রোমীয় 2:5 - Chakma Bible

⁵ মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

রোমীয় 2:5 Iomraidhean Croise

২ বংশধর 30:8

“তুমি তমা পূরোণি মানুচ্চুনো ধোক্ক্যেন গত্তনাগুন্‌ দর ন-গুরিবা বরং লগেপ্রভুর আঢত্ নিজোরে দি দুয়ো। যে সুদ্ধো-সাংগ ঘরানরে তে উমরত্তে নিজোর্‌ নাঙে যুদো গোজ্যে তুমি সে ঘরানত্‌ এজঅ আর তোমা গোজেন লগেপ্রভুরে সেবা গরগি যেনে তমা উগুরেত্তুন্‌ তার্‌ দর্‌গরেপারা রাগকান্‌ যাইয়োই।

২ বংশধর 36:13

ইয়েনিবাদে রাজা নবূখদ্‌নিৎসর, যিবে গোজেনর নাঙে তারে শমক্‌ খাবেয়্যে, তার্‌ বিরুদ্ধে তে উল্লোমি গুরিলো। তে একগেয়েমি গুরিনে আর নিজো মনান্‌ দর গুরিনে ইস্রায়েলর গোজেন লগেপ্রভুর ইন্দি ন-ফিরিলো।

ইয়োব 21:30

শদান্‌ মান্‌জ্যে দযাত্ পড়িলে রেহাই পান আর রাগ্ উদিলে রোক্ষ্যে পান্?

গীতসংহিতা 110:5

প্রভু তঅ ডেন্ ডাগেন্দি আঘে; তার্ রাগ উদিলে তে রাজাগুনোরে শেজ্ গুরি ফেলেব।

গীতসংহিতা 95:8

তে কোইয়্যেদে, তমা পুরোণি মানুচ্চুনো ধোক্ক্যেন্ তমা মনানি তুমি দর ন-গোজ্য; তারা ধূল্যেচর-চাগালাত্ মরীবায় আর মঃসায়ত মরে জগা চেইয়োন্। যুনিয়ো তমা পুরোণি মানুচ্চুনে মঅ কামানি দেখ্যন্, তো তারা সিদু মরে বিজিরে চেইয়োন্।

যাত্রা 14:17

মাত্তর্‌ মুই মিসরীয়গুনোর্‌ মনানি এমন্‌ দরঅ‌ গুরি দিম, তারা ইস্রায়েলীয়গুনোর পিজে পিজে বড়গাঙত্ চমেবাক্‌। সেক্কে ফরৌণ আর তার্‌ বেক্‌ সৈন্যদলুন, রথ আর ঘোড়াবাহিনীগুনে মর্‌ বাঈনী ফগদাঙ্‌ গুরিবার্‌ পথ অবাক্।

যাত্রা 32:34

শুনিচ্‌, যে জাগানর্‌ কধা মুই কোইয়োং তুই ইক্কিনে যেইনে মানুচ্চুনোরে সিদু নেযা। মর্‌ দূত্‌তুনে তমারে পথ্‌ দেগেইনে নেযেবাক্‌। যেক্কে সাজা-দিবার্‌ অক্ত এবঅ‌ সেক্কে মুই তারারে পাপর্‌ সাজা দিম্‌।”

যাত্রা 8:15

মাত্তর্‌ বেঙ ভানাগানত্তুন্‌ রেহাই পেইনে ফরৌনে আরঅ তা মনান্‌ দর-মর গুরিনে মোশি আর হারোণ কধা কান ন-পাদিলো। লগেপ্রভু যিয়েনি কোইয়্যে সিয়েনই অলঅ।

গম্ উপদেজ্ 1:18

এ মানুচ্চুনে নিজে খুন্ অবাত্তে হাপ্ দি থান, নিজে শেজ্ অবাত্তে পৌল্যেই থান্।

গম্ উপদেজ্ 11:4

যেদিন্যে গোজেন রাগ্‌কান লামি এবঅ সেদিন্যে ধন কনঅ কামত্ ন-লাগিবো, মাত্তর্ গোজেন উগুরে ভোক্তিগানে মরণত্তুণ্ রোক্ক্যে গুরিবো।

গম্ উপদেজ্ 28:14

যে মানুচ্চো অন্যেয় গুরিবাত্তে নিত্য দরায় তে বর্ পেইয়্যে, মাত্তর্ যে তার মনানরে চিৎ ন-পুজ্যে গরে আর অন্যেয় গুরিবাত্তে ন-দরায় তে দজাত্ পড়ে।

গম্ উপদেজ্ 29:1

ভালোক্‌‌বার সংশোধনর কধা শুনিনেয়ো যে মানুচ্চো গত্তনাবো দরমর গুরি রাগায় তে যে কনঅ সময়োত ভস্ত ওই যেবঅ; তে আর উদি ন-পারিবো।

উপদেশক 12:14

গোজেনে বেক্ কামানির, এমন্ কি, বেক্ গুমর কধানি পৌইদ্যেনে বিচের্ গুরিবো-সিয়েন্ গম্ ওক্ বা ভান্ন্যেই ওক্।

যিশাইয় 48:4

কিত্তে তুমি যে কিবাবোত্যে একবুচ্চ্যে সিয়েন মুই হবর্ পেদুং; তমা গত্তনা য়েরানি লুয়ো ধোক্ক্যেন আর কবালান্ পিদোল ধোক্ক্যেন।

যিরমিয় 40:3

লগেপ্রভু সিয়েন ঘোদেইয়্যে, যেবাবোত্যে কোইয়্যে, সেবাবোত্যে গোজ্যে। তুমি লগেপ্রভুর বিরুদ্ধে পাপ গোজ্য আর তা কধার অবাধ্য ওইয়ো।

যিহিষ্কেল 11:19

মুই তারারে এমন মন দিম্ যিয়েন বানা মইন্দি আসক্ত থেবঅ, আর মুই তারা ভিদিরে নূয়ো আত্মা দিম; মুই তারার্ চিৎনপুজ্যে মনান্ সোরেইনে নরম মনানি দিম।

যিহিষ্কেল 3:7

মাত্তর্ ইস্রায়েলীয়গুনে তঅ কধানি শুনিবাত্তে ন-চেবাক্, কিত্যে তারা মঅ কধানি শুনিবাত্তে ন-চান; ইয়েনর কারনান্ অলঅ, গোদা ইস্রায়েল জাদ্‌‌‌‌তো আগাত্যা-মনর্ আর একবুচ্চ্যে।

দানিয়েল 5:20

মাত্তর্ যেক্কে তা মনান্ বাড়্‌বো আর অহংকারে দরমর ওই উদিলো সেক্কে তারে তা সিংহাসনত্তুন্ লামেই দিয়্যে অলঅ আর তা সর্মানান নেযা অলঅ।

হোশেয় 13:12

ইফ্রয়িমর দুষ, অত্তাৎ তার্ বেক্ পাপ্‌‌‌‌‌‌পানি লিগিনে বানি রাগা ওইয়্যে।

আমোষ 3:10

প্রভু লগেপ্রভু কত্তে, “তারা ঠিগ্ কাম গুরিবাত্তে ন-জানন্; তারা ঘরানি ভিদিরে তারা অত্যেচারর্ আর লুদেয়্যে মাল থুবেই রাগেয়োন। সেনত্তে একজন শত্রু তারার্ দেজ্‌‌চান ঘিরিবো; তে তারার্ দরমর রোক্ষ্যে গরেদে পথ্‌‌তানি ভস্ত গুরিবো আর ঘরানি লুদেব।”

রোমীয় 1:18

মান্‌জ্যে গোজেনর্ সত্যগানরে অন্যেয়লোই চাবি থান্, আর সেনত্তে তা উগুরে ভক্তির অভাব আর বেক্‌ অন্যেয় কামানিত্যে স্বর্গত্তুন্ মান্‌জ্য উগুরে গোজেনর্ রাগ্‌কান্ ফগদাং ওই থায়।

রোমীয় 11:25

ভেইলগ্, তুমি যেন নিজোরে জ্ঞানী মনে ন-গরঅ সেনত্তে মুই এক্কান গুমুরো সত্য তমারে জানেই রাগেবাত্তে চাং। সেই সত্যগান্ ইয়েন-অযিহূদীগুনোরে গুণীনে ন-পুরোনা সং বেচ্‌ ভাগ্ ইস্রায়েলীগুনোর মনানি দরমর ওই থেবঅ।

রোমীয় 9:22

ঠিগ্ সেবাবোত্যেগুরি গোজেনে তা রাগ্‌কান্ আহ্ খেমতাগান্ দেগেবাত্তে চেইয়্যে; তো যে মানুচ্চুনো উগুরে তা রাগ্‌কান্ ফগদাং গুরিবো, খুব ধৈজ্জ্য ধুরিনে তে তারারে সোজ্জ্য গুরিলো। এ মানুচ্চুনোর বানা এক্কান্ পাওনা এলদে ভস্ত অনা।

২ করিন্হীয় 5:10

ইয়েনর্ কারণান্ অলঅ, খ্রীষ্টর বিচের-আসন মুজুঙোত্ আমা বেক্কুনোর্ বেক্কানি ফগদাং গরা অবঅ, যেন আমি বেক্কুনে এ কিয়্যেগানিত্ থাগদে যিয়েনি গোজ্জ্যেই, সিয়েনি গম ওক্‌ বা ভান্ন্যেই ওক্‌, সেই ইজেবে সিয়েনির পাওনা পেই।

দ্বি’লম্বর বিররণ 2:30

মাত্তর্‌ হিষ্‌বোনর রাজা সীহোনে সিয়েন্দোই রাজী ন অলঅ। তমার গোজেন লগেপ্রভু তার্‌ মনান্‌ দরঅ গোজ্যে আর মনান্‌ একবুচ্চ্যেলোই ভোরেই দিয়্যে যেনে তে তমা আদত্‌ পড়ে, আর ইক্কিনে সিয়েনোই ঘদের্‌।

দ্বি’লম্বর বিররণ 32:34

মইদু সিয়েনি দঅ তুল্যে আঘে, মর্‌ জমেয়্যে ঘরত্‌ সীলমহর্ গরা আঘে।

২ থিষলনীকীয় 1:5

ইয়েনি বেক্কানি গোজেনর্ ন্যায় বিচেরর্ প্রমাণ। আর ইয়েনির উদ্দেচ্য অলঅ, তমারে যেন গোজেন রেজ্যর্ যগাজ্জ্যে বিলি ধরা অয়। ইয়েনত্যে দঅ তুমি এদক্ দুঘ্ পর্।

ইব্রীয় 3:13

ইয়েনত্তুন্ যেদকদিন পবিত্র বোইবোর্ “এচ্চ্যে” কধাগান কুয়ো যায়, সিয়েনর পত্তি দিন তুমি একজন আরেকজনরে উচ্চোমি দুয়ো, যেনে তমার্ কারঅ মন পাপর্ ছলনাত পড়িনে আগাত্যে ন-অয়;

ইব্রীয় 3:15

এক্কেনা আগেদি কুয়ো ওইয়্যেদে, আহ্, এচ্চ্যে যুনি তুমি তা কধানি শুনো! তে কোইয়্যেদে, “তমা পূরোণি মানুচ্চুনো ধোক্ক্যেন তমা মনানি তুমি আগাত্যে ন-গোজ্জ্য।”

ইব্রীয় 4:7

ইয়েনত্যে গোজেনে যেবাবোত্যে গুরি ইস্রায়েলীয়গুনো ইধু কোইয়্যে ঠিগ সেবাবোত্যেগুরি ভালোক দিন পরেদি রাজা দায়ুদোরে দিইনে আরঅ কোইয়্যেদে, আহা, এচ্চ্যে যুনি তুমি তা কধানি শুনো! তে কোইয়্যেদে, “তমা মনানি তুমি আগাত্যে ন-গোজ্জ্য।” এই কধাগান কোইনে তার্ দিয়্যে জিরেবার জাগানত্ যেবাত্যে গোজেনে আর এক্কান সময় ঠিগ গোজ্জ্যে আর তে সিয়েনর্ নাঙান্ দিয়্যেদে এচ্চ্যে।

যাকোব 5:3

তমা সনা আর রূবোনিত্ জাঙারে ধোজ্জ্যে, আর সেই জাঙারানিয়ে তমা বিরুদ্ধে সাক্ষি দিবো আর আগুনো ধোক্ক্যেন গুরি তমা য়েরানি হেই ফেলেব। এই শেজ্ দিনুনোত্ তুমি ধন-সোম্বোত্তি থুবেইয়ো।

যিহোশূয় 11:20

লগেপ্রভু বেক্‌ মানুচ্চুনোর মনানি আগাত্যে গুরি দিলো যেনে তারা ইস্রায়েলীয়গুনোর বিরুদ্ধে যুদ্ধো গরন্‌ আর সেক্কে তারা যেন্‌ ভস্তর অভিশাবর তলে অন্‌ আর কনঅ‌ দোয়্যে ন-পেইনে মুরি যান্‌। এ উগুমানই লগেপ্রভু মোশিরে দিয়্যে।

২ পিতর 2:9

ইয়েনিত্তুন্ দেগা যেদঅ, যিগুনে প্রভুরে ভোক্তি গরন্ তারারে তে দজাত্তুন্ রোক্ষ্যে গুরি জানে। ইগুনবাদে যিগুনে গোজেনভক্ত নয়, বিশেজ্‌গুরি যিগুনে তারার্ পাপ-খাচ্চ্যদর্ ভান্ন্যেই আওজ্ মজিম চলন্ আর শাসনানি তুচ্চো গরন্, তে তারার্ সাজা পেবাত্যে বিচেরর্ দিন্নো সং থোই জানে।

২ পিতর 3:7

আর গোজেনর্ সেই একই কধালোই ইক্কিনে আগাজ্‌চান আর পিত্‌থিমীগান আগুনোত্ পুড়ি দিবাত্যে থুয়ো ওইয়্যে; গোজেন উগুরে ভোক্তি নেইয়্যে মানুচ্চুনোর বিচের আর ভস্তর্ দিন্নো সং সিয়েন রোক্ষ্যে গরা অর্।

যিহূদা 1:6

ইয়েনবাদে যে স্বর্গদূত্‌তুনে নিজোর্ অধিকারান রোক্ষ্যে ন-গুরিনে নিজোর্ জাগায়ানি ফেলেই যেইয়োন তারার কধানি ইদোত্ তুলো। সেই দাঙর্ দিন্নোর্ বিচেরর্ আজায় গোজেনে তারারে উমরত্যে আন্ধারত্ বানি থোয়্যে।

ফগদাং পেইয়্যে 2:21

বেগেয়্যে গরানাত্তুন্ মনান্ ফিরেবাত্যে মুই তারে সময় দুয়োং মাত্তর্ তে মনান্ ফিরেবাত্যে রাজী ন-অয়।

ফগদাং পেইয়্যে 6:17

কারন তারার্ রাগ ফগদাঙর্ সেই দাঙর্ দিন্নো লুম্মেগি, আর কন্না তা মুজুঙোত্ থিয়্যেই থেই পারে?”

১ শমূয়েল 6:6

তুমি কিত্তে ফরৌণ আর মিসরীয়গুনো ধোক্ক্যেন গুরি নিজোর মনানিরে দরঅ গোজ্য? ইস্রায়েলীয়গুনোর গোজেনে যেক্কে মিসরীয়গুনোরে ভুল বানেয়্যে সেক্কে তারা ইস্রায়েলীয়গুনোরে যেবাত্তে দুয়োন, আর তারা আদি যেয়োন্দোই।