রোমীয় 6:19 - Chakma Bible

¹⁹ মান্‌জ্যর্ দুর্বলতার্ কারনে মুই কধানি মান্‌জ্যে যেবাবোত্যেগুরি বুঝিবাক্ সেবাবোত্যেগুরি কঙর্। আগে তুমি যেবাবোত্যে আরঅ বেশ্ গুরিনে অন্যেয় কাম্ গুরিবাত্তে নিজো কিয়্যেগানরে অপবিত্র আহ্ অন্যেয়র্ চাগর্ বানেয়ো, ঠিগ্ সেবাবোত্যেগুরি ইক্কিনে পবিত্রতালোই ভর্ পুনোং অবাত্তে তমা কিয়্যেগানরে ন্যায় কামর্ চাগর্ বানঅ।

রোমীয় 6:19 Iomraidhean Croise

লেবীয় 13:40

যুনি কনঅ মান্‌জ্যর্‌ চুল উগুরি যেইনে মাঢাত্‌ টাক্‌ পড়ে ছালে তে ফিবলা ন-অবঅ।

মথি লেখ্যে গম্ হবর্ 4:23

গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

রোমীয় 15:1

আমি যিগুনে বিশ্বেজদি ঠিগ্, আমি যেন নিজোরে হুজি গরানা ইন্দি চোগ্ ন-দিইনে কম্ বিশ্বেজিগুনোর্ দুর্বলানি সোজ্জ্য গুরিই।

রোমীয় 3:5

মাত্তর্ আমা অন্যেয় কামানিত্তুন্ আরঅ গমেদালে বুঝো যায় যে, গোজেনে আমিযে ন্যায় কাম্ গরে। সালে আমি কি কবং যে, তে যেক্কে আমারে সাজা দে সেক্কে অন্যেয় গরে? খালিক্ কধাগান মুই মানুচ্ ইজেবে কঙর্, আজলে তে কনদিন্অ অন্যেয় ন-গরে।

রোমীয় 6:13

কিয়্যেগানর্ কনঅ জিনিজোরে অন্যেয় কাম্ গুরিবার্ আত্যের্ ইজেবে পাপ আঢত্ তুলি ন-দুয়ো। মরণত্তুন্ জেদা ওইয়্যে মানুচ্ ইজেবে তুমি বরং গোজেন আঢত্ নিজোরে তুলি দুয়ো আর গম্ কাম্ গুরিবার আত্যের্ ইজেবে তমা পুরো কিয়্যেগানরে গোজেনরে দি দুয়ো।

রোমীয় 7:23

তো মুই দেগঙত্তে, এক্কান যুদো সুদোম মঅ কিয়্যে ভিদিরে কাম্ গরের্। যিয়েন গম্ মঅ মনানে সিয়েন গম্ বিলিনে মানি লয়, মাত্তর্ এই যুদো সুদোমান্ মঅ মন বিরুদ্ধে যুদ্ধো গরের্ আর মরে বন্দী গুরি রাগেয়্যে। মঅ ভিদিরে যে পাপ্পান্ আঘে এ সুদোমান্ তার্।

রোমীয় 8:26

ইয়েন্ বাদে আমার বল্-নেইয়্যে অবস্থায় পবিত্র আত্মাগানে আমারে বল্ দে। কি কোইনে তবনা গরানা উচিত্ সিয়েন আমি হবর্ ন-পেই, মাত্তর্ যিয়েন ভাষাদি ফগদাং গুরি ন-পারে সেবাবোত্যে কোজোলী সমারে পবিত্র আত্মাগানে নিজেই আমার্ ওইনে কোজোলী গরে।

১ করিন্হীয় 5:6

দেমাগ্ গরানা তমাত্যে গম্ নয়। তুমি কি কোই ন-পার যে, এক্কেনাগুরি সদা এক্কান গোদা মোইদ্যের্ তালরে ফুলেই তুলে? তমা ভিদিরেত্তুন্ সেই পুরোণি সদাগানরে ফেলেই দুয়ো,

১ করিন্হীয় 6:11

তমা ভিদিরে কেঅ কেঅ সেবাবোত্যে এলা, মাত্তর্ প্রভু যীশু খ্রীষ্টর্ মাধ্যমে আর আমা গোজেন আত্মার্ মাধ্যমে তমারে ধোইনে সাব্ গরা ওইয়্যে, গোজেন নাঙে যুদো গরা ওইয়্যে আর নিদ্দুজি বিলিনে মানি লুয়ো ওইয়্যে।

১ করিন্হীয় 9:8

মুই কি বানা সাধারন বুদ্ধিলোই এ কধাগান্ কঙর্? মোশির্ রীতি-সুদোম্অ কি সেই একই কধা ন-কয়?

গালাতীয় 3:15

ভেইলগ্, মুই এক্কান্ সাধারণ কধালোই বেপারান্ বুঝোঙর্। যেক্কে একবার মান্‌জ্যর মাধ্যমে কনঅ চুক্তি পাক্কা গুরি ফেলা অয় সেক্কে সেই চুক্তিগান্ কেঅ বাতিল গুরি ন-পারে বা সিয়েন সমারে কিচ্চু মিজেই ন-পারে।

ইব্রীয় 12:15

চঅ, কেঅ যেন গোজেনর্ দোয়্যেত্তুন্ বাদ্ ন-পড়ন্। চঅ, বিষ্‌বলা তিদে গাজ শিঙোর ধোক্ক্যেন্ গেজেই উদিনে কেঅ যেন দুঘ্ বাড়েইনে ভালোক্ জনরে অসিজি ন-গরন্।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।