রোমীয় 3:9 - Chakma Bible

⁹ ইক্কিনে আমি কি কবং? যিহূদী ইজেবে আমা অবস্থা কি অযিহূদীগুনোত্তুন্ বেশ্ গম্? কন বাবদে নয়। আমি দঅ আগে কোইয়্যেই, যিহূদী-অযিহূদী বেক্কুনে পাপে ভরা

রোমীয় 3:9 Iomraidhean Croise

গম্ উপদেজ্ 20:9

কন্না কোই পারে, “মঅ মনান্ মুই দোল্ গোজ্যং, মঅ পাপত্তুন্ মুই সাব্ ওইয়োং”?

যিশাইয় 65:5

তারা কন্, দূরোত্ থাগ; মইদু ন-এইচ্, কিত্তে মুই তত্তুন্ বেশ্ সুদ্ধো-সাংগ। সেই মানুচ্চুনে মঅ নাক্কোর্ ধূমো আর সারা দিন জুলি থেইয়্যে আগুন।

লূকে লেখ্যে গম্ হবর্ 7:39

যে ফরীশীবো যীশুরে বাত্ত্যেয়্যে তে ইয়েন্ দেগিনে মনে মনে কুয়ো ধুরিলো, “যুনি এ মানুচ্চো ভাববাদী অদঅ সালে হবর্ পেদঅ, কন্না আর কি বাবোত্যে মিলে তা টেঙানি ধরের্; মিলেবো দঅ বজং।”

রোমীয় 1:18

মান্‌জ্যে গোজেনর্ সত্যগানরে অন্যেয়লোই চাবি থান্, আর সেনত্তে তা উগুরে ভক্তির অভাব আর বেক্‌ অন্যেয় কামানিত্যে স্বর্গত্তুন্ মান্‌জ্য উগুরে গোজেনর্ রাগ্‌কান্ ফগদাং ওই থায়।

রোমীয় 11:32

গোজেনে যেন বেক্কুনোরে দোয়্যে দেগেই পারে সেনত্তে তে বেক্কুনোরে অবাধ্যতা ভিদিরে বন্দী গুরি রাগেয়্যে।

রোমীয় 11:7

সালে বুঝো যায়, ইস্রায়েলীয়গুনে যিয়েন্ পেবার চেট্ট্যা গোজ্জ্যন্ সিয়েন তারা ন-পান্, মাত্তর্ গোজেনে যিগুনোরে বেঈ থোইয়্যে সিগুনে সিয়েন পেইয়োন, আর অন্য বেক্কুনোর্ মনানি পাত্তর ধোক্ক্যেন্ দর ওই যেইয়্যে।

রোমীয় 2:1

কেঅ যুনি ইয়েন্দোই অন্যগুনোরে দুষ্ দুয়োন সালে মুই তারে কোম্, তর্ নিজো অজুহাত্তান্ কুধু? তুই যেক্কে অন্যগুনোরে দুষ্ দুয়োচ্ সেক্কে কি তুই নিজোরে দুষি বিলিনে প্রমাণ্ ন-গরচ্? তুই অন্যগুনোরে দুষ্ দুয়োচ্ অদচ তুই সেই একই কাম্ গুরি থাচ্।

রোমীয় 3:1

সিয়েনই যুনি অয় সালে যিহূদীগুনোর বিশেষ্ কি লাভ ওইয়্যে? চুনু মাঢাবো চামান কাবানার্ বা দামান্ কি?

রোমীয় 3:19

আমি কোই পারিই মোশির্ রীদি-সুদোম তারাত্যে যিগুনে সেই রীদি-সুদোমর্ অধীন। সেনত্তে যিহূদী- অযিহূদী কারর্ কিচ্চু কবার্ নেই, বেক্ মানুচ্চুন্ গোজেন ইধু দুষি ওই আঘন্।

রোমীয় 3:5

মাত্তর্ আমা অন্যেয় কামানিত্তুন্ আরঅ গমেদালে বুঝো যায় যে, গোজেনে আমিযে ন্যায় কাম্ গরে। সালে আমি কি কবং যে, তে যেক্কে আমারে সাজা দে সেক্কে অন্যেয় গরে? খালিক্ কধাগান মুই মানুচ্ ইজেবে কঙর্, আজলে তে কনদিন্অ অন্যেয় ন-গরে।

রোমীয় 6:15

মাত্তর্ রীদি-সুদোমর্ অধীনোত্ ন-থেইনে দোয়্যের্ অধীনোত্ ওইয়্যেই বিলি কি আমি পাপ গুরিবোং? খামাক্কায় নয়।

রোমীয় 7:14

আমি হবর্ পেই রীদি-সুদোম আত্মিক, মাত্তর্ মুই পাপ-খাচ্চ্যদর্ অধীন বিলি পাপর্ চাগর্ ওইয়োং।

১ করিন্হীয় 10:19

মর্ এ কধাগানত্ কি ইয়েনই বুঝো যায়, মূত্তি ইধু উৎসর্ব-গোজ্জ্যে হানা বিশেষ কিজু বা মূত্তি বিশেষ কিজু?

১ করিন্হীয় 14:15

সালে মত্তুন্ কি গরানা উচিত? মুই আত্মালোই তবনা গুরিম, বুদ্ধিলোই তবনা গুরিম; মুই আত্মালোই নাঙ্ গিনেদে গীদ্ গেইম্, বুদ্ধিলোইয়ো নাঙ্ গিনেদে-গীদ্ গেইম্।

১ করিন্হীয় 4:7

তুই যে অন্যগুনোত্তুন্ বিশেষ কিজু সিয়েন দঅ কেঅ মনে ন-গরন্। তর্ এমন্‌ কি আঘে যিয়েন তুই দান ইজেবে ন-পাচ্? আর যুনি তুই সিয়েনই পেই থাচ্ সালে ন-পাচ্ বিলিনে কিত্ত্যে বাড়্ গরর্?

গালাতীয় 3:10

পবিত্র বোইবোত্ লেগা আঘে, “সেই মানুচ্চো অভিশাব্ পেইয়্যে, যে রীতি-সুদোমত্ লেগা পত্তি কধা ন-পালায়।” সালে দেগা যায়, যিগুনে রীতি-সুদোম্ পালানা উগুরে নির্ভর গরন্ তারার্ বেক্কুনো উগুরে এ অভিশাব্‌পান আঘে।

গালাতীয় 3:22

মাত্তর্ পবিত্র বোইবো বেক্‌ মানুচ্চুনোরে পাপত্যে দুষি বিলিনে থির্ গোজ্জ্যে, যেন যীশু খ্রীষ্ট উগুরে যিগুনে বিশ্বেজ্ গরন্ সিগুনে তারার্ সেই বিশ্বেজর্ কারনে এগেম্-গোজ্জ্যে বরান্ পেই পারন্।

ফিলিপীয় 1:18

মাত্তর্ সিয়েন্দোই কি অয়? আজল্ কধাগান অলঅ, ইয়েন্দোই যেবাবোত্যে ওক্‌ খ্রীষ্ট পৌইদ্যেনে প্রচার অর্-সিয়েন ছলনার্ উদ্দেচ্চ্যে ওক্‌ আর গম উদ্দেচ্চ্যে ওক্‌; আর সিয়েন্দোই মুই হুজী। মর্ এই হুজিগান কনদিনঅ থুম্ ন-অবঅ,