভিদিরে কাম্ গরের্। যিয়েন গম্ মঅ মনানে সিয়েন গম্ বিলিনে মানি লয়, মাত্তর্ এই যুদো সুদোমান্ মঅ মন বিরুদ্ধে যুদ্ধো গরের্ আর মরে বন্দী গুরি রাগেয়্যে। মঅ ভিদিরে যে পাপ্পান্ আঘে এ সুদোমান্ তার্।

রোমীয় 7:25

আমা প্রভু যীশু খ্রীষ্টর্ মাধ্যমে মুই গোজেনরে ভালেদি জানাং যে, তে মরে রোক্ষ্যে গোজ্জ্যে। সালে দেগা যায় যে, মন ইন্দিত্তুন্ মুই গোজেন রীদি-সুদোমর্ চাগর্, মাত্তর্ পাপ-খাচ্চ্যদর্ ইন্দিত্তুন্ মুই পাপ সুদোমর্ চাগর্।

রোমীয় 8:2

জিংকানির্ গিরোজ্‌সো পবিত্র আত্মার্ সুদোমান্দোই খ্রীষ্ট যীশুর্ মাধ্যমে মরে পাপ আর মরণর্ সুদোমত্তুন্ উদ্ধোর্ গোজ্জ্যে।

ইব্রীয় 2:17

সেনত্যে যীশুত্তুন্ বেক্কানিন্দি তা ভেইয়ুনো ধোক্ক্যেন উয়ো পল্ল, যেনে তে এক্কো দোয়্যেলু আর বিশ্বেজি দাঙর্ ধর্মগুরু ইজেবে গোজেনর্ সেবা গুরি পারে। ইয়েনর উদ্দেচ্চ্যগান অলঅ, তে যেন নিজোর্ মরণানরে দিইনে মান্‌জ্যর পাপ্পানি দূর্ গুরিনে গোজেনরে হুজি গরে।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।

২ পিতর 2:19

সেই ফক্কর্ মাষ্টরুনে সেই মানুচ্চুনোর্ স্বাধীনতা দেনার এগেম্ গরন সত্য, মাত্তর্ নিজে জঘন্য কামর চাগর্ ওইনে থান; কিয়া কেঅ যুনি কনঅ কিজু ইধু ন-জিদোন সালে তে তার চাগর্ অয়।