রোমীয় 5:10 - Chakma Bible

¹⁰ যেক্কে আমি গোজেনর্ শত্রু এলং সেক্কে তা পুয়োবোর্ মরাণার্ মাধ্যমে তা লগে আমি মিজেয়্যেই। এবাবোত্যেগুরি মিজেয়্যেই বিলি খ্রীষ্টর্ জিংকানিগান্দোই আমি খামাক্কায় পাপত্তুন্ উদ্ধোর্ পেবং।

রোমীয় 5:10 Iomraidhean Croise

২ বংশধর 29:24

ইয়েন পরেন্দি ধর্মগুরুগুনে সে ছাগলুন্‌ কাবিলাক্‌ আর বেক্‌ ইস্রায়েলীয়গুনোর্‌ পাপ্পানি ঢাগিবার্‌ আজাই পূজোগুনো উগুরে সে লো-গানিলোই পাপ-উৎসর্বর পরব্‌ গুরিলাক্‌। বেক্‌ ইস্রায়েলীয়গুনোত্তে পূজ্যে-উৎসর্ব আর পাপ-উৎসর্ব গুরিবার উগুমান রাজা দিয়্যে।

যিহিষ্কেল 45:20

যিগুনে ভুল গরন্ বা হবর্ ন-পেইনে উবোসনা-ঘর বিরুদ্ধে কনঅ পাপ গুরি ফেলান্ তুমি তারাত্তে মাসর্ সাত দিনোত্ সেই এক্কুই কাম গুরিবা। এবাবোত্যেগুরি তুমি পাপ ঢাগি দিবার্ অনুষ্ঠান গুরিনে উবোসনা-ঘরান্ সিজি গুরিবা।

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

লেবীয় 6:30

পবিত্র জাগানত্‌ পাপ ঢাগি দিবার্‌ নাঙে যুনি পাপ-উৎসর্বর্ কনঅ এ্যামানর্‌ লো মিলন-তাম্বুলোত্ নেযা অয় ছালে সিয়েনর্‌ য়েরাগান্‌ হেই ন-পারিবো, সিয়েন্‌ পুড়ি ফেলা পুরিবো।

যোহন 14:19

খানক্কন্ পরেদি জগদ মানুচ্চুনে আর মরে ন-দেগিবাক্, মাত্তর্ তুমি দেগিবা। মুই জেদা আঘং কিনেই তুমিয়ো জেদা থেবা।

যোহন 5:26

ইয়েনর্ কারনান্ অলঅ, বাপ্পো নিজে যেবাবোত্যেগুরি জিংকানির্ অধিকারী সেবাবোত্যেগুরি তে পুয়োবোরেয়ো জিংকানির্ অধিকারী অবাত্তে দিয়্যে।

যোহন 6:40

মঅ বাপ্পো আওজ্‌চান্ ইয়েন-তমা ভিদিরে যিগুনে পুয়োবোরে দেগিনে তা উগুরে বিশ্বেজ্ গরন্ তারা যেন উমর জিংকানি পান্। আর মুয়ই তারারে শেজ্ দিনোত্ জেদা গুরি তুলিম্।”

যোহন 6:57

জেদা বাবা মরে দিপাধেয়্যে আর তাত্যেই মুই জেদা আঘং। ঠিগ্ সেবাবোত্যেগুরি যে মরে খায় তেয়ো মত্তে জেদা থেবঅ।

রোমীয় 11:28

গম্ হবর্ ইন্দিত্তুন্ তমার্ ভালেদিত্তে তারা ইক্কিনে গোজেনর্ শত্রু। মাত্তর্ গোজেনর্ বেঈ লয়দ্যে ইন্দিত্তুন্ পূরোণি মানুচ্চুনোত্তে তারা গোজেনর্ কোচ্‌‌পেইয়্যে মানুচ্।

রোমীয় 5:11

বানা সিয়েন নয়, যিবেলোই গোজেন সমারে আমি মিজেয়্যেই সেই প্রভু যীশু খ্রীষ্টর্ মাধ্যমে গোজেনরে লোইনে আমি ফুত্তি গুরির্।

রোমীয় 5:6

যেক্কে আমার্ কনঅ খেমতা ন-এলঅ সেক্কে ঠিগ্ সময়োত্ খ্রীষ্ট গোজেন উগুরে ভোক্তি নেইয়্যে মানুচুনোত্তে, অত্তাৎ আমাত্যে পরাণান্ দিলো। কনঅ গম্ মান্‌জ্যত্তে কনজনে পরাণ্ ন-দুয়োন।

রোমীয় 8:32

গোজেনে নিজোর্ পুয়োবোরেয়ো রেহাই ন-দিলো বরং আমা বেক্কুনোত্ত্যে তারে মরণর্ আঢত্ তুলি দিলো। সালে তে কি পুয়োবো সমারে আর বেক্কানিয়ো আমারে দান ন-গুরিবো?

রোমীয় 8:34

কন্না তারারে দুষি বিলিনে ঠিগ্ গুরিবো? যিবে মুরি যেয়্যে আর যিবেরে মরণত্তুন্ জেদা গরায়ো ওইয়্যে সেই খ্রীষ্ট যীশু ইক্কিনে গোজেনর্ ডেন্ ঢাগদি আঘে আর আমাত্যে কোজোলী গরের্।

রোমীয় 8:7

যে মনানে পাপ-খচ্চ্যদে যিয়েন চায় সিয়েন্দোই আয়োজি, সেই মনান্ গোজেনর্ বিরুদ্ধে, কিয়া সিয়েন গোজেনর্ রীদি-সুদোম মানিবাত্তে ন-চায়, মানিয়ো ন-পারে।

২ করিন্হীয় 5:20

সেনত্তে আমি খ্রীষ্টর্ দূত ইজেবে তার্ ওইনে কধা কোর্। আসলে গোজেনে যেন নিজে আমা মাধ্যমে মানুচ্চুনো ইধু কোজোলী গরের্। সেনত্তে খ্রীষ্টর্ ওইনে আমি এ কোজোলীগান গুরির্, “তুমি গোজেন সমারে মিজো।”

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

ইফিষীয় 2:16

ইয়েন্অ তার্ উদ্দেচ্চ্য এলঅ, যেন তার্ ক্রুশোত্ মরণর্ মাধ্যমে সেই দ্বিয়েনরে তে এক কিয়্যেলোই গোজেন লগে আরঅ এগত্তর্ গরে; কিয়া এ দ্বিয়েনর্ ভিদিরে যে শত্রুতার্ ভাব্ এলঅ সিয়েনি তে তার্ ক্রুশোত্ মরাণার্ মাধ্যমে ভস্ত গোজ্জ্যে।

ইফিষীয় 2:3

আমি বেক্কুনে আমার পাপ-খাচ্চ্যদর্ কামনা পুরেইনে সেই মানুচ্চুনো ইধু এক সময় জিংকানি কাদেদং। পাপ-খাচ্চ্যদত্তুন্ যেদক্কানি আয়োজ আর চিন্তে জাগে আমি সে অনুসারে কাম গুরিদোং। এ খাচ্চ্যদত্যে আমিয়ো অন্য বেক্কুনো ধোক্ক্যেন গোজেনত্তুন্ সাজা পেবার্ যগাজ্যে এলং।

ইব্রীয় 2:17

সেনত্যে যীশুত্তুন্ বেক্কানিন্দি তা ভেইয়ুনো ধোক্ক্যেন উয়ো পল্ল, যেনে তে এক্কো দোয়্যেলু আর বিশ্বেজি দাঙর্ ধর্মগুরু ইজেবে গোজেনর্ সেবা গুরি পারে। ইয়েনর উদ্দেচ্চ্যগান অলঅ, তে যেন নিজোর্ মরণানরে দিইনে মান্‌জ্যর পাপ্পানি দূর্ গুরিনে গোজেনরে হুজি গরে।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

১ যোহন 2:1

মর্ কোচ্‌পেইয়্যে পুয়ো-ছাগুন্, তুমি যেনে পাপ ন-গরঅ সেনত্যে মুই তমা ইধু এ বেক্‌ কধানি লেগঙর্। মাত্তর্ কেঅ যুনি পাপ গুরি ফেলান্ সালে বাবা ইধু আমার পৌইদ্যেনে কধা কবাত্যে একজন আঘে; তে অলঅ যীশু খ্রীষ্ট, যিবে নিদ্দুজি।

১ যোহন 4:10

আমি যে গোজেনরে কোচ্‌পেয়্যেই সিয়েন নয়, মাত্তর্ তে আমারে কোচ্‌‌পেইনে তা পুয়োবোরে দিপাধেয়্যে, যেন পুয়োবো তার নিজোর জিংকানিগান-উৎসর্ব গরানায় আমা পাপ্পানি দূর্ গুরিনে গোজেনরে হুজি গরে। ইয়েনই অলঅ কোচ্‌পানা।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।