রোমীয় 7:11 - Chakma Bible

¹¹ কিয়া সেই উগুমানর্ সুযোগে পাপ্‌পানে মরে থোগেল, আর সেই উগুমানর্ কারনে পাপ্‌পানে মরে মারে ফেলেল।

রোমীয় 7:11 Iomraidhean Croise

পত্থম 3:13

সেক্কে লগেপ্রভু গোজেনে সে মিলেবোরে কলঅ, “তুই ইয়ান্‌ কি গোজ্যচ্‌?” মিলেবো কলঅ, “সেই সাপ্পো মরে ছলনা গুরি ভুলেয়্যে সেনত্যে মুই সিগুন হেইয়োং।”

যিশাইয় 44:20

তে ছেই হাইদ্যে ধোক্ক্যেন গুরি কাম্ গরে আর তার ঠগাইদ্যে মনানে তারে দজাত্ ফেলায়। তে নিজোরে উদ্ধোর্ গুরি ন-পারে বা নয়ো কয়, “মঅ ডেন্ আঢর্ এ জিনিস্‌‍‍ছান কি মিজে নয়?”

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

যিরমিয় 49:16

ও পাত্তর ফাদামারাত্ বজত্তি গুরিয়্যে মুড়োমুড়ির অজল্ জাগানর গিরোজ্, তুই দর্‌‍‍‌গরেপারা বিলিনে তঅ মনর্ যে বাড়্‌বোগানে তরে ছলনা গোজ্যে। যুনিয়ো তুই ঈগল ধোক্ক্যেন অজল্ জাগাত্ তঅ ঘরান বানাচ্ তো সিয়েনত্তুন্ মুই তরে তলেদি লামেই অনিম।

ওবদিয় 1:3

তুই পাত্তরর্ মুড়ো ফাদা সেরে বজত্তি গর্ আর অজল্ অজল্ জাগাত্ থাগ্ আর মনে মনে কঅ, কন্না মরে মাদিত্ লামেই পারিবো? মাত্তর্ তঅ মনর্ অহংকারানে তরে ঠোগেয়্যে।

রোমীয় 3:20

রীদি-সুদোম পালন গুরিলে যে গোজেনে মান্‌জ্যরে নিদ্দুজি বিলিনে মানি লবঅ সিয়েন নয়, মাত্তর্ রীদি-সুদোমর্ মাধ্যমে মানুচ্‌ নিজো পাপ পৌইদ্যেনে চেতনা পায়।

রোমীয় 7:13

সালে যিয়েন উপকারি সিয়েন্দোই কি মর্ মরণ অলঅ? কনদিন্‌অ নয়, বরং যিয়েন উপকারি সিয়েন্দোই পাপ্পানে মর্ মরণ্ ঘোদেল, যেন পাপ যে সত্যই পাপ সিয়েন বুঝো যায়। পাপ যে কত্তমান্ জঘন্য সিয়েন উগুম্বোই ধরা পড়ে।

রোমীয় 7:8

মাত্তর্ পাপ্‌পানে সেই উগুমোর্ সুযোগে মইধু নানান্ বাবোত্যে লুভ্ জাগেয়্যে, কিয়া রীদি-সুদোম ন-থেলে পাপ্‌পান্ যেন মরা ধোক্ক্যেন্ পড়ি থায়।

ইফিষীয় 4:22

তুমি এ শিক্ষ্যেগান পেয়োদে যে, তমা পুরোণি জিংকানির পুরোণি “মুই” পুরোণ্ কাবড় ধোক্ক্যেন বাদ দিয়্যে পরিবো, কিয়া ছলনার কামনালোই সেই পুরোণি “মুই” বর্‌‌বাদ ওই যার্।

ইব্রীয় 3:13

ইয়েনত্তুন্ যেদকদিন পবিত্র বোইবোর্ “এচ্চ্যে” কধাগান কুয়ো যায়, সিয়েনর পত্তি দিন তুমি একজন আরেকজনরে উচ্চোমি দুয়ো, যেনে তমার্ কারঅ মন পাপর্ ছলনাত পড়িনে আগাত্যে ন-অয়;

যাকোব 1:22

বানা গোজেন কধানি শুনিলে ন-চলিবো, সেবাবোত্যে গুরি কাম্‌অ গরা পরিবো। যুনি তুমি বানা গোজেনর্ কধানি শুনো মাত্তর্ সে ধগে কাম্ ন-গরঅ সালে তুমি নিজোরে থগর্।

যাকোব 1:26

কেঅ যুনি নিজোরে ধার্মিক মনে গরে অদচ নিজোর্ জিলানরে ন-সামালায় তে নিজোরে থগায়। তার্ ধর্মর্ কামানি মিজে।