রোমীয় 5:5 - Chakma Bible

⁵ এ আশাগানে আমারে লাজত্ ন-ফেলায়, কিয়া গোজেনে তার্ দিয়্যে পবিত্র আত্মালোই আমা মনানি তার্ কোচ্‌পানালোই ভোরেই দিয়্যে।

রোমীয় 5:5 Iomraidhean Croise

ইয়োব 27:8

গোজেনে যেক্কে তা উগুরে ভোক্তিনেইয়্যেগুনোরে শেজ্ গুরি দে, সেক্কে তারার আর কনঅ আজা ন-থায়।

গীতসংহিতা 119:116

তর্ এগেম্ মজিম তুই মরে ধুরি রাগা, সেক্কে মুই বাঁজি থেম; তঅ উগুরে মর্ যে আজাগান্ আঘে সে পৌইদ্যেনে তুই মরে লাজত্ ন-ফেলেচ্।

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

প্রেরিত্‌ 10:45

যে যিহূদী বিশ্বেজিগুনে পিতর সমারে এচ্চ্যন্ তারা অযিহূদীগুনো উগুরেয়ো পবিত্র আত্মাগানরে দান ইজেবে ঢালি দিয়্যে অলঅ দেগিনে আমক্ ওই গেলাক্।

প্রেরিত্‌ 2:17

শেচ্‌ কালত বেক্‌ মানুচ্চুনো উগুরে মুই মঅ আত্মাগান ঢালি দিম্; সেক্কে তমা পুয়োগুনে আর ঝিগুনে ভাববাদী ইজেবে গোজেন কধা কবাক্, তমা গাবুজ্যেগুনে দর্শন পেবাক্, তমা বুড়ো মানুচ্চুনে স্ববন্ দেগিবাক্।

প্রেরিত্‌ 2:33

গোজেনর ডেনেদি বঝিবার বাঈনী তারে দান গরা ওইয়্যে আর এগেম্ গোজ্যে পবিত্র আত্মারে তেয়ই গোজেনত্তুন্ পেয়্যে; আর ইক্কিনে তুমি যিয়েন দেগর্ আর শুনোর্ সিয়েন যীশু নিজে দিয়্যে।

রোমীয় 1:7

রোম শঅরর্ যে মানুচ্চুনোরে গোজেনে কোচ্‌পায় আর তার্ নিজো মানুচ্‌ অবাত্যে ডাক্ক্যে তারা বেক্কুনো ইধু, অত্তাৎ তমা ইধু মুই এ চিধিগান লেগঙর্। আমা বাবা গোজেনে আর প্রভু যীশু খ্রীষ্ট তমারে বর্ দুয়োক্ আর সুগ্-শান্তি দান গোরোক্।

রোমীয় 8:28

আমি হবর্ পেই যিগুনে গোজেনরে কোচ্‌পান, অত্তাৎ গোজেনে নিজোর্ আওজ্ মজিম যিগুনোরে ডাক্ক্যে তারার্ ভালেদিত্তে বেক্কানি এক সমারে কাম্ গুরি যার্।

রোমীয় 9:33

এ পৌইদ্যেনে পবিত্র বোইবোত্ লেগা আঘে, চঅ, মুই সিয়েনত্ এন্ এক্কো পাত্তর্ থোইয়োং যেনে মান্‌‌‌জ্যে উজোত্ খান্ আর যিবে মান্‌‌‌জ্যর্ উজোত্ হেবার্ অয়। মাত্তর্ যে সিবে উগুরে বিশ্বেজ্ গরে তে আজা ন-অারেব।

১ করিন্হীয় 8:3

মাত্তর্ যে গোজেনরে কোচ্‌পায়, গোজেনে তারে জানে।

২ করিন্হীয় 1:22

অত্তাৎ তার্ নিজোর্ সোম্বোত্তি ইজেবে তে আমারে সীল্‌‌মহ্‌‌র গুরি থোইয়্যে; আর যিয়েনি আমারে দিবো তার্ পত্তম ভাগ্ ইজেবে তে আমা রিবেঙত্ পবিত্র আত্মারে দিয়্যে।

২ করিন্হীয় 13:14

আমার্ প্রভু যীশু খ্রীষ্টর্ দোয়্যে, গোজেনর্ কোচ্‌পানা আর পবিত্র আত্মালোই উদো লো-লি তমার্ বেক্কুনোর্ রিবেঙত্ থোক্।

২ করিন্হীয় 3:18

ইয়েনত্যে আমি যিগুনে খ্রীষ্ট সমারে মিজেয়্যেই, আমি বেক্কুনে খুলো মুয়োদি আনাত্ দেখ্যে ফোটু ধোক্ক্যেন গুরি প্রভুর মহিমাগান্ দেগদে দেগদে নিজেয়ো মহিমায় বাড়ি উদিনে বুদুলি যেইনে তা ধোক্ক্যেন ওই যের্। প্রভুর, অত্তাৎ পবিত্র আত্মার্ খেমতালোই ইয়েন অয়।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

গালাতীয় 4:6

তুমি পুয়ো বিলিনে গোজেনে তার্ পুয়োবোর্ আত্মাগানরে তমা মনত্ থেবাত্যে পাধেই দিয়্যে। সেই আত্মাগানে গোজেনরে বাবা অত্তাৎ বাপ্ বিলিনে ডাগে।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

ইফিষীয় 1:13

আর তুমিয়ো সত্যর্ কধা, অত্তাৎ পাপত্তুন্ উদ্ধোর্ পেবার গম হবর্ শুনিনে খ্রীষ্ট উগুরে বিশ্বেজ্ গোজ্জ্য। খ্রীষ্ট সমারে মিজেয়ো বিলি গোজেনে তার্ এগেম্ গোজ্জ্যে পবিত্র আত্মালোই তমারে সীল্‌মারি রাগেয়্যে।

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

ফিলিপীয় 1:20

মর্ থির্ বিশ্বেজ্ আঘেদে, মুই কনঅ কিজুত্ লাজ্ ন-পেম বরং মত্তুন্ যদেষ্ট সাহচ্‌ থেবঅ, যেনে আগে যেধোক্ক্যেন মর্ মাধ্যমে খ্রীষ্টর্ বাঈনী ফগদাং অদঅ সেধোক্ক্যেন ইক্কিনিয়ো অবঅ-সিয়েন মুই বাজং কি মরং;

১ থিষলনীকীয় 4:8

সেনত্যে এ শিক্ষ্যেগান যে এলাফেলা গরে তে মান্‌জ্যরে এলাফেলা ন-গরে, মাত্তর্ যিবে তার্ পবিত্র আত্মাগানরে তমাত্যে দান গোজ্জ্যে তেয়ই গোজেনরে এলাফেলা গরে।

২ থিষলনীকীয় 2:16

আমা প্রভু যীশু খ্রীষ্ট নিজে আর আমা বাবা গোজেনে তমা মনানত্ উচ্চোমি দুয়োক্ আর বেক্‌ গম কামানিত্ আর কধানিত তমারে থির্ রাগোক্। তেয়ই আমারে কোচ্‌পেইয়্যে আর দোয়্যে গুরিনে জদবদে উচ্চোমি আর হুজিয়ে ভরা আজা দান গোজ্জ্যে।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

১ যোহন 4:19

তে পত্তমে আমারে কোচ্‌পেইয়্যে বিলিনে আমি কোচ্‌পেই।