রোমীয় 3:23 - Chakma Bible

²³ কিত্যেই বেক্কুনে পাপ গোজ্জ্যন্ আর গোজেনর্ বাঈনী পেবার্ অযোগ্য ওইয়োন্।

রোমীয় 3:23 Iomraidhean Croise

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

১ রাজাবলী 8:46

তারা যেক্কে তঅ বিরুদ্ধে পাপ গুরিবাক্‌-অয় পাপ ন-গোজ্যে এধোক্কেন মানুচ্‌ নেই-আর তুই তারা উগুরে বেজার্‌ ওইনে শত্রুর্‌ আঢত্‌ তারারে তুলি দিবে আহ্‌ শত্রুগুনে তারারে বন্দী গুরিনে কায়-কুরে বা দূরোত্‌ তারার্‌ নিজোর্‌ দেজত্‌ নেযেবাক্‌,

উপদেশক 7:20

পিত্‌থিমীত এবাবোত্যে কনঅ গম্ মানুচ্ নেই যে নিত্য গম্ কাম গরে, কনদিন্অ পাপ ন-গরে।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

রোমীয় 11:32

গোজেনে যেন বেক্কুনোরে দোয়্যে দেগেই পারে সেনত্তে তে বেক্কুনোরে অবাধ্যতা ভিদিরে বন্দী গুরি রাগেয়্যে।

রোমীয় 3:19

আমি কোই পারিই মোশির্ রীদি-সুদোম তারাত্যে যিগুনে সেই রীদি-সুদোমর্ অধীন। সেনত্তে যিহূদী- অযিহূদী কারর্ কিচ্চু কবার্ নেই, বেক্ মানুচ্চুন্ গোজেন ইধু দুষি ওই আঘন্।

রোমীয় 3:9

ইক্কিনে আমি কি কবং? যিহূদী ইজেবে আমা অবস্থা কি অযিহূদীগুনোত্তুন্ বেশ্ গম্? কন বাবদে নয়। আমি দঅ আগে কোইয়্যেই, যিহূদী-অযিহূদী বেক্কুনে পাপে ভরা

রোমীয় 5:2

গোজেনর্ এই যে দোয়্যের্ পধেদি ইক্কিনে আমি চলির্ সিধু আমি খ্রীষ্টর্ মাধ্যমে বিশ্বেজ্‌চোই লুম্মেয়ি। গোজেনর্ মহিমা পেবার্ আজায় আমি ফুত্তি গুরির্।

গালাতীয় 3:22

মাত্তর্ পবিত্র বোইবো বেক্‌ মানুচ্চুনোরে পাপত্যে দুষি বিলিনে থির্ গোজ্জ্যে, যেন যীশু খ্রীষ্ট উগুরে যিগুনে বিশ্বেজ্ গরন্ সিগুনে তারার্ সেই বিশ্বেজর্ কারনে এগেম্-গোজ্জ্যে বরান্ পেই পারন্।

২ থিষলনীকীয় 2:14

আমি যে গম্ হবরান্ ফগদাং গুরির্ সিয়েনর্ মাধ্যমে সেই উদ্ধোরান পেবাত্যে তে তমারে ডাক্ক্যে, যেনে তুমি আমা প্রভু যীশু খ্রীষ্টর্ মহিমার ভাগী অ।

ইব্রীয় 4:1

গোজেনর দিয়্যে জিরেবার জাগানত্ যেবার যে এগেমান্ এলঅ সেই এগেমান্ আমাত্যেয়ো খাদে। সেনত্যে আমার উজিয়ার উয়ো পরিবো, যেন কেঅ সেই এগেম্ গোজ্জ্যে বর্ পানার্ যোগ্য নয় বিলি দেগা ন-যায়।

১ পিতর 4:13

সিয়েনত্তুন্ বরং তুমি যে খ্রীষ্টর্ দুঘ্ ভুগোনার ভাগ লর্ সিয়েন্দোই হুজি অ, যেন তার্ মহিমাগান যেক্কে ফগদাং অবঅ সেক্কে তুমি হুজি অ।

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।