রোমীয় 6:12 - Chakma Bible

¹² ইয়েনত্তে তমার্ এই মরণর্ কিয়্যেগান উগুরে পাপ্পানরে আর রাজাগিরি গুরিবাত্তে ন-দুয়ো। যুনি দুয়ো সালে তমার্ কিয়্যের্ ভান্ন্যেয়র্ আওজ্‌মজিম তুমি চলিবা।

রোমীয় 6:12 Iomraidhean Croise

পত্থম 4:7

যুদি তুই গম কাম্‌ গরচ্‌ সালে কি তঅ মুয়োন আজি-হুজি ন-অদঅ? মাত্তর্ যুদি গম্ কাম নঅ-গরচ্‌ সেক্কে দঅ শদানে তরে পেবাত্তে তঅ ইধু এইনে বোই থেবগি; মাত্তর্ তারে তত্তুন্ বুঝে আনা পুরিবো।”

গীতসংহিতা 119:133

তর্ কধা মজিম্ গম্ পধেন্দি চলিবাত্তে তুই মঅ টেঙানি ঠিগ্ গুরি দে; কনঅ অন্যেয় যেনে মঅ উগুরে ন-অয়।

গীতসংহিতা 19:13

হবর্ পেইনে বার্‌বো গোজ্যে পাপত্তুন্ তর্ চাগর্‌‌‌বোরে তুই দূরোত্ রাগা; সিয়েনে যেনে মঅ উগুরে রাজাগিরি ন-গরে। সেক্কেনে তে মুই খাটি ওই পারিম, মুক্ত থেম্ গোজেন উগুরে অমকদ উল্লোমির দায়ত্তুন্।

লেবীয় 13:40

যুনি কনঅ মান্‌জ্যর্‌ চুল উগুরি যেইনে মাঢাত্‌ টাক্‌ পড়ে ছালে তে ফিবলা ন-অবঅ।

গণাণা 33:55

“মাত্তর্‌ তুমি যুনি সেই দেজর্‌ আদাম্মেগুনোরে ধাবেই ন-দুয়ো তো যিগুনোরে তুমি থেবাত্তে দিবা তারা তমার্‌ চোগোত্‌ বুড়্‌শী ধোক্ক্যেন আর ঢাগ আড় কাঁদা ধোক্ক্যেন অবঅ। তুমি সেই দেজত্‌ বজত্তি গুরিবার অক্তত্ তারা তমারে দুঘ্ দিবাক।

রোমীয় 13:14

তুমি কাবড় ধোক্ক্যেন্ গুরি প্রভু যীশু খ্রীষ্টরে দিইনে নিজোরে ঢাগি ফেলঅ; পাপ-খাচ্চ্যদর্ আওজ্ পূরোণা ইন্দি মনানি ন-দুয়ো।

রোমীয় 2:8

মাত্তর্ যিগুনে নিজো আওজ্ মজিম চলন্ আর সত্যগানরে ন-মানিনে অন্যেয়ানরে মানি চলন্ গোজেনে তারারে জদবদে সাজা দিবো।

রোমীয় 5:21

সেই দোয়্যেগান ইয়েনত্তে বাড়িলো যাতে মরণর্ মাধ্যমে যেবাবোত্যেগুরি পাপ্পান্ রাজাগিরি গোজ্জ্যে, সেবাবোত্যেগুরি মান্‌জ্যরে নিদ্দুজি বিলি মানি লনার্ মাধ্যমে ইক্কিনে তার্ দোয়্যেগানে রাজাগিরি গুরিই পারে; আর সিয়েনর্ ফল অলঅ আমা প্রভু যীশু খ্রীষ্টর্ মাধ্যমে উমর জিংকানি পানা।

রোমীয় 6:14

তুমি দঅ পাপর্ চাগর্ নয়, কিয়া তুমি গোজেনর্ দোয়্যের্ তলে, রীদি-সুদোমর্ তলে নয়।

রোমীয় 6:16

তুমি কি কোই ন-পারঅ যে, চাগর ধোক্ক্যেন্ যেক্কে তুমি কারঅ আঢত্ নিজোরে তুলি দুয়ো আর তার্ উগুমানি পালেই থাগঅ সেক্কে তুমি আজলে তার্ চাগর্ ওই যঅ? সেবাবোত্যেগুরি অয় তুমি পাপর্ চাগর্ ওই মুরিবে, নয় গোজেনর্ চাগর্ ওইনে গম্ কাম গুরিবা।

রোমীয় 8:11

যে যীশুরে মরণত্তুন্ জেদা গোজ্জ্যে সেই গোজেনর্ আত্মাগান্ যুনি তমা মনত্ বজত্তি গরে, সালে গোজেনে তার্ সেই আত্মাগান্দোই তমা মরণর্ তলে কিয়্যেগানরেয়ো জিংকানি দান গুরিবো।

রোমীয় 8:13

যুনি তুমি পাপ-খাচ্চ্যদ্ মজিম চলঅ সালে তুমি উমরত্তে মুরিবা। মাত্তর্ যুনি পবিত্র আত্মালোই কিয়্যের্ বেক্‌ ভান্ন্যেই কামানি ভস্ত গুরি ফেলঅ সালে উমরত্তে জেদা থেবা,

২ করিন্হীয় 4:11

আমি যিগুনে বাঁজি আঘিই আমারে নিত্য যীশুত্যে মরণ আঢত্ তুলি দিয়্যে অর্, যেন আমার্ মরণর্ অধীন কিয়্যেত্ যীশুর জিংকানিগান্‌অ ফগদাং অয়।

২ করিন্হীয় 5:4

ঘেচ্চ্যেকগুরি এ বল্‌পোজ্যে কিয়্যেগানত্ থানা অবস্থায় আমি কিয়্যে ভারে ব নিজেচ্‌ ফেলের্। আমি যে কিয়্যে নেইয়্যে অবাত্যে চেই সিয়েন নয়, বরং সেই নুয়ো কিয়্যেগানিলোই ঢাগিবাত্যে চেই, যেন আমার মরণর্ অধীন কিয়্যেগানি উমরত্যে জেদা থানা কিয়্যেগানি বুদুলি যায়।

গালাতীয় 5:16

মুই যিয়েন কঙর্ সিয়েন এবাবোত্যে-তুমি পবিত্র আত্মার্ অধীনোত্ আঢাউদো গরঅ। সিয়েন গুরিলে তুমি পাপ-খাচ্চ্যদর্ আওজ্‌চান পূরেই ন-পারিবা।

গালাতীয় 5:24

যিগুনে খ্রীষ্ট যীশুর্, সিগুনে তারার্ পাপ-খাচ্চ্যত্‌তানরে বেক্‌ কামনা-বাসনা সমত্ ক্রুশোত্ দিইনে শেজ্ গুরি ফেল্ল্যন্।

ইফিষীয় 2:3

আমি বেক্কুনে আমার পাপ-খাচ্চ্যদর্ কামনা পুরেইনে সেই মানুচ্চুনো ইধু এক সময় জিংকানি কাদেদং। পাপ-খাচ্চ্যদত্তুন্ যেদক্কানি আয়োজ আর চিন্তে জাগে আমি সে অনুসারে কাম গুরিদোং। এ খাচ্চ্যদত্যে আমিয়ো অন্য বেক্কুনো ধোক্ক্যেন গোজেনত্তুন্ সাজা পেবার্ যগাজ্যে এলং।

ইফিষীয় 4:22

তুমি এ শিক্ষ্যেগান পেয়োদে যে, তমা পুরোণি জিংকানির পুরোণি “মুই” পুরোণ্ কাবড় ধোক্ক্যেন বাদ দিয়্যে পরিবো, কিয়া ছলনার কামনালোই সেই পুরোণি “মুই” বর্‌‌বাদ ওই যার্।

দ্বি’লম্বর বিররণ 7:2

তে যেক্কে তারারে তমা আঢর্‌ মুদোত্‌ আনি দিবো আর তুমি তারারে অদেই দিবা সেক্কে তুমি তারারে এক্কুবারে ভস্ত গুরি ফেলেবা। তুমি তারা সমারে কনঅ চুক্তি ন-গুরিবা আর তারা উগুরে কনঅ মেইয়্যে ন-দেগেবা।

২ তীমথিয় 2:22

গাবুজ্জ্যে কালর্ ভান্ন্যেই কামনা-বাসনাত্তুন্ তুই ধেই যাগোই আর যিগুনে খাটি মনে প্রভুরে ডাগন্ তারা সমারে সৎ জিংকানি, বিশ্বেজ্, কোচ্‌পানা আর শান্তিত্যে আয়োজি অ।

তীত 2:12

এই দোয়্যেগানে আমারে শিক্ষ্যে দেত্তে যেন আমি গোজেন উগুরে ভোক্তি-নেইয়্যে আর জগদর্ কামনা-বাসনারে এলাফেলা গুরিনে এ জগদত্ নিজোরে দোঙেই রাগেইনে গোজেন-ভোক্তি সমারে গম্ জিংকানি কাদেই,

তীত 3:3

আমিয়ো আগে বুদ্ধি-নেইয়্যে আর অবাধ্য এলং, ভুল্ পধেদি চলিদোং, সুগী আর নানান্ বাবোত্যে কামনা-বাসনার চাগর্ এলং। আমি অন্যরে ইংসে গুরিদোং আর ক্ষোতি গুরিবার চিন্তেলোই জিংকানি কাদেদং। নিজে অন্যগুনোত্তুন্ ঈচ্ গরা হেইয়্যে অলেয়ো আমি একজন অারেক জনরে ঘিনেদং।

১ পিতর 1:14

গোজেনর্ বাধ্য পুয়ো-ছা ইজেবে তুমি তমার পুরোণি ভান্ন্যেই আওজ্ মজিম জিংকানি ন-কাদেয়ো; সেক্কে দঅ তুমি গোজেনরে ন-চিনিদা।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,

যিহূদা 1:16

এবাবোত্যে মানুচ্চুনে আমিঝে বেজারর্ ভাব দেগান, নিজোর ভাগ্যগানরে দুষ্ দুয়োন আর মনর্ আওজ মজিম আঢাউদো গরন্। তারা নিজোরে নিইনে দেমাগ্ গরন আর লাভত্যে মানুচ্চুনোরে উচ্চোমি দৈন্।

যিহূদা 1:18

তারা তমারে এ কধাগান কধাক্, “ঠাট্টা-তামাঝা গরানা যিগুনোর্ খাচ্চ্যত্ তারা শেজ্ সময়োত্ এবাক আর তারার ভোক্তি নেইয়্যে কামনা-বাসনা মজিম চলিবাক্।”

বিচের গুরিয়্যেগুন 2:3

সেনত্তেই ইক্কিনে মুই তমারে কঙত্তে, মুই তমাত্তুন এ মানুচ্চুনোরে ধাবেই ন-দিম্‌; তারা তমাত্যেই ফাল্‌ ধোক্ক্যেন অবাক্‌, কিত্যে তুমি তারার দেব-দেবেদাগুনোর ফালদ্‌ পুরিবা।”