রোমীয় 4:21 - Chakma Bible

²¹ অব্রাহামে পুরোপুরি এ বিশ্বেজ্‌চান গুরিদো যে, গোজেনে যিয়েন এগেম্ গোজ্জ্যে সিয়েন গুরিবার্ খেমতায়ো তার্ আঘে।

রোমীয় 4:21 Iomraidhean Croise

পত্থম 18:14

লগেপ্রভু ইধু ন-পারে পারা কি কিজু আঘে? এজেত্তে বজর্‌ ঠিগ্ এ সময়োত্‌ মুই আরঅ তমা ইধু ফিরি এইম্‌ আর সেক্কে সারা করত্‌ এক্কো পুয়ো থেবঅ।”

গীতসংহিতা 115:3

আমা গোজেনে স্বর্গত্ আঘে; তা আওজ্ মজিম তে কাম গরে।

যিরমিয় 32:17

‘ও প্রভু লগেপ্রভু, তুই তর্ দাঙর্ বল্লোই আর খেমতাবলা আঢ্‌তোই দেবাবো আর পিত্‌‌‌থিমীগান বানেয়োচ্। তঅ তপ্পে অাগাত্যে বিলিনে কিচ্চু নেই।

যিরমিয় 32:27

মুই লগেপ্রভু, বেক মানুচ্চুনোর গোজেন। কনঅ কিজু গরানা কি মঅ তপ্পে অাগাত্যে?

মথি লেখ্যে গম্ হবর্ 19:26

যীশু তারা ইন্দি উজুগুরি রিনি চেইনে কলঅ, “মান্‌জ্যর্ পক্ষে ইয়েন্ অসম্ভব ঠিগ্, মাত্তর্ গোজেনর্ পক্ষে বেক্কানি সম্ভব।”

লূকে লেখ্যে গম্ হবর্ 1:1

কোচ্‌পেইয়্যে থিয়ফিল, আমা ভিদিরে যেদক্কানি ঘটনা ঘোট্যে সিয়েনি যিগুনে পৌইল্যাত্তুন্ ধুরি নিজো চোগেদি দেখ্যন্ আর গোজেনর গম্ হবর্ ফগদাং গোজ্যন্, তারা আমা ইধু বেক্কানি জানেয়োন্, আর তারা কধামজিম্ ভালোক্কুনে সিয়েনি পৌইদ্যেনে পর্‌পর্ লেখ্যন্।

লূকে লেখ্যে গম্ হবর্ 1:37

গোজেন ইধু অসম্ভব বিলি কনঅ কিজু নেই।”

লূকে লেখ্যে গম্ হবর্ 1:45

তুই বর্‌পেইয়্যে, কিয়া তুই বিশ্বেজ্ গোজ্যস্, প্রভু তরে যিয়েন কোইয়্যে সিয়েন্ পূরোণ অবঅ।”

রোমীয় 14:4

তুই কন্না, যে অন্য চাগরর্ বিচের গরচ্? তে থিয়্যেই আঘে, না পড়ি যেইয়্যে, সিয়েন তা গিরোজ্‌সো বুঝিবো। মাত্তর্ তে থিয়্যেই থেবঅ, কিয়া গোজেনে তারে থিয়্যেই রাগেই পারে।

রোমীয় 14:5

কারঅ ইধু কনঅ এক্কো দিন অন্য এক্কো দিনোত্তুন্ মূল্যবান। আরঅ কেঅ বেক্‌ দিনুনোরে সং মনে গরন্। এ পৌইদ্যেনে কন্না কি গুরিবো ন-গুরিবো, সিয়েন্দোই যেন তা মনান্ পুরোপুরি গুরিনে সায় দে।

রোমীয় 8:38

মুই এ কধাগান্ গমেদালে কোই পারং, মরণ্ বা জিংকানি, স্বর্গদূত্ বা শদানর্ দূত, ইক্কিনে বা ভবিচ্চদর্ কনঅ কিজু বা অন্য কনঅ বাবোত্যে খেমতা,

২ করিন্হীয় 9:8

তমারে বেক্কানিন্দি দোয়্যে গুরিবার খেমতা গোজেনর্ আঘে, যেনে তমাত্তুন্ যিয়েনি দরকার সিয়েনি বেক্কানি নিত্য তমার থায়; আর সিয়েনর্ ফলে যেন তুমি বেক্‌ গম্ কামানিত্যে খুলো আঢে দান গুরি পারঅ।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

ইব্রীয় 11:13

এই মানুচ্চুনে বিশ্বেজ্ গুরিনে জিংকানি কাদেইনে মুরি যেইয়োন। গোজেনে তারারে যিয়েন দিবার এগেম্ গোজ্জ্যে সিয়েন তারা ন-পান্, মাত্তর্ দূরোত্তুন্ সিয়েন দেক্ক্যন আর হুজিয়ো ওইয়োন। এই পিত্‌থিমীত্ যে তারা বিদেশী আর পরদেজত্ বজত্তি গুরিয়্যে সিয়েন তারা স্বীগের্‌অ গোজ্জ্যন্।

ইব্রীয় 11:19

অব্রাহামে তারে উৎসর্ব গুরিবাত্যে রাজী অলঅ, কিয়া তে বিশ্বেজ্ গুরিদো গোজেনে মরা মান্‌‍জ্যরে জেদা গুরি পারে। আর কধে কি, অব্রাহামে দঅ মরণ দুয়োরত্তুন্ ইস্‌হাকরে ফিরি পেইয়্যে।