রোমীয় 2:19 - Chakma Bible

¹⁹ তুই মনে গরচ্ তুই কান্ মানুচ্চুনোরে পধ্ দেগর্। তুই পারা পাচ্, যিগুনে আন্ধারত্ আঘন্ তারা ইধু তুই পহ্‌র ধোক্ক্যেন্।

রোমীয় 2:19 Iomraidhean Croise

গম্ উপদেজ্ 26:12

তুই কি এমন্ মান্‌জ্যরে দেখ্যচ্ যে তার নিজো চোগেদি জ্ঞানী? তাত্তুন্ বরং বিবেচনা নেইয়্যেবো পৌইদ্যেনে আজা আঘে।

যিশাইয় 49:6

তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্‌তুনো ইদু তরে পহ্‌‍‍‍র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান‍।”

যিশাইয় 5:21

অভিশাব্ পোড়োক্ সেই মানুচ্চুনোর্, যিগুনে নিজো চোগেদি জ্ঞানবলা আর নিজোরে বুদ্ধিবলা বিলিনে মনে গরন্।

যিশাইয় 56:10

ইস্রায়েল চুগিদারুন চোগ কান্, তারার্ কনঅ জ্ঞিয়েন নেই। তারা বেক্কুন্ ববা কুগুরো ধোক্ক্যেন, তারা বুগিই ন-পারন্। তারা পড়ি থেইনে স্ববন্ দেগন আর ঘুমাদে গম্ পান।

মথি লেখ্যে গম্ হবর্ 15:14

তারাত্যে চিদে ন-গোজ্জ্য! তারা দঅ কান্ মানুচ্চুনোর কানা নেতা; কান্ মান্‌জ্যে কানরে পথ্ দেগেবাত্তে গেলে দ্বি'জনে গাঢত্ পড়ন্।”

মথি লেখ্যে গম্ হবর্ 4:16

যে মানুচ্চুনে আন্ধারত্ বজত্তি গরন, তারা বোউত্ পহ্‌র দেগিবাক্। যিগুনে ঘুর্‍‍গুজ্যে আন্ধার দেজত্ বজত্তি গরন, তারা ইধু পহ্‌র ফগদাং অবঅ।

মথি লেখ্যে গম্ হবর্ 5:14

তুমি জগদর্ পহ্‌‌র‍্। মুড়ো উগুরে শঅর্ লুগেই থোই ন-পারে।

মথি লেখ্যে গম্ হবর্ 6:23

মাত্তর্ তঅ চোগ্‌কুন যুনি বজং অয় সালে তর্ বেক্ কিয়্যেগান আন্ধার্ অবঅ। তঅ ভিদিরে যে পহ্‌‌রান আঘে সিয়েন্ যুনি আজলে আন্ধার্ অয় সালে সে আন্ধারান্ কি সাংগাধিক্!

মার্ক 10:15

মুই তমারে ঘেচ্চেক্‌‌‍গুরি কঙর্, চিগোন পুয়ো-ঝিগুনো ধোক্ক্যেন্ গুরি গোজেনর শাসন মানি ন-নিলে কেঅ কনমতে গোজেন রেজ্যত্ সোমেই ন-পারিবাক্।”

লূকে লেখ্যে গম্ হবর্ 1:79

যাতে আন্ধারত্ আর মরণর্ ছাবাত্ যিগুনে বুয়োই আগন্ তারারে পহর্ দি পারে, আর শান্তির পদেধি আমারে চালেই পারে।”

যোহন 9:34

জোবত্ নেতাগুনে কলাক্, “তর্ জর্ম ওইয়্যেদে এক্কুবারে পাপত্তুন্, আর তুই আমারে শিক্ষ্যে দুয়োর্?” ইয়েন্ কোইনে তারা তারে সমাজত্তুন্ নিগিলেই দিলাক্।

রোমীয় 2:18

গোজেনে কি চায় সিয়েন তুই কোই পারচ্ আর যিয়েন্ গম্ সিয়েন মানি লচ্, কিত্যে রীদি-সুদোমত্তুন্ তুই সেই শিক্ষ্যেগান্ পেইয়োচ্।

রোমীয় 2:20

তর্ ধারনা, যিগুনে বুদ্ধি-নেইয়্যে আর যিগুনে রীদি-সুদোম পৌইদ্যেনে শিক্ষ্যে ন-পান্ তুই তারারে শিক্ষ্যে দি থাচ্। রীদি-সুদোম ভিদিরে জ্ঞান আর সত্য আঘে বিলিনে তর্ এ ধারনাগান্ আঘে।

১ করিন্হীয় 3:18

তুমি কেঅ নিজোরে ফাগি ন-দুয়ো। তমাত্তুন্ যুনি কেঅ এ যুগোর চিন্তেলোই নিজোরে জ্ঞানী মনে গরে সালে তে মূর্খ ওক্‌ যেন তে ঘেচ্চেকগুরি জ্ঞানী ওই পারে,

১ করিন্হীয় 4:10

আমি খ্রীষ্টত্যে মূর্খ ওইয়্যেই আর তুমি খ্রীষ্ট সমারে মিজেইনে বুদ্ধিবলা ওইয়ো। আমি বল্‌পোজ্যে মাত্তর্ তুমি বোলী। তুমি বোউত্ সর্মান পেইয়ো আর আমি অসর্মান পেইয়্যেই।