6 তে পত্তিজনরে তারার্ কাম্ ইজেবে ফল দিবো।
তে মান্জ্যরে তা কামর্ ফল দে; তা আচার-বেবহার অনুসারে তে তার পাওনা দে।
ও প্রভু, তইদু অমকদ কোচ্পানা আঘে; তুই পত্তিজনরে তার কাম মজিম্ ফল দি থাচ্।
শুনিচ্, যে জাগানর্ কধা মুই কোইয়োং তুই ইক্কিনে যেইনে মানুচ্চুনোরে সিদু নেযা। মর্ দূত্তুনে তমারে পথ্ দেগেইনে নেযেবাক্। যেক্কে সাজা-দিবার্ অক্ত এবঅ সেক্কে মুই তারারে পাপর্ সাজা দিম্।”
তুই যুনি কচ্, “মাত্তর্ আমি কিচ্চু হবর্ ন-পেদং,” মাত্তর্ যিবে রিবেঙান্ মাবে তে কি তঅ কধাগান বিচের গুরি ন-চেবঅ না? যিবে তঅ জিংকানগান রোক্ষ্যে গরে তে কি সিয়েন হবর্ ন-পেবঅ না? তে কি পত্তি মান্জ্যরে তার কাম মজিম ফল ন-দিবো না?
কিত্তে তারার রিবেঙানিয়ে অত্যেচার্ গুরিবার কুজুরোমি গরে, আর তারার মুয়োনি অন্যেয় গুরিবার কধা কয়।
এক্কো ধনুবলা যেধোক্ক্যেন্ এলোপাতাড়ি সেল্ মারে বেক্কুনোরে কট্টা কট্টা গরে, সেধোক্ক্যেন্ সে মানুচ্চো, যে বিবেচনানেইয়্যেবোরে বা পধ মান্জ্যরে কামত্ লাগায়।
মুই মনে মনে কলুং, “গোজেনে গম্ আর পাজি এ দ্বিজনরে বিচের্ গুরিবো, কিত্তে গোজেন ইদু বেক্ বেপারানি আর বেক্ কামানির্ এক্কান ঠিগ্ সময় আঘে।”
মুই লগেপ্রভু মনান তোগেইনে চাং আর মনরে জগা চাং; মুই মান্জ্যর আদাউদো আর তার্ কামর্ পাওনা মজিম ফল্ দুয়োং।
তর্ উদ্দশ্যগান দাঙর্ আর তর্ বেক কামানি খেমতাবলা। মান্জ্যর বেক চালচলনর্ ইন্দি তঅ চোগ্কুন খুলো রাগেয়োচ্; তুই পত্তিজনরে তার চালচলনর্ আর কামর্ ফল দি থাচ্।
যে পাপ গুরিবো তেয়ই মুরিবো। পুয়োবো বাব দুজোত্তে সাজা ন-পেবঅ। গম্ মানুচ্ তা গম্ কামর্ ফল পেবঅ আর পাজি মানুচ্ তার পাজিগানির ফল পেবঅ।
“সেনত্তে ও ইস্রায়েলীয়গুন, মুই তমার পত্তিজনর্ আচার-ব্যবহার মজিম্ বিচের্ গুরিম। তুমি ফিরো, তমা বেক্ অন্যেয় কামানিত্তুন্ মনান্ ফিরো; সালে পাপত্তুন্ তুমি ভস্ত ন-অবা।
মুই নানান্ জাদ্ আর দেজ ভিদিরে তারারে ছিদি দুয়োং; তারার্ আচার-বেবহার আর কামানি অনুসারে মুই তারারে সাজা দুয়োং।
মান্জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্জ্যরে তারার্ কাম মজিম্ ফল দিবো।
এ পৌইদ্যেনে তুই যিয়েন গম্ বিলিনে বিশ্বেজ্ গরচ্ সিয়েন গোজেন আর তঅ ভিদিরে থঅ। গম্ মনে গুরিনে কিজু গুরিবার সময় যুনি কারঅ বিবেকে তারে দুষি ন-গরে সালে তে বর্পেইয়্যে।
যে বীজি লাগায় আর যে পানি দে তারার উদ্দেচ্চ্য এক্কুই, মাত্তর্ পত্তিজনে যার্ যার্ কাম মজিম বক্শিজ্ পেবাক্,
সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্রত্ আনিবো আর মান্জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।
সালে যিগুনে শদানর্ সেবা গরন্ তারা যুনি নিজোরে বুদুলি ফেলেইনে দেগান্, তারা ন্যায়র্ সেবা গত্তন্ সালে সিয়েনত্ আমক্ অবার্ কি আঘে? তারার্ কামর্ যিয়েন পাওনা জেরেদি তারা সিয়েনই পেবাক্।
ইয়েনর্ কারণান্ অলঅ, খ্রীষ্টর বিচের-আসন মুজুঙোত্ আমা বেক্কুনোর্ বেক্কানি ফগদাং গরা অবঅ, যেন আমি বেক্কুনে এ কিয়্যেগানিত্ থাগদে যিয়েনি গোজ্জ্যেই, সিয়েনি গম ওক্ বা ভান্ন্যেই ওক্, সেই ইজেবে সিয়েনির পাওনা পেই।
যে আলেক্সান্দরে তামা কাম গরে তে মরে বোউত ক্ষতি গোজ্জ্যে। তে যিয়েন গোজ্জ্যে সিয়েনর হেনা প্রভু শুজিবো।
তার্ পুয়ো-ছাগুনোরেয়ো মুই মারে ফেলেম। সেক্কে বেক্ মন্ডলীগুনে কোই পারিবাক্ যে, মুই মান্জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।
সে পরেদি মুই দেগিলুং, চিগোন-দাঙর্ বেক্ মরা মানুচ্চুনে সেই সিংহাসনান মুজুঙোত্ থিয়্যেই আঘন্। ইয়েনর্ পরেদি কয়েক্কো বোই খুলো অলঅ। সে পরেদি আর এক্কো বোই খুলো অলঅ। সিবে এলঅ জিংকানি-বোই। এ মরা মানুচ্চুনোর কাম পৌইদ্যেনে সেই বোইয়ুনোত্ যেধোক্ক্যেন গুরি লেগা ওইয়্যে সেই মজিম তারার্ বিচের্ অলঅ।
যীশু কত্তে, চঅ, মুই যাদিমাদি এজঙর্ আর পত্তিজনরে তার্ কাম মজিম দিবার বক্শিজ মঅ সমারে আঘে।
