Biblia Todo Logo
Bìoball air-loidhne

- Sanasan -




রোমীয় 2:8 - Chakma Bible

8 মাত্তর্ যিগুনে নিজো আওজ্ মজিম চলন্ আর সত্যগানরে ন-মানিনে অন্যেয়ানরে মানি চলন্ গোজেনে তারারে জদবদে সাজা দিবো।

Faic an caibideil Dèan lethbhreac




রোমীয় 2:8
34 Iomraidhean Croise  

সালে তুই স্বর্গত্তুন্‌ সে কধানি শুনিজ্‌ আর সেধোক্ক্যেন গুরিনে কাম্‌ গুরিচ্‌। সেক্কে তঅ চাগরুনোরে তুই বিচের্‌ গুরিনে দুষচান কামর্‌ ফলান্‌ তারে চাপি দিইনে তারে দুযি বিলিনে প্রমান গুরিচ্‌ আর নিদ্দুজিবোরে তার্‌ কাম্‌ মজিম ফল দিইনে তারে নিদ্দুযি বিলিনে প্রমান গুরিচ্‌।


কয়েকজনে পহ্‌রান‌ বিপক্কে উল্লোমি গরন; তারা পহ্‌রান পৌইদ্যেনে ন-জানন্ বা সিয়েনর পধেদিয়ো ন-থান্।


তর্ রাগর খেমতাগান কন্না বুঝি পারে? কয়জন মনত্ তর্ পাইদ্যে ভোক্তিগান আঘে, যেনে তারা তর্ রাগ্‌কান বুঝোন্?


গোজেন ভক্তবোর মন আওজ্‌চানে ভালেদি আনে, মাত্তর্ পাজি মানুচ্চুনোর আজার বদলে বানা গোজেন রাগ্‌কান লামি এজে।


বাড়্‌বো গরানাগানে বানা কোল্-কোজ্যে বাজেই দে, মাত্তর্ যিগুনে উবদেজ্ শুনোন্ তারা ইদু জ্ঞান পাহ্ যায়।


তমা ভিদিরে যে লগেপ্রভুরে ভোক্তি গুরিনে দরায়, যে তার চাগর কধালোই বাধ্য অয়, কনঅ পহর্ নেই বিলিনে যে আন্ধারত্ যায়, তে লগেপ্রভু উগুরে বিশ্বেজ্ গোরোক্ আর তা গোজেন উগুরে নির্ভর গোরোক্।


যিহূদা আর যিরূশালেমর নেতাগুন, রাজার চাগরুন, ধর্মগুরুগুন আর দেজর্ বেক মানুচ্চুন দ্বিকট্টা গোজ্যে গোরু ছবোর সংমোধ্যেদি আঢিনে মঅ সুদোমান্ পালেবা বিলিনে এগেম্ গোজ্য, মাত্তর্ তারা মঅ সুদোমান ভাঙ্যন্ আর সেই এগেমান্ ন-পালান্।


সেনত্তে মঅ রাগ্‌‌‌‌‌‌‌‌‌‌‌‌‌‌‌কান মুই তারা উগুরে ঢালি দিম আর তারার আচার-বেবহারর ফল তারা মাঢা উগুরে লামেই দিইনে মর্ জোল্‌‌‌‌‌‌‌‌‌‌‌‌‌‌‌জোল্যে রাগে মুই তারারে পুড়ি ফেলেম। মুই প্রভু লগেপ্রভু এ কধাগান কঙর্।”


তার্ বেজার্ অনা মুজুঙোত্ কন্না টিগিই থেই পারে? কন্না সোজ্য গুরি পারে তার্ দর্‌গরেপারা রাগ্‌কান? তা রাগ্‌কান আগুনো ধোক্ক্যেন জ্বলে; তা মুজুঙোত্ দাঙর্ দাঙর্ শিলুন্ কট্টা কট্টা ওই যান।


মান্‌জ্যে গোজেনর্ সত্যগানরে অন্যেয়লোই চাবি থান্, আর সেনত্তে তা উগুরে ভক্তির অভাব আর বেক্‌ অন্যেয় কামানিত্যে স্বর্গত্তুন্ মান্‌জ্য উগুরে গোজেনর্ রাগ্‌কান্ ফগদাং ওই থায়।


মাত্তর্ বেক্কুনে সেই গম্ হবরত্ কান্ ন-পাদন্। ভাববাদী যিশাইয় কোইয়্যে, “প্রভু, আমার দিয়্যে গম্ হবরান্ কন্না বিশ্বেজ্ গোজ্জ্যে?”


খ্রীষ্ট মঅ মাধ্যমে যিয়েনি গোজ্জ্যে সিয়েনির বারেদি কনঅ কধা কবার্ সাহস মুই ন-গুরিম। তে মর্ কধা আর কামর্ মাধ্যমে, আমক্ অবার্ কাম আহ্ চিহ্নো কামর্ মাধ্যমে আর পবিত্র আত্মার খেমতালোই অযিহূদীগুনোরে গোজেনর্ বাধ্য গোজ্জ্যে। সিয়েনর্ কারনে মুই যিরূশালেমত্তুন্ আরাম্ভ গুরিনে ইল্লুরিকা সং বেক্ জাগানিত্ খ্রীষ্ট পৌইদ্যেনে গম্ হবর্ পুরোপুরি গুরিনে প্রচার গোজ্জ্যং।


মাত্তর্ গোজেনর্ ভালেদি ওক্‌, কিয়া যুনিয়ো তুমি পাপর্ চাগর্ এলা তো যে শিক্ষ্যেগান্ তমারে দিয়্যে ওইয়্যে বেক্ মনান্দোই তুমি তার্ বাধ্য ওইয়ো।


ঠিগ্ সেবাবোত্যেগুরি গোজেনে তা রাগ্‌কান্ আহ্ খেমতাগান্ দেগেবাত্তে চেইয়্যে; তো যে মানুচ্চুনো উগুরে তা রাগ্‌কান্ ফগদাং গুরিবো, খুব ধৈজ্জ্য ধুরিনে তে তারারে সোজ্জ্য গুরিলো। এ মানুচ্চুনোর বানা এক্কান্ পাওনা এলদে ভস্ত অনা।


যুনি কেঅ ইয়েনিলোই তর্ক গুরিবাত্যে চায় সালে মুই ইয়েন কোম, অন্য কনঅ সুদোম আমা ভিদিরেয়ো নেই বা গোজেন মন্ডলীগুনো ভিদিরেয়ো নেই।


মত্তুন্ দর্ লাগের্, মুই যেক্কে তমা ইধু এম্ সেক্কে মুই তমারে যেধোক্ক্যেন দেগিবাত্যে চাং অয়ত সেধোক্ক্যেন্ ন-দেগিম্, আর তুমিয়ো মরে যেধোক্ক্যেন্ দেগিবাত্যে চঅ সেধোক্ক্যেন ন-দেগিবা। মত্তুন্ দর্ লাগেত্তে, তমা ভিদিরে কোল্-কোজ্যে, ইংসে, মেজাজ দেগানা, দলাদুলি, নিন্দে, পর কধালোই তেম্মাং, বাড়্ গরানা আর ঝাগুলুগ্ থেবঅ।


মূত্তি-পূজো, যাদুবিদ্যে, শত্রুতা, কোল্-কোজ্জ্যে, লুভ্, রাগ, স্বাত্তবাদি, অমিল, দলাদুলি,


মাত্তর্ ঐ পত্তম দলর্ মানুচ্চুনে নিজোর স্বার্থত্যে খ্রীষ্ট পৌইদ্যেনে প্রচার গুরি থান্; কনঅ গম উদ্দেচ্চ্যলোই সিয়েন ন-গরন্। সিগুনে মনে গরন্, ইয়েন্দোই মর্ বন্দী অবস্থায় তারা মরে দুঘ্ দি পারিবাক্।


নিজোর্ লাভর্ আজায় বা দেমাগর্ বশত কিচ্চু ন-গোজ্জ্য, বরং নম্র গুরিনে অন্যরে নিজোত্তুন্ সর্মানর্ জাগা দুয়ো।


অঘা ধোক্ক্যেন তর্কাতর্কি, বংশর-নাঙানি, কোল্-কোজ্জ্যে আর রীতি-সুদোমর্ কধা সলাসুলিত্তুন্ তুই দূরোত্ থাগ, কিয়া ইয়েনি গুরিনে কনঅ লাভ নেই; ইয়েনি বেক্কানি অত্ত-নেইয়্যে।


আঘেদে বানা বিচেরত্যে অমকদ দোরেইনে বাজ্জ্যেই থানা আর গোজেনর্ শত্রুগুনোরে ছেই গুরি ফেলানা ধোক্ক্যেন জ্বোল্‌‌জোল্ল্যে রাগ্।


গোজেনে যেক্কে অব্রাহামরে ডাক্ক্যে সেক্কে বিশ্বেজত্যে তে গোজেনর্ কধার্ বাধ্য ওইয়্যে আর সোম্বোত্তি ইজেবে যে জাগায়ান তার্ পেবার্ কধা এলঅ সেই জাগানত্ তে যেয়্যে। যুনিয়ো সেক্কে বুঝি ন-পারে তে কুধু যার্ তো তে লদ্ দিয়্যে।


এবাবোত্যে গুরি যেক্কে তে পূর্ণতাগান পেলঅ সেক্কে তার্ বাধ্যতাগান বেক্কুনোত্যে তে উমরর্ উদ্ধোরর্ পথ অলঅ।


মাত্তর্ তমা রিবেঙানি যুুদি ইংসেলোই ভুরি উদে আর নিজো লুভে ভরা থায় সালে জ্ঞানর্ দেমাগ্ ন-দেগেয়ো, সত্যগানরে মিজে ন-বানেয়ো।


কিয়া যিয়েনত্ ইংসে আর নিজোর্ লুভ থায় সিয়েনত্ কাঙেলেত্যে আর নানান্ বাবোত্যে অন্যেয় থায়।


সেবাবোত্যে তুমি যিগুনে মোক্, তুমি পত্তিজনে নেগর্ অধীনতা মানি লঅ, যেন তারা ভিদিরে কেঅ কেঅ গোজেনর্ কধানি বিশ্বেজ্ ন-গুরিলেয়ো তমা চালচলন্ খ্রীষ্ট ইন্দি তারারে টানে। ইয়েনত্ তমার এক্কান কধায়ো কুয়ো ন-পড়িবো,


বিচের আরাম্ভ অবার সময় ওইয়্যে আর সিয়েন গোজেন পরিবারর্ মানুচ্চুনোত্তুন্ ধুরি আরাম্ভ গরা অবঅ। আর যুনি সেই বিচেরান আমাত্তুন্ ধুরি আরাম্ভ গরা অয় সালে যিগুনে গোজেনর্ দিয়্যে গম হবরান মানি ন-লন্ তারার অবস্থা কি অবঅ?


সালে তাত্তুন্ গোজেনর্ রাগর্ মদ হা পড়িবো। এই মদ সমারে পানি ন-মিজেইনে গোজেনর্ রাগর্ গলজত্ ঢালি দিয়্যে ওইয়্যে। পবিত্র স্বর্গদুত্‌তুনোর্ আর ভেড়া-ছবোর্ মুজুঙোত্ আগুন আর গন্ধক্‌কোই সেই মানুচ্চোরে যস্ত্রণা দিয়্যে অবঅ।


সেই নাঙ্-গোজ্জ্যে শঅরান তিন ভাগে ভাগ ওই গেলঅ আর নানান্ জাদর্ শঅরানি ভাঙি পড়ি গেলঅ। যেরেদি সেই নাঙ্-গোজ্জ্যে বাবিল কধা গোজেনর্ মনত্ পড়িলো, আর তে তার্ রাগে দর্‌গরেপারা মদ গলচ্চো ভোরেইনে বাবিলরে হেবাত্যে দিলো।


Lean sinn:

Sanasan


Sanasan