রোমীয় 5:19 - Chakma Bible

¹⁹ যেধোক্ক্যেন্ এক্কো মান্‌জ্যর্ অবাধ্য অনার্ মাধ্যমে ভালোক্ জনরে পাপী বিলিনে ধরা ওইয়্যে, সেধোক্ক্যেন্ গুরি এক্কো মান্‌জ্যর্ বাধ্যতার মাধ্যমে ভালোক্ জনরে নিদ্দুজি বিলি মানি লুয়ো অবঅ।

রোমীয় 5:19 Iomraidhean Croise

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

রোমীয় 11:32

গোজেনে যেন বেক্কুনোরে দোয়্যে দেগেই পারে সেনত্তে তে বেক্কুনোরে অবাধ্যতা ভিদিরে বন্দী গুরি রাগেয়্যে।

রোমীয় 5:12

এক্কো মান্‌জ্যর্ মাধ্যমে পাপ পিত্‌থিমীত্ এচ্চ্যে আর সেই পাপর্ মাধ্যমে মরণ-অ এচ্চ্যে। বেক্‌ মানুচ্চুন্ পাপ গোজ্জ্যন্ বিলিনে এবাবোত্যেগুরি বেক্কুনো ইধু মরণান্ লুম্মেগি।

রোমীয় 5:15

মাত্তর্ আদম পাপ্পান্ যেবাবোত্যে, গোজেনর্ মাগানা দানান্ সেবাবোত্যে নয়। যেক্কে এক্কো মান্‌জ্যর্ পাপর্ কারনে ভালোক্কুন্ মান্‌জ্যে মুরিলাক্ সেক্কে গোজেনর্ দোয়্যেলোই আর এক্কো মান্‌জ্যর্ দোয়্যের্ মাধ্যমে যে দানান্ এলঅ, সিয়েন সেই ভালোক্কুন্ মান্‌জ্যত্তে আরঅ কত্তমান্ বেশ্ গুরি উগুরি পড়িলো! সেই আর একজন মানুচ্ অলঅ যীশু খ্রীষ্ট।

রোমীয় 5:18

সালে এক্কান্ পাপর মাধ্যমে যেবাবোত্যেগুরি বেক্ মানুচ্চুনোর সাজা পেবার্ যগাজ্যে বিলি ধরা ওইয়্যে, সেবাবোত্যেগুরি এক্কান গম্ কামর্ মাধ্যমে বেক্ মানুচ্চুনোরে নিদ্দুজি বিলি মানি লবার্ বেবস্থা গরা ওইয়্যে আর সিয়েনর্ ফল অলঅ উমর জিংকানি।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

ইফিষীয় 1:6

তে ইয়েন গোজ্জ্যেদে যেন তে তার্ কোচ্‌‌‌পানার্ পুয়োবোর্ মাধ্যমে মাগানা মহিমাভরা দোয়্যে আমারে গোজ্জ্যে সিয়েনর্ বাঈনী অয়।

ফিলিপীয় 2:8

ইয়েনবাদে চেঙেরাদি মানুচ্‌ ওইনে মরণ সং, এন্ কি, ক্রুশো উগুরে মরণ সং বাধ্য থেইনে তে নিজোরে চিগোন্ গুরিলো।