রোমীয় 2:26 - Chakma Bible

²⁶ ইয়েনত্যে কনঅ চুনু মাঢাবো চামান ন-কাপ্যে মানুচ্ যুনি রীদি-সুদোমর্ দাবীগানি মানি চলে সালে গোজেনে কি তারে চুনু মাঢাবো চামান কাবা ওইয়্যে বিলি ন-ধুরিবো?

রোমীয় 2:26 Iomraidhean Croise

মথি লেখ্যে গম্ হবর্ 15:28

সেক্কে যীশু তারে কলঅ, “যদবদে তঅ বিশ্বেজ্‌চান অমকদ বেশ্। তুই যেবাবোত্যে চাজ্ সেবাবোত্যে ওক্।” আর সেক্কে তা ঝিবো গম্ ওই গেলঅ।

রোমীয় 2:25

তুই যুনি রীদি-সুদোম মানি চলচ্ সালে চুুুনু মাঢাবো চামান কাবানার্ দামান্ আঘে; মাত্তর্ যুনি রীদি-সুদোম ন-মানচ্ সালে চুনু মাঢাবো চামান কাবিলেয়ো গোজেন ইধু তুই চুনু মাঢাবো চামান ন-কাপ্যে মান্‌জ্য ধোক্ক্যেন্।

রোমীয় 2:27

তঅ ইধু দঅ লেক্ক্যে রীতি-সুদোম আঘে আর তর্ চুনু মাঢাবো চামান কাবা ওইয়্যে। মাত্তর্ তুই যুনি রীদি-সুদোম ন-মানচ্ সালে যিবের্ চুনু মাঢাবো চামান কাবা ন-অয় অদচ রীদি-সুদোম পালন গরের্, তে কি আইন ন-মানিবাত্যে তরে দুষি ন-ধুরিবো?

রোমীয় 3:30

কিত্যে গোজেনে দঅ বানা একজন। তে যিহূদীগুনোরে যেবাবোত্যেগুরি বিশ্বেজর্ মাধ্যমে নিদ্দুজি বিলি মানি লবঅ সেবাবোত্যেগুরি অযিহূদীগুনোরেয়ো মানি লবঅ।

রোমীয় 8:4

তে সিয়েন গুরিলো যেন পাপ-খাচ্চ্যদ অধীনোত্ ন-চলিনে পবিত্র আত্মার্ অধীনোত্ চলিবাত্যে আমা ভিদিরে রীদি-সুদোমর্ দাবী-দাওয়া পূরোণ্ অয়।

গালাতীয় 6:15

চুনু মাঢা কাবানা বা ন-কাবানার্ কনঅ দাম নেই, খ্রীষ্টর্ মাধ্যমে নুয়ো সৃট্টি ওইনে উদোনা অলঅ দাঙর্ কধা।

ইফিষীয় 2:11

জর্মর্ ইন্দিত্তুন্ তুমি দঅ অযিহূদী। আঢ্‌তোই কিয়্যে ইধু যিগুনোরে সুন্নত গরানা ওইয়্যে, অত্তাৎ যিগুনে নিজোরে চুনু মাঢা কাপ্যে মানুচ্‌ বিলি কোই থান্ তারা তমারে চুনু মাঢা ন-কাপ্যে মানুচ্ কোই থান্ তারা তমারে চুনু মাঢা ন-কাপ্যে মানুচ্ কন্।

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

কলসীয় 2:11

ইয়েন বাদে তুমি খ্রীষ্ট লগে এগত্তর্ ওইয়ো বিলিনে তমার্ চুনু মাঢায়ো কাবা ওইয়্যে। এ চুনু মাঢা কাবানাগান কনঅ মান্‌জ্যর্ আঢে কাবানা ন-অয়, খ্রীষ্ট নিজেই সিয়েন গোজ্জ্যে; অত্তাৎ কিয়্যে উগুরে পাপ খাচ্চ্যদর্ যে খেমতাগান এলঅ সেই খেমতাত্তুন্ তে তমারে উদ্ধোর্ গোজ্জ্যে।

যিহোশূয় 5:5

যিগুনে মিসর ফেলেইনে নিগিলি এচ্ছ্যন্‌ তারারে জাদত্‌ তুলো ওইয়্যে; মাত্তর্ মিসরত্তুন নিগিলি এজানার পরেন্দি যেবার্‌ পদথ্‌ ধূল্যেচর- চাগালাত্‌‌ যিগুনোর জর্ম ওইয়্যে সিগুনোরে কাররে জাদত্‌ তুলো ন-অয়।