রোমীয় 2:10 - Chakma Bible

¹⁰ মাত্তর্ যিগুনে গম্ কাম্ গরন্ সিগুনে বাঈনী, সর্মান আর সুগ্-শান্তি পেবাক্-পত্তমে যিহূদীগুনে, সে পরেদি অযিহূদীগুনে।

রোমীয় 2:10 Iomraidhean Croise

ইয়োব 22:21

“তুই গোজেনর কধালোই রাজি অ, তা বিরুদ্ধে শত্রু মনভাব ন-রাগেচ্; সালে তর্‌ মংগল্‌ অবঅ।

গীতসংহিতা 15:2

তেয়ই যগাজ্যে, যিবে গমেডালে জিংকানি কাদায়, গম কাম্ গরে, মনত্তুন্ সত্য কধা কয়,

গীতসংহিতা 29:11

লগেপ্রভু তা মানুচ্চুনোরে বল্ যুগেই দিবো; সুগ-শান্দি দান গুরিনে তে তারারে আশিদ্‌বাদ গুরিবো।

গীতসংহিতা 37:37

নিদ্দুযি মানুচ্চুনোর জিংকানিগানি ইন্দি চাহ্; সেই গম্ মানুচ্চুনো ইন্দি চাহ্। যিগুনে সুগ্-শান্দি গম্ পান তারার্ বংশগুন থেবাক্।

গম্ উপদেজ্ 11:18

পাজি মান্‌জ্যে যিয়েনি আয় গরন্ সিয়েনি মিজে, মাত্তর্ যে গোজেন ভোক্তির বীজ ফেলায় তে ঘেচ্চেক্‌‌গুরি তা খেত্-খেত্তিগানি কাবিবো।

গম্ উপদেজ্ 8:18

ধন আর সর্মান মত্তুন্ এজে, এজে উমর সোম্বোত্তি আর ভালেদি।

যিশাইয় 26:12

ও লগেপ্রভু, আমাত্তে তুই সুগ্-শান্দি থিদেবর্ গুরিবে; কিত্তে আমি যিয়েনি গুরি পাজ্যেই সিয়েনি বেক্কানি তুই আমাত্তে গোজ্যস্।

যিশাইয় 32:17

সততাগানর্ ফল অবঅ শান্তি, আর সিয়েনর্ কারনে জনমত্তে থিদেবর্ আর নিশ্চয়তাগান এবঅ।

যিশাইয় 48:18

তুমি যুনি বানা মঅ উগুমো উগুরে মনান্ দিদে সালে তমার শান্দি অদঅ গাঙ ধোক্ক্যেন আর তমা সততাগানি অদঅ সাগর তুবোল ধোক্ক্যেন।

যিশাইয় 48:22

লগেপ্রভু কোইয়্যেদে, “পাজিগুনোর কনঅ সুগ্-শান্দি নেই।”

যিশাইয় 55:12

তুমি হুজিয়ে বারেদি যেবা আর সুগে শান্দিয়্যে তমারে নেযা অবঅ। মুড়ো-মুড়িগুনে তঅ মুজুঙোত্ দাঙর্ দাঙর্ গুরি গান গেবাক্ আর মাদর্ বেক গাজ্-বাজ্‌চুনে আদ্‌তালি দিবাক্।

যিশাইয় 57:19

সেক্কে তারা কবাক্, ‘কায়কুরে আর দূরো বেক্কুনোর ভালেদি ওক্।’ মুই লগেপ্রভু কঙত্তে, মুই তারারে গম্ গুরিম।”

যিরমিয় 33:6

তো মুই ইয়েন্দোই স্বাস্থ্য আর সুস্থতা আনিম; মঅ মানুচ্চুনোরে মুই গম্ গুরিম আর সত্যর্ সুগ্-শান্দি অমকদগুরি পেবাত্তে দিম।

গণাণা 6:26

লগেপ্রভু তাঁর মুয়োন্‌ তইন্দি ফিরোক্‌ আর তরে সাজা দুয়োক্।

মথি লেখ্যে গম্ হবর্ 10:13

যুনি সে ঘরান্ যগাজ্যে অয় সালে তমার্ সুগ্-শান্দি সেই ঘর উগুরে লামি এজোক্। মাত্তর্ যুনি সে ঘরান্ যগাজ্যে ন-অয় সালে তমার সুগ্-শান্দি তমা ইধু ফিরি এজোক্।

লূকে লেখ্যে গম্ হবর্ 1:79

যাতে আন্ধারত্ আর মরণর্ ছাবাত্ যিগুনে বুয়োই আগন্ তারারে পহর্ দি পারে, আর শান্তির পদেধি আমারে চালেই পারে।”

লূকে লেখ্যে গম্ হবর্ 12:37

গিরোজে যে চাগরুনোরে জাগি থাগদে দেগিবো, সিগুনে বর্‌পেইয়্যে। মুই তমারে ঘেচ্চ্যেক্‌‌‌গুরি কঙর্, সেই গিরোজ্‌‌‌সো ফারত্ কাবর বেড়েইনে তারারে বোজেব আর এইনে নিজে তারারে খাবেব।

লূকে লেখ্যে গম্ হবর্ 19:42

তে কলঅ, “হায়, শান্তি পেবাত্যে যিয়েনি দরকার্, তুই, অয় তুই যুনি এচ্চ্যে সিয়েন্ বুঝি পাত্তে! মাত্তর্ ইক্কিনে সিয়েন তর্ চোগো আন্দালত্ রোইয়্যে।

লূকে লেখ্যে গম্ হবর্ 22:14

সে পরেদি সময়মজিম যীশু প্রচারগ্‌‍কুনো সমারে হেবাত্তে বুজিলো।

লূকে লেখ্যে গম্ হবর্ 9:48

সে পরেদি তে তারারে কলঅ, “যে কেঅ মঅ নাঙে এ চিগোন্ চিজিবোরে ভালেদি জানায় তে মরে ভালেদি জানায়। যে মরে ভালেদি জানায়, যিবে মরে পাধেয়্যে তে তারেয়ো ভালেদি জানায়। তমা ভিদিরে বেগত্তুন্ যে চিগোন্, তেয়ই দাঙর্।”

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

প্রেরিত্‌ 10:35

পত্তি জাদত্তুন্ যিগুনে তারে ভোক্তি গরন্ আর চোগেদি যিয়েনি থিক্ সিয়েনি গরন্ তে তারারে মানি লয়।

রোমীয় 14:17

গোজেন রেজ্যত্ হানা-দানা দাঙর্ কধা নয়; দাঙর্ কধা অলঅ, পবিত্র আত্মার্ মাধ্যমে গম্ পধেদি চলানা আর সেক্কে সুগ্-শান্দি, মন হুজি থায়।

রোমীয় 15:13

যিবে আজা দান গরে সেই গোজেনে তমা বিশ্বেজর্ মাধ্যমে অমকদ হুজিয়ে আর সুগে-শান্দিয়্যে তমারে ভর্‌পুনোং গোরোক্। সালে পবিত্র আত্মার্ খেমতালোই তমা মনানিত্ আজা পুড়েব।

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

রোমীয় 2:9

যিগুনে পাপ গুরিনে বেড়ান্ তারার্ পত্তিজনর্ দুঘ্-দুদ্দশা অবঅ-পত্তমে যিহূদীগুনোর্, সে পরেদি অযিহূদীগুনোর।

রোমীয় 5:1

বিশ্বেজর্ মাধ্যমে আমারে নিদ্দুজি বিলি মানি লুয়ো ওইয়্যে আর সিয়েনত্তে প্রভু যীশু খ্রীষ্টর্ মাধ্যমে গোজেন ইধু আর আমা ইধু শান্তি ওইয়্যে।

রোমীয় 8:6

পাপ-খাচ্চ্যদে যিয়েনি চায় সিয়েনি আয়োজি অনার্ ফল অলঅ মরণ্, আর পবিত্র আত্মা যিয়েনি চায় সিয়েনি আয়োজি অনার্ ফল অলঅ জিংকানি আর শান্তি।

রোমীয় 9:21

একই মাদিত্তুন কি কুমোরর্ নানান্ বাবোত্যে কদরা বানেই ন-পারে-কোনবো সর্মানর্ কামত্যে, কোনবো নিযো কামত্যে?

রোমীয় 9:23

আরঅ তে তার্ অশেষ্ মহিমার্ কধায়ো জানেবাত্তে চেইয়্যে। যিগুন তার্ দোয়্যের্ মানুচ্ তারারে তে তার্ মহিমা পেবাত্তে আগেবাগে যুক্কোল্ গুরি রাগেয়্যে।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

ফিলিপীয় 4:7

সিয়েনর কারনে, গোজেনর্ দিয়্যে যে শান্তির কধা মানুচ্ চিন্তে গুরিনেয়ো বুঝি ন-পারন, খ্রীষ্ট যীশুর্ মাধ্যমে সেই শান্তি তমা রিবেঙানিরে আর মনানিরে রোক্ষ্যে গুরিবো।

১ তীমথিয় 1:17

যিবে উমরর্ রাজা, যার কনঅ ক্ষয় নেই আর যিবেরে দেগা ন-যায়, উমরত্যে তেয়ই বানা গোজেনর্ সর্মান আর বাঈনী পোক্‌। আমেন।

ইব্রীয় 2:7

তুই মান্‌জ্যরে স্বর্গদূত্‌তুনোত্তুন্ সামান্য তলে গোজ্জ্যস্। রাজমুকুট ইজেবে তুই তারে দান গোজ্জ্যস্ বাঈনী পানা আর সর্মান,

যাকোব 2:22

তুই দঅ দেগত্তে যে, তার্ বিশ্বেজ্‌চান আর কামান সেক্কে এক সমারে কাম গোজ্জ্যে আর তার কামানে তার্ বিশ্বেজ্‌চানরে পূরোগান্ দান গোজ্জ্যে।

যাকোব 3:13

তমা ভিদিরে জ্ঞানী আর বুদ্ধিবলা কন্না? তে তার্ সৎ জিংকানিলোই জ্ঞানত্তুন্ নিগিলি এচ্চ্যে নম্রতাগান্দোই কাম দেগোক্।

১ পিতর 1:7

এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।

১ পিতর 5:4

সালে যেক্কে আজল্ গরগ্‌কো দেগা দিবো সেক্কে তুমি জিদেনার মালা ইজেবে তার মহিমার ভাগী অবা আর সিয়েন কনদিন্অ কুমি ন-যেবঅ।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।