রোমীয় 16:7 - Chakma Bible

⁷ তারা মঅ ধোক্ক্যেন যিহূদী আর মর্ সমারে তারায়ো জেলোত্ বন্দী এলাক্। প্রচারগ্‌কুনো ভিদিরে তারা ভারী সর্মানি মানুচ্। তারা মঅ আগেদি খ্রীষ্ট উগুরে বিশ্বেজ্ গোজ্জ্যন্।

রোমীয় 16:7 Iomraidhean Croise

যিশাইয় 45:17

মাত্তর্ গোজেনে ইস্রায়েলরে উমরত্তে উদ্ধোর্ গুরিবো; তুমি কনঅ কালত্ লাজত্ ন-পুরিবা বা অগমান ন-পেবা।

যিশাইয় 45:25

মঅ ভিদিরে ইস্রায়েলর বেক বংশগুন নিদ্দুযি বিলি প্রমান অবাক্ আর তারা মরে বাঈনী গুরিবাক্।”

যোহন 14:20

সেদিন্ন্যে তুমি জানিবা যে, মুই বাবা সমারে এগত্তর্ আঘং আর তুমি মঅ সমারে এগত্তর্ আঘঅ আর মুই তমা সমারে এগত্তর্ আঘং।

যোহন 15:2

মর্ যিদুক্কুন্ ডেলাত্ গুলো ন-ধরন্ সিগুন তে কাবি ফেলায়, আর যিদুক্কুন্ ডেলাত্ গুলো ধরন্ সিগুন তে ছাজিনে সাব্ গরে যেন আরঅ ভালোক্কুন্ গুলো ধুরি পারন্।

যোহন 6:56

যে মর্ য়েরাগান্ আর লো-গান্ খায় তে মঅ ভিদিরে থায় আর মুইয়ো তা ভিদিরে থাং।

রোমীয় 16:10

খ্রীষ্টর মানুচ্‌ ইজেবে তারে চাগি চাহ্ ওইয়্যে।

রোমীয় 16:11

হেরোদিয়োন, যিবে মঅ ধোক্ক্যেন্ যিহূদী, তারে ভালেদি জানেয়ো। নার্কিস ঘর ভিদিরে যিগুনে প্রভুর্ মানুচ্ তারারে ভালেদি জানেয়ো।

রোমীয় 16:21

মঅ সমারে যিবে কাম্ গরে সেই তীমথিয় তমারে ভালেদি জানার্; লুকিয়, যাসোন আর সোষিপাত্রয়ো তমারে ভালেদি জানার্। তারায়ো মঅ ধোক্ক্যেন্ যিহূদী জাদর্ মানুচ্।

রোমীয় 16:3

প্রিষ্কিল্লা আর আকিলারে মর্ ভালেদি জানেয়ো। তারা খ্রীষ্ট যীশু কামত্ মঅ সমারে দুঘ্ গোজ্জ্যন্।

রোমীয় 16:6

মরিয়ম, যিবে তমাত্যে বোউত্ কাম্ গোজ্জ্যে, তারে ভালেদি জানেয়ো। আন্দ্রনীক্ আর যূনিয়রে ভালেদি জানেয়ো।

রোমীয় 16:8

প্রভু সমারে মিজেয়্যে মর্ পরাণর্ দাংগু আম্‌প্লিয়াতরে ভালেদি জানেয়ো।

রোমীয় 16:9

উর্বাণ, যিবে আমা লগে খ্রীষ্টত্যে কাম্ গরে, তারে আর মর্ পরাণর্ দাংগু স্তাখিসরে ভালেদি জানেয়ো। আপিল্লিস্‌রে ভালেদি জানেয়ো।

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

রোমীয় 8:11

যে যীশুরে মরণত্তুন্ জেদা গোজ্জ্যে সেই গোজেনর্ আত্মাগান্ যুনি তমা মনত্ বজত্তি গরে, সালে গোজেনে তার্ সেই আত্মাগান্দোই তমা মরণর্ তলে কিয়্যেগানরেয়ো জিংকানি দান গুরিবো।

রোমীয় 9:3

মঅ ভেইয়ুনো বদলে, অত্তাৎ যিগুনে মঅ জাদর্ মানুচ্‌ তারার্ বদলে যুনি সম্ভব অদঅ সালে মুই নিজেই খ্রীষ্ট কায়-কুরেত্তুন দূর্ ওই যেবার্ অভিশাব্ মানি লোদুং।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

২ করিন্হীয় 11:23

তারা কি খ্রীষ্টর্ সেবাগুরিয়্যে? মুই আরঅ বেচ্‌ গুরি সেধোক্ক্যেন। মনত্ রাগেয়ো, মুই মাঢা-খারাব মান্‌জ্য ধোক্ক্যেন কধা কঙর্। খ্রীষ্টর্ সেবা গুরিবাত্যে যেইনে মুই তারাত্তুন্ বোউত্ বেশ্ কাম গোজ্জ্যং, আরঅ ভালোক্ বার জেল্ কাট্ট্যং, আরঅ ভালোক্ বার পিদে খেইয়োং, ভালোক্ বার মরণ মুয়োত্ পোজ্জ্যং।

২ করিন্হীয় 12:2

খ্রীষ্ট বিশ্বেজি এক্কো মান্‌জ্যরে মুই চিনোং। চৌদ্দ বজর্ আগে স্বর্গ সং তারে তুলি নেযা ওইয়্যে। সেক্কে তে তার্ কিয়্যেদি এলঅ কি ন-এলঅ সিয়েন মুই কোই ন-পারং, গোজেনে কোই পারে।

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

গালাতীয় 1:22

যিহূদিয়ার খ্রীষ্টীয় মন্ডলীগুনে মরে ন-চিনিদাক্।

গালাতীয় 2:2

গোজেনর্ আওজ্‌চান ফগদাং অনার্ পরেদি মুই সিধু গেলুং। যে গম হবরান্ মুই অযিহূদীগুনো ইধু প্রচার গুরি থাং সিয়েন কলুং। মন্ডলীর গণ্যমান্য মানুচ্চুনো ইধু সিয়েনি বেক্কানি ভিদিরে ভিদিরে কলুং, কিয়া মর্ দর্ লাগেত্তে, অয়ত মুই অনত্তক্ কাম গরঙর্ বা গোজ্জ্যং।

গালাতীয় 2:6

মন্ডলীর গণ্যমান্য মানুচ্চুনে গম হবর্ পৌইদ্যেনে নুয়ো কনঅ কিচ্চু মরে ন-জানান্। আসলে তারা যিয়েন অদাক্ সাৎ সিয়েনিলোই মুই কিচ্চু মনে ন-গরং।

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

গালাতীয় 6:15

চুনু মাঢা কাবানা বা ন-কাবানার্ কনঅ দাম নেই, খ্রীষ্টর্ মাধ্যমে নুয়ো সৃট্টি ওইনে উদোনা অলঅ দাঙর্ কধা।

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

কলসীয় 4:10

মঅ সমারে বন্দী ভেই আরিষ্টার্খ আর বার্ণবার কুদুম্মো মার্কয়ো তমারে পাত্তুরু তুরু জানার্। মার্কর পৌইদ্যেনে তুমি দঅ আগেদি উগুম পেয়ো, তে যুনি তমা ইধু এজে সালে তারে আদর্ গুরিনে মানি লোইয়ো।

ফিলীমন 1:23

ইপাফ্রা তরে ভালেদি জানার্; তে খ্রীষ্ট যীশুত্যে মঅ সমারে বন্দী আঘে।

১ যোহন 4:13

তা আত্মাগান তে আমারে দান গোজ্জ্যে, আর ইয়েন্দোই আমি কোই পারিই যে, আমি তা সমারে আঘিই আর তেয়ো আমা মনভিদিরে আঘে।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।

ফগদাং পেইয়্যে 1:9

মুই তমার ভেই যোহন; যীশু লগে মিজেইনে মুই তমা লগে একই দুঘ্, একই রেজ্য আর একই ধৈজ্জ্যর্ ভাগী ওইয়োং। গোজেনর্ কধানি আর যীশুর সাক্ষ্যগানি ফগদাং গোজ্জ্যং বিলিনে মরে পাট্‌ম দ্বীবোত্ নেযেইনে থুয়ো ওইয়্যে।