রোমীয় 2:15 - Chakma Bible

¹⁵ ইয়েনত্ দেগা যায়, রীদি-সুদোম মজিম যিয়েন গরানা উজিত্ সিয়েন তারা মনত্ লেগা আঘে। তারার্ বিবেক্-অ সেই এক্কুই সাক্ষ্য দে। তারার্ চিন্তেগানিয়ে কনঅ কনঅ সময় তারারে দুষী গরে, আরঅ কনঅ কনঅ সময় তারা পক্ষেয়ো থায়।

রোমীয় 2:15 Iomraidhean Croise

পত্থম 20:5

সে মানুচ্চো দঅ নিজেই মরে কোইয়্যে, সিবে তার বোন, আর সে মিলেবোয়ো কলঅ, সিবে তার্ ভেই। মুই সরল মনে এ কামান গোজ্যং; সিয়েনবাদে বারেন্দিয়ো মঅ বেবহার ভিদিরে কনঅ দুজ্ ন-এলঅ।”

১ রাজাবলী 2:44

শলোমন শিমিয়িরে আরঅ কলঅ, “মঅ বাপ্পো দায়ূদো উগুরে তুই যেদক্কানি অন্যেয় গোজ্যস্‌ সিয়েন দঅ তর্‌ মনানে হবর্‌ পায়। ইক্কিনে লগেপ্রভুই তরে তর্‌ অন্যেয় কামর্‌ ফল দিবো।

ইয়োব 27:6

মুই যে নিদ্দুযি সেই দাবিগান মুই গুরিম, কোই কোই থেম্। মুই যেদক্‌দিন বাঁজিম্ সেদকদিন সং মঅ বিবেগ্‌‌কানে মরে দুষি ন-গুরিবো।

উপদেশক 7:22

কিত্তে তুই দঅ তঅ মনানরে হবর্ পাজ্, ভালোক্‌বার্ তুই নিজে অন্যগুনোরে অভিশাব্ দুয়োচ্।

যোহন 8:9

এ কধাগান্ শুনিনে সেই ধর্ম নেতাগুনো ভিদিরে বুড়োগুনোত্তুন্ ধুরি আরাম্ভ গুরিনে একজন একজন গুরি বেক্কুনে গেলাক্। যীশু বানা গায় গায় রলঅ আর সে মিলেবো তা মুজুঙোত্ থিয়্যেই এলঅ।

প্রেরিত্‌ 23:1

পৌলে সোজা দাঙর্ তেম্মাঙ মানুচ্চুনো ইন্দি রিনি চেইনে কলঅ, “মর্ ভেইয়ুন, মুই এচ্চ্যে সং গম্ বিবেক্ দিইনে গোজেনরে ভাবিনে মর্ কামানি পালেয়োং।”

প্রেরিত্‌ 24:16

সেনত্তে মুই গোজেন আর মান্‌জ্য ইধু আমিযে মর্ বিবেগরে সাব্ রাগেবার চেষ্টা গরং।

রোমীয় 2:14

অযিহূদীগুনে মোশির রীদি-সুদোম ন-পান্, মাত্তর্ তো তারা যেক্কে নিজোত্তুন্ রীদি-সুদোম মজিম কাম্ গরন্ সেক্কে রীদি-সুদোম ন-পেইনেয়ো তারা নিজেই নিজোর্ রীদি-সুদোম অন্।

রোমীয় 2:27

তঅ ইধু দঅ লেক্ক্যে রীতি-সুদোম আঘে আর তর্ চুনু মাঢাবো চামান কাবা ওইয়্যে। মাত্তর্ তুই যুনি রীদি-সুদোম ন-মানচ্ সালে যিবের্ চুনু মাঢাবো চামান কাবা ন-অয় অদচ রীদি-সুদোম পালন গরের্, তে কি আইন ন-মানিবাত্যে তরে দুষি ন-ধুরিবো?

রোমীয় 9:1

খ্রীষ্ট সমারে মিজেইনে মুই কঙত্তে, মনত্ দুঘে বুগ্ ভাঙের্ আর চিদোত্ পুদের্, আর এ কধাগান সত্য, মিজে নয়। মঅ বিবেগ্‌কান্অ পবিত্র আত্মা সমারে মিজেইনে সেই একই সাক্ষ্য দের্।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 5:11

প্রভুরে দোরেই বিলিনে আমি নিজো পৌইদ্যেনে মান্‌জ্য মনত্ বিশ্বেজ্ জোর্মেবার চেষ্টা গুরিই। আমি যেবাবোত্যে, সিয়েন দঅ গোজেন ইধু খুলোমেলা আর মুই আজা গরং তমা বিবেগ ইধুয়ো সিয়েন খুলোমেলা।

১ তীমথিয় 4:2

বিবেক বাজে ওই যেয়্যে এমন বেক্ মিজে মাদিয়্যে মানুচ্চুনোর ভন্ডামিত্যে এবাবোত্যে অবঅ।

তীত 1:15

যিগুনোর্ মনানি সিজি তারা ইধু বেক্কানি সিজি, মাত্তর্ যিগুনোর্ মনানি কুজুরো আর যিগুনে অবিশ্বেজি তারা ইধু কিচ্চু সিজি নয়; এন্‌ কি, তারার্ মনানি আর বিবেক্‌কান্‌অ কুজুরো‌।