রোমীয় 3:21 - Chakma Bible

²¹ গোজেনে মান্‌জ্যরে ইক্কিনে রীদি-সুদোম বাদে কেধোক্ক্যেন্ গুরি নিদ্দুজি বিলি মানি লোইয়্যে সিয়েন ফগদাং ওইয়্যে। মোশির রীদি-সুদোম আর ভাববাদীগুনে সে পৌইদ্যেনে সাক্ষ্য দি যেইয়োন।

রোমীয় 3:21 Iomraidhean Croise

পত্থম 15:6

অব্রাম লগেপ্রভুর কধা বিশ্বেজ্ গুরিলো আর লগেপ্রভু সেনত্তে তারে ধার্মিক্‌ ইজেবে মানি ললঅ।

যিশাইয় 46:13

মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

যিশাইয় 51:8

কিত্তে কাবড় ধোক্ক্যেন গুরি আর পশম ধোক্ক্যেন গুরি পুগে তারারে হেই ফেলেব। মাত্তর্ মর্ সততাগান উমরত্তে থেবঅ; মর্ দিয়্যে উদ্ধোরান্ বংশর পর বংশ ধুরি থিদেবর্ অবঅ।”

যিশাইয় 54:17

তর্ বিরুদ্ধে বানেয়্যে কনঅ আত্যের্ ন-টিগিবাক্; তরে দুষি গোজ্যে পত্তি মান্‌জ্যর যুক্তি খোন্দেইনে তুই তারারে দুষি গুরিবে। ইয়েনই অলঅ লগেপ্রভুর্ চাগরুনোর অধিকার আর তারার্ যগাজ্যে পাওনা।”

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিরমিয় 33:16

সে অক্তত্ যিহূদার মানুচ্চুনে উদ্ধোর্ পেবাক্ আর যিরূশালেমর মানুচ্চুনে গমেডালে বজত্তি গুরিবাক্। তারে এ নাঙে ডাগা অবঅ-লগেপ্রভু আমার্ নিদ্দুষিতা।

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

লূকে লেখ্যে গম্ হবর্ 24:44

সিয়েন পরেদি তে তারারে কলঅ, “মুই যেক্কে তমা সমারে এলুং সেক্কে কোইয়োং, মোশির আইন-কানুনোত্, ভাববাদীগুনোর লেগাত্ আর গীতসংহিতা ভিদিরে মঅ পৌইদ্যেনে যে যে কধানি লেগা আঘে সিয়েনি বেক্কানি পূরোণ্ উয়ো পুরিবো।”

যোহন 1:45

ফিলিপ নথনেলরে তোগেই পেইনে কলঅ, “মোশি যিবে কধা রীদি-সুদোম লিগি যেইয়্যে আর যিবে পৌইদ্যেনে ভাববাদীগুনেয়ো লেখ্যন্ আমি তার্ দেগা পেইয়্যেই। তে যোষেফর্ পুয়ো যীশু, নাসরত আদাম মানুচ্‌।”

প্রেরিত্‌ 10:43

বেক্‌ ভাববাদীগুনে তা পৌইদ্যেনে এ সাক্ষিগান দেদন্ যে, তা উগুরে যিগুনে বিশ্বেজ্ গরন্ তারা পত্তিজনে তা গুণান্দোই পাপর্ ক্ষেমা পান্।”

প্রেরিত্‌ 15:11

আমি বিশ্বেজ্ গুরিই যে, প্রভু যীশুর্ দোয়্যেই অযিহূদী বিশ্বেজিগুনে যেবাবোত্যেগুরি পাপত্তুন্ উদ্ধোর্ পেইয়োন সেবাবোত্যেগুরি আমিয়ো উদ্ধোর্ পেইয়্যেই।”

প্রেরিত্‌ 26:22

মাত্তর্ গোজেনে এচ্চ্যে সং মরে এজাল্ দি এজের্ আর সেনত্তে মুই ইয়েনত্ থিয়্যেইনে চিগোন্-দাঙর্ বেক্কুনো ইধু সাক্ষ্য দোঙর্। ভাববাদীগুনে আর মোশি যিয়েনি ঘুদিবার কধা কোই যেইয়োন্ সিয়েনির বারেদি মুই কিচ্চু ন-কঙর্।

প্রেরিত্‌ 28:23

তারা পৌল সমারে এগত্তর্ অবাত্যে এক্কো দিন ঠিগ্ গুরিলাক্। পৌলে যিধু থেদঅ সিধু তারা বাদে আরঅ ভালোক্জনে এলাক্। সেক্কে পৌলে বেন্ন্যেত্তুন্ ধুরি সাজোন্যে অয় সং গোজেন রেজ্যর্ পৌইদ্যেনে তারারে জানেল আর বুঝেল। মোশির আইন-কানুন্ আর ভাববাদীগুনোর্ বোইয়ো ভিদিরেত্তুন্ যীশু পৌইদ্যেনে দেগেইনে তা পৌইদ্যেনে তারারে বিশ্বেজ্ গোরেবাত্তে চেষ্টা গুরিলো।

রোমীয় 1:17

গোজেনে কেধোক্ক্যেন্ গুরি মান্‌জ্যরে নিদ্দুজি বিলিনে মানি লয় সে কধাগান্ এ গম্ হবর্ ভিদিরে ফগদাং গরা ওইয়্যে। পৌইল্যাত্তুন্ ধুরি থুম্ সং বানা বিশ্বেজর্ মাধ্যমে মান্‌জ্যরে নিদ্দুজি বিলিনে মানি লুয়ো অয়। পবিত্র বোইবোত্ লেগা আঘে, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।”

রোমীয় 1:2

গোজেনে তার্ ভাববাদীগুনোর্ মাধ্যমে পবিত্র বোইবো ভিদিরে আগেদি এ গম্ হবরানর্ এগেম্ গোজ্যে।

রোমীয় 16:26

মাত্তর্ ইক্কিনে গম্ হবরানর্ মাধ্যমে সিয়েন ফগদাং ওইয়্যে আর সেবাবোত্যেগুরি মুই প্রচার গরঙর্। উমর গোজেনর্ উগুম মজিম ভাববাদীগুনোর্ লেঘার্ মাধ্যমে বেক্ জাদর্ মানুচ্চুনো ইধু সিয়েন জানা ওইয়্যে, যেন তারা খ্রীষ্ট উগুরে বিশ্বেজ্ গুরিনে গোজেনর্ বাধ্য ওই পারন্।

রোমীয় 3:28

কিত্যে আমি কোই পারিই, গোজেনে মান্‌জ্যরে তার্ বিশ্বেজর্ কারনে নিদ্দুজি বিলি মানি লোইয়্যে, রীদি-সুদোম পালন গুরিবাত্তে নয়।

রোমীয় 5:19

যেধোক্ক্যেন্ এক্কো মান্‌জ্যর্ অবাধ্য অনার্ মাধ্যমে ভালোক্ জনরে পাপী বিলিনে ধরা ওইয়্যে, সেধোক্ক্যেন্ গুরি এক্কো মান্‌জ্যর্ বাধ্যতার মাধ্যমে ভালোক্ জনরে নিদ্দুজি বিলি মানি লুয়ো অবঅ।

রোমীয় 5:21

সেই দোয়্যেগান ইয়েনত্তে বাড়িলো যাতে মরণর্ মাধ্যমে যেবাবোত্যেগুরি পাপ্পান্ রাজাগিরি গোজ্জ্যে, সেবাবোত্যেগুরি মান্‌জ্যরে নিদ্দুজি বিলি মানি লনার্ মাধ্যমে ইক্কিনে তার্ দোয়্যেগানে রাজাগিরি গুরিই পারে; আর সিয়েনর্ ফল অলঅ আমা প্রভু যীশু খ্রীষ্টর্ মাধ্যমে উমর জিংকানি পানা।

রোমীয় 9:30

সালে আমি এ কধাগান্ কবংগে, অযিহূদীগুনে যুনিয়ো গোজেনর্ যগাজ্যে অবার্ চেট্ট্যায়ো ন-গরন্ তো তারার্ বিশ্বেজর্ মাধ্যমে তারা গোজেনর্ যগাজ্যে ওইয়োন্।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

২ করিন্হীয় 3:9

যে বেবস্থাগান্দোই মান্‌জ্যরে দুষী বিলিনে থির্ গরা অয় তার্ কামান যুনি এদক্ মহিমাভরা, মাত্তর্ যে বেবস্থাগান্দোই মান্‌জ্যরে নিদ্দুজি বিলিনে মানি লুয়ো অয় তার্ কামান্ আরঅ কত্তমান্ বেশ্ মহিমাভরা!

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

গালাতীয় 3:8

পবিত্র বোইবোত্ আগে লেগা ওইয়্যেদে, বিশ্বেজত্যে গোজেনে অযিহূদীগুনোরে নিদ্দুজি বিলিনে মানি লবঅ। অব্রাহাম ইধু এ কধাগান কোইনে আগেদি গম্ হবরান জানা ওইয়্যে, “তর্ মাধ্যমে বেক্‌ জাদ্‌তুনে বর্ পেবাক্।”

গালাতীয় 5:5

মাত্তর্ আমারে যে নিদ্দুজি বিলিনে মানি লুয়ো অবঅ, সেই ঘেচ্চ্যেকগুরি বিশ্বেজ্‌চান্দোই পবিত্র আত্মার মাধ্যমে আমি বাজ্জ্যে আঘিই;

১ পিতর 1:10

যে আশিদ্‌বাদ তমার পেবার কধা সিয়েন পৌইদ্যেনে যিদুক্কুন ভাববাদীয়ে বোউত্ আগে কোই যেয়োন, তারা এ উদ্ধোর পৌইদ্যেনে জানিবাত্যে বোউত্ উদো লোইয়োন আর পুযোর্ গোজ্জ্যন।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।