রোমীয় 4:14 - Chakma Bible

¹⁴ রীদি-সুদোম পালেইনে যুনি কেঅ পিত্‌থিমীগানর্ অধিকার্ পেই যায় সালে দঅ বিশ্বেজ্‌চান অকেজো ওই পড়িবো আর গোজেনর্ সেই এগেমান্অ কনঅ মূল্য ন-থায়,

রোমীয় 4:14 Iomraidhean Croise

গীতসংহিতা 119:126

ও লগেপ্রভু, ইক্কিনে তর্ কামত্ লামিবার সময় ওইয়্যে; মান্‌জ্যে দঅ তঅ উগুমান্ অমান্য গোজ্যন্।

যিশাইয় 55:11

ঠিগ্ সেধোক্ক্যেন গুরি মঅ মুয়োত্তুন্ নিগিলি এচ্চ্যে কধানি নিষ্ফল ওইনে মইদু ফিরি ন-এবঅ, বরং সিয়েনি মঅ আওজ্ মজিম্ কাম গুরিবো আর যে আজায় মুই পাদেয়োং সিয়েন সফল অবঅ।

যিরমিয় 19:7

এ জাগায়ানত্ মুই যিহূদা আর যিরূশালেমর মানুচ্চুনোর পরিকল্পনাগান বর্‌বাত গুরিম। যিগুনে তারার পরাণান নিবাত্তে চান তারার সেই শত্রুগুনোরে দিইনে যুদ্ধোর ভিদিরে মুই তারারে মারে ফেলেম আর তারার মরাকিয়্যেগানি আগাজর্ পেগ্‌‌‌‌কুনে আর ঝার য়েমানুনোর হানা ইজেবে দিম।‌

গণাণা 30:12

মাত্তর্‌ যুনি তা নেক্কো সেই কধাগান্‌ শুনোনার্‌ লগে লগে সিয়েন্‌ নাকচ্‌ গুরি দে সালে তার্‌ সেই মানত্‌ বা এগেমান্‌ বাদ্ ওই যেবঅ। তা নেক্কো বেক্কানি নাকচ্‌ গোজ্যে বিলি লগেপ্রভু তা মান্যেগান্ বা এগেমান্‌ ভাঙানা ক্ষেমা গুরিবো।

গণাণা 30:15

মাত্তর্‌ বেক্‌ কধানি শুনোনার্‌ পরেদি সেদিন্যে যেবাত্তে দেদে যুনি নেক্কো সিয়েনি বাদ ন-দে সালে মোক্কোর্‌ সিয়েন্‌ পূরোণ ন-গরানার্‌ দুষ্‌চান্‌ তা নেক্কো উগুরে যেইনে পড়িবোগোই।”

রোমীয় 3:31

এ বিশ্বেজ্‌চানত্তে কি আমি সালে রীদি-সুদোম বাদ্ দি দির্? কনদিন্অ নয়, বরং রীদি-সুদোম কধা যে সত্য সিয়েনই আমি প্রমাণ গুরির্।

রোমীয় 4:16

সেনত্তে মান্‌জ্যর্ বিশ্বেজর্ মাধ্যমে এই এগেমান্ পূরোন্ গরা অয়, যেন ইয়েন গোজেনর্ দোয়্যের্ দান ওই পারে। আর সেনত্তে অব্রাহামর্ গুট্টিগুনোর বেক্কুনোত্তে এ এগেমান্ খামাক্কায় পূরোণ অবঅ। রীদি-সুদোমর্ অধীনো মানুচ্চুনোত্যে যে বানা এ এগেমান্ পূরোন অবঅ, সিয়েন নয়; যিদুক্কুন্ মানুচ্ অব্রাহাম ধোক্ক্যেন্ একই বিশ্বেজে বিশ্বেজি তারাত্যেয়ো খামাক্কায় এ এগেমান্ পূরোন অবঅ।

১ করিন্হীয় 1:13

মাত্তর্ খ্রীষ্টরে কি ভাগ্ গরা ওইয়্যে? পৌলরে কি তমাত্যে ক্রুশোত্ দিয়্যে ওইয়্যে? তুমি কি পৌল নাঙে বাপ্তিস্ম লোইয়ো?

গালাতীয় 2:21

গোজেনর্ এই দোয়্যেগানরে মুই বাদ্ ন-দিম, কিয়া মানুচ্ যুনি রীতি-সুদোম্ পালানার্ মাধ্যমে গোজেনর্ মানি লোইয়্যে ওই পারে সালে খ্রীষ্ট মিজে মিজেই মোজ্জ্যে।”

গালাতীয় 5:4

তুমি যিগুনে রীতি-সুদোম্ পালেইনে গোজেনর্ মানি লোইয়্যে অবাত্যে চর্ তুমি দঅ খ্রীষ্টত্তুন্ জুদো ওই যেয়ো, গোজেন দোয়্যেত্তুন্ সুরি যেইয়ো।

ইব্রীয় 7:28

রীদি-সুদোমে মন্-মরা মানুচ্চুনোরে দাঙর্ ধর্মগুরু পদত্ নেযায়; মাত্তর্ রীদি-সুদোমর্ পরেদি যে শমক্ গরা ওইয়্যে সেই শমক্‌কান্ উমরত্যে পূরোণ ওইয়্যে গোজেনর্ পুয়োবোরে দাঙর্ ধর্মগুরু পদ্‌তানত্ নেযা ওইয়্যে।