রোমীয় 3:2 - Chakma Bible

² বেক্কানিদি যদেষ্ট লাভ্ ওইয়্যে। পৌইল্যাদি গোজেনে তা কধানি যিহূদীগুনোরে দিয়্যে।

রোমীয় 3:2 Iomraidhean Croise

গীতসংহিতা 119:140

তঅ কধানি এক্কুবারে খাটি বিলিনে প্রমান ওইয়্যে, সেনত্তে তর্ এ চাগর্‌বো সিয়েনি কোচ্‌পায়।

যিশাইয় 8:20

তমাত্তুন্ গোজেনর্ উগুম আর সাক্ষি ইদু যাহ্ পুরিবো। যুনি তারা গোজেন কধা মজিম্ কধা ন-কন্ সালে বুঝো পুড়িবোদে তারা ইদু কনঅ পহ্‌‌র জিনিস্‌চান নেই।‌

যোহন 5:39

তুমি পবিত্র বোইবো ভারী মনযোগ্ দিইনে পড়অ, কিয়া তুমি মনে গরঅ সিবেলোই উমর্‌অ জিংকানি পেবা। মাত্তর্ সে বোইবো দঅ মত্যেই সাক্ষ্য দে;

প্রেরিত্‌ 7:38

এই মোশি ধূল্যেচর-চাগালাত্ ইস্রায়েলীগুনোর সেই দল ভিদিরে আমা পূরোণি মানুচ্চুনো সমারে এলঅ। যে স্বর্গদূত্‌তো সিনাই মুড়োবোত্ কধা কোইয়্যে এই মোশি সেই স্বর্গদূত্‌তো সমারে সিধু এলঅ। আমারে দিবাত্যে সত্য কধানি এ মোশি সিধু পেইয়্যে।

রোমীয় 1:2

গোজেনে তার্ ভাববাদীগুনোর্ মাধ্যমে পবিত্র বোইবো ভিদিরে আগেদি এ গম্ হবরানর্ এগেম্ গোজ্যে।

রোমীয় 2:18

গোজেনে কি চায় সিয়েন তুই কোই পারচ্ আর যিয়েন্ গম্ সিয়েন মানি লচ্, কিত্যে রীদি-সুদোমত্তুন্ তুই সেই শিক্ষ্যেগান্ পেইয়োচ্।

রোমীয় 3:1

সিয়েনই যুনি অয় সালে যিহূদীগুনোর বিশেষ্ কি লাভ ওইয়্যে? চুনু মাঢাবো চামান কাবানার্ বা দামান্ কি?

রোমীয় 3:3

খালিক্ তারাত্তুন্ কয়েক্কো মানুচ্‌ অবিশ্বেজি ওইয়োন্, মাত্তর্ সিয়েন্দোই কি অবঅ? তারা অবিশ্বেজি ওইয়োন্ বিলি কি গোজেনেয়ো অবিশ্বেজি অবঅ?

রোমীয় 9:4

তারা দঅ ইস্রায়েল জাদর্ মানুচ্‌। গোজেনে তারারে পুয়ো ইজেবে অধিকার্ দিয়্যে, নিজোর্ মহিমা দেগেয়্যে, তারাত্যে বেবস্থা থিদেবর্ গোজ্জ্যে, রীদি-সুদোম দিয়্যে, তারে সেবা আর উবোসনার্ পধ্ গুরি দিয়্যে আহ্ বোউত্ এগেম্‌অ গোজ্জ্যে।

১ করিন্হীয় 9:17

যুনি মুই নিজোর্ আয়োজে প্রচার গরং সালে দঅ মঅ বক্‌‌শিষ্‌‌চান আঘে, আর যুনি নিজোর্ আয়োজে ন-য়ো গরং তো মঅ উগুরে সেই ভারান্ আঘে বিলিনে মুই সিয়েন গরং।

২ করিন্হীয় 5:19

ইয়েনর্ অত্তগান অলঅ, গোজেনে মান্‌জ্যর্ পাপ্পানি ন-ধুরিনে খ্রীষ্টর্ মাধ্যমে নিজো সমারে মান্‌জ্যরে মিলেই দিয়্যে, আর সেই মিজেনার্ হবরান্ জানেবার ভারান্ তে আমা উগুরে দিয়্যে।

গালাতীয় 2:7

যাওক্, তারা দেগিলাক্, যিহূদীগুনো ইধু গম হবর্ প্রচার গুরিবার ভারান্ যেবাবোত্যে গুরি পিতর উগুরে দিয়্যে ওইয়্যে, সেবাবোত্যেগুরি অযিহূদীগুনো ইধু গম হবরান্ প্রচার গুরিবার ভারান্ গোজেনে মঅ উগুরে দিয়্যে।

১ তীমথিয় 6:20

ও তীমথিয়, যিয়েন রোক্ষ্যে গুরিবাত্যে তরে দিয়্যে ওইয়্যে সিয়েন গমেডালে রোক্ষ্যে গর্। মিজে জ্ঞানর্ ভোক্তি-নেইয়্যে বাজে কধা আর ভুল্ শিক্ষ্যেত্তুন্ দূরোত্ থাগ্।

ইব্রীয় 5:12

এদক দিনে তমার্ মাষ্টর ওই উদোনা উজিত এলঅ, মাত্তর্ সিয়েনর্ বদলে গোজেনর্ আজল্ কধানি আরঅ তমারে শিক্ষ্যে দিবাত্যে মাষ্টরর্ দরকার ওই পোজ্জ্যে। দর হানার বদলে চিগোন গুরোগুনো ধোক্ক্যেন আরঅ তমাত্তুন্ দুধ হানা দরকার ওই পোজ্জ্যে।

১ পিতর 4:11

যুনি কেঅ ফগদাং গরে সালে তে এবাবোত্যে গুরি ফগদাং গোরোক যেন তে গোজেনর্ নিজোর্ মুয়ো কধা কর্। যুনি কেঅ সেবা গরে সালে তে গোজেনর্ দিয়্যে বল্লোই সেবা গোরোক্, যেন যীশু খ্রীষ্টর্ মাধ্যমে বেক্কানিত্ গোজেনর্ বাঈনী পায়। বাঈনী আর খেমতা উমরত্যে তার্। আমেন।

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”

ফগদাং পেইয়্যে 22:6

যেরেদি সেই স্বর্গদুত্‌তো মরে কলঅ, এই বেক্‌ কধানি বিশ্বেজ্‌গুরিবার আর সত্য। প্রভু গোজেন, যিবে ভাববাদীগুনোরে দিইনে কধা কোইয়্যে তে তার্ দূত্‌তোরে পাধেই দিয়্যে, যেন কয়েক দিনো ভিদিরে যিয়েন খামাক্কায় ঘুদিবাত্যে যার্ সিয়েন সেই স্বর্গদূত্‌‌তো তা চাগরুনোরে দেগেই পারে।