রোমীয় 5:6 - Chakma Bible

⁶ যেক্কে আমার্ কনঅ খেমতা ন-এলঅ সেক্কে ঠিগ্ সময়োত্ খ্রীষ্ট গোজেন উগুরে ভোক্তি নেইয়্যে মানুচুনোত্তে, অত্তাৎ আমাত্যে পরাণান্ দিলো। কনঅ গম্ মান্‌জ্যত্তে কনজনে পরাণ্ ন-দুয়োন।

রোমীয় 5:6 Iomraidhean Croise

গীতসংহিতা 1:1

বর্ পেইয়্যে সেই মানুচ্চো, যে পাজিগুনোর সল্লা মজিম্ ন-আঢে, পাপীগুনোর পধেদি ন-থায়, ঠাট্টা-ঈচ্ গুরিয়্যেগুনোর্ আড্ডাত্ ন-বজে;

আবিলেচ্ 1:6

সিয়োন ঝিবোর্ বেক্ সয়সাগোজ্যেগানি যেয়্যেগোই। তার নেতাগুন এমন উরিঙো ধোক্ক্যেন যিগুনে চড়িবার জাগা ন-পান; তারা বল্‌‌‌পোজ্যে ওইনে তারা আগে অাগে ধেই যেইয়োন যিগুনে তারারে লড়াদন্।

দানিয়েল 11:15

সে পরেদি উত্তর রাজা এইনে এক্কান দেবাল-ঘিজ্যে শঅর্ ঘিরিনে সিয়েন গজক্ গুরিবো। দোগিণো সৈন্যদলর মানা গুরিবার খেমতা ন-থেবঅ; এন্ কি, তারার বেগত্তুন্ গম্ সৈন্যদলরঅ তারা বিরুদ্ধে থিয়্যেবার খেমতা ন-থেবঅ।

গণাণা 7:15

পূজ্যে-উৎসর্বত্তে এক্কো দামাড়া গোরু, এক্কো ভেড়াছাগল, এক্কো এক বোজোজ্যে ভেড়াছাগলর-ছঅ;

রোমীয় 11:26

আর এবাবোত্যেগুরি গোদা ইস্রায়েল জাদ্‌তো উদ্ধোর্ পেবঅ। পবিত্র বোইবোত্ লেঘা আঘে, সিয়োনত্তুন্ উদ্ধোর্ গুরিয়্যেবো এবঅ; তে যাকোব গুট্টির্ মানুচ্চুনো ভিদিরেত্তুন্ মঅ উগুরে ভোক্তি নেইয়্যেগান্ দূর্ গুরিবো।

রোমীয় 4:25

আমা পাপত্যে যীশুরে মরণ আদত্ তুলি দিয়্যে ওইয়্যে আর আমারে নিদ্দুজি বিলিনে মানি লবাত্যে তারে মরণত্তুন্ জেদা গরা ওইয়্যে।

রোমীয় 4:5

মাত্তর্ যে নিজো চেট্ট্যা উগুরে নির্ভর ন-গুরিনে বানা গোজেন উগুরে বিশ্বেজ্ গরে গোজেনে তার্ সেই বিশ্বেজত্তে তারে নিদ্দুজি বিলি মানিবো, কিত্যে তেয়ই পাপীগুনোরে নিদ্দুজি বিলি মানি লোই পারে।

রোমীয় 5:10

যেক্কে আমি গোজেনর্ শত্রু এলং সেক্কে তা পুয়োবোর্ মরাণার্ মাধ্যমে তা লগে আমি মিজেয়্যেই। এবাবোত্যেগুরি মিজেয়্যেই বিলি খ্রীষ্টর্ জিংকানিগান্দোই আমি খামাক্কায় পাপত্তুন্ উদ্ধোর্ পেবং।

রোমীয় 5:7

যিবে অন্যরে উপকার্ গরে সেবাবোত্যে মান্‌জ্যত্তে অয়ত বা কনজনে সাহস্ গুরিনে পরাণান্ দিলেয়ো দি পারন্।

রোমীয় 5:8

মাত্তর্ গোজেনে যে আমারে কোচ্‌পায় সিয়েনর্ প্রমাণ্ ইয়েন্, আমি পাপী থাগদে খ্রীষ্ট আমাত্যে পরাণান্ দিয়্যে।

রোমীয় 8:32

গোজেনে নিজোর্ পুয়োবোরেয়ো রেহাই ন-দিলো বরং আমা বেক্কুনোত্ত্যে তারে মরণর্ আঢত্ তুলি দিলো। সালে তে কি পুয়োবো সমারে আর বেক্কানিয়ো আমারে দান ন-গুরিবো?

রোমীয় 8:34

কন্না তারারে দুষি বিলিনে ঠিগ্ গুরিবো? যিবে মুরি যেয়্যে আর যিবেরে মরণত্তুন্ জেদা গরায়ো ওইয়্যে সেই খ্রীষ্ট যীশু ইক্কিনে গোজেনর্ ডেন্ ঢাগদি আঘে আর আমাত্যে কোজোলী গরের্।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

গালাতীয় 4:4

মাত্তর্ সময় পূরেলে পরেদি গোজেনে তা পুয়োবোরে পাধেই দিলো। সেই পুয়োবো মিলে পেদত্ জোর্মেল আর রীতি-সুদোম অধীনোত্ জিংকানি কাদেল,

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

কলসীয় 2:13

তুমি দঅ পাপর ফলে আর চুনু মাঢা-ন-কাবানার ফলে মরা এলা, মাত্তর্ গোজেনে তমারে খ্রীষ্টর্ লগে জেদা গোজ্জ্যে।

১ থিষলনীকীয় 5:9

শাজা পেবাত্যে নয় মাত্তর্ আমা প্রভু যীশু খ্রীষ্টর্ মাধ্যমে উদ্ধোর্ পেবাত্যে গোজেনে আমারে ঠিগ্ গুরি থোইয়্যে।

১ তীমথিয় 1:9

আমি ইয়েন্অ কোই পারিই, কনঅ সৎ মান্‌জ্যত্যে এ আইন-কানুনানি দিয়্যে ন-অয়; সিয়েনি দিয়্যে ওইয়্যেদে তারাত্যে যিগুনে আইন অমান্য গরন্ আর অবাধ্য অন্, যিগুনে ভক্তিনেইয়্যে আর পাপী, যিগুনে অপবিত্র আর অধার্মিক, যিগুনে বাপ্-মারে মারে ফেলান, যিগুনে খুন্ গরন,

তীত 2:12

এই দোয়্যেগানে আমারে শিক্ষ্যে দেত্তে যেন আমি গোজেন উগুরে ভোক্তি-নেইয়্যে আর জগদর্ কামনা-বাসনারে এলাফেলা গুরিনে এ জগদত্ নিজোরে দোঙেই রাগেইনে গোজেন-ভোক্তি সমারে গম্ জিংকানি কাদেই,

ইব্রীয় 8:3

পত্তি দাঙর্ ধর্মগুরু এ্যামান-উৎসর্ব আর অন্য জিনিচ্‌ উৎসর্ব গুরিবাত্যে নেযা অয়, সেনত্যে এই দাঙর্ ধর্মগুরুগুনোর্‌অ কনঅ কিজু উৎসর্ব গুরিবার দরকার্।

ইব্রীয় 9:26

সিয়েনই যুনি গরা পত্ত সালে পিত্‌থিমী সৃট্টির লক্কেত্তুন ধুরি আরাম্ভ গুরি তাত্তুন্ ভালোক্‌বার্ দুঘ্ পেইনে মরা পত্ত; মাত্তর্ ইক্কিনে বেক্‌ যুগ্‌কুনোর পরেদি তে এক বারই ফগদাং পেয়্যে যেনে নিজোরে উৎসর্ব গুরি তে পাপ ধাবেই পারে।

১ পিতর 1:20

পিত্‌থিমীগান বানেবার আগেদি গোজেনে ইয়েনত্যে তারে ঠিগ্ গুরি থোইয়্যে, মাত্তর্ এই থুমো সময়োত্ তমাত্যে তে ফগদাং ওইয়্যে।

২ পিতর 3:7

আর গোজেনর্ সেই একই কধালোই ইক্কিনে আগাজ্‌চান আর পিত্‌থিমীগান আগুনোত্ পুড়ি দিবাত্যে থুয়ো ওইয়্যে; গোজেন উগুরে ভোক্তি নেইয়্যে মানুচ্চুনোর বিচের আর ভস্তর্ দিন্নো সং সিয়েন রোক্ষ্যে গরা অর্।

যিহূদা 1:18

তারা তমারে এ কধাগান কধাক্, “ঠাট্টা-তামাঝা গরানা যিগুনোর্ খাচ্চ্যত্ তারা শেজ্ সময়োত্ এবাক আর তারার ভোক্তি নেইয়্যে কামনা-বাসনা মজিম চলিবাক্।”

যিহূদা 1:4

ইয়েনর্ দরকার আঘে, কিয়া যে মানুচ্চুনোর্ সাজা পৌইদ্যেনে আগেদি বোইবোত্ লেগা ওইয়্যে তারা তমা ভিদিরে চুবেচুবে সোমেয়োন্দি। গোজেন উগুরে এ মানুচ্চুনোর ভোক্তি নেই; আমার গোজেনর্ দোয়্যেগানরে তারা ভান্ন্যেই এক্কান তালি দেনা মনে গরন আর যিবে আমার এক্কো গুরি গিরোজ্ আর প্রভু সেই যীশু খ্রীষ্টরে তারা অস্বীগের্ গরন্।