রোমীয় 16:5 - Chakma Bible

⁵ তারা ঘরত্ যিগুনে মন্ডলী ইজেবে এক সমারে এগত্তর্ অন্, তারারেয়ো ভালেদি জানেয়ো। এশিয়া রেজ্যত্ পত্তম্ যিবে খ্রীষ্টরে মানি লোইয়্যে মর্ সেই পরাণর্ দাংগু ইপেনিতরে ভালেদি জানেয়ো।

রোমীয় 16:5 Iomraidhean Croise

মথি লেখ্যে গম্ হবর্ 18:20

কিয়া যিয়েনত্ দুই বা তিনজন মঅ নাঙে এগত্তর্ অন্ সিয়েনত্ মুই তারা ভিদিরে থাং।”

প্রেরিত্‌ 16:6

পবিত্র আত্মাগানে পৌল আর তা সমাজ্যেগুনোরে এশিয়া রেজ্যত্ প্রচার গুরিবাত্তে ন-দিলো। সেক্কে তারা ফরুগিয়া আর গালাতিয়া রেজ্যর্ বেক্‌ জাগানিত্ গেলাক্।

প্রেরিত্‌ 18:12

গাল্লিয়ো যেক্কে আখায়া রেজ্যর্ শাসনগুরিয়্যে এলঅ সেক্কে যিহূদীগুনে বেক্কুনে মিলি পৌলরে ধুরিনে বিচেরত্যে কোদোত্ আনিলাক্।

প্রেরিত্‌ 18:27

যেরেদি আপল্লো যেক্কে আখায়াত্ যেবাত্তে চেলঅ সেক্কে ইফিষ বিশ্বেজি ভেইয়ুনে তারে উচ্চোমি তুলি দিলাক্। আখায়ার শিচ্চ্যগুনে যেন আপল্লোরে মানি লন্ ইয়েনত্তে ইফিষীয় ভেইয়ুনে আখায়াত্ চিধি লিগিলাক্। গোজেনর্ দোয়্যেই আখায়াত্ যিগুনে বিশ্বেজি ওইয়োন আপল্লো সিধু লুমিনে তারারে বল্ দিলো।

প্রেরিত্‌ 2:9

পার্থীয়, মাদীয়, এলমীয় মানুচ্‌ আর মেসোপতেমিয়াত্ বজত্তি গুরিয়্যে মানুচ্চুন, যিহূদীয়া আর কাপ্পাদকিয়া, পন্ত আর এশিয়া রেজ্যত্,

রোমীয় 11:16

মোইদ্যে তালত্তুন্ বানেয়্যে পত্তম্ রুটিগান যুনি পবিত্র অয় সালে দঅ গোদা তাল্লো পবিত্র। জলপাই গাজ্‌চোর্ গড়াগান্ যুনি পবিত্র অয় সালে তা ডেলাগুন্অ দঅ পবিত্র।

রোমীয় 15:26

কিয়া যিরূশালেমত্ গোজেন মানুচ্চুনো ইধু যিদুক্কুন্ নাঢা মানুচ্ আঘন্ তারাত্তে ম্যাসিডোনিয়া আর আখায়া মন্ডলীগুনোর মানুচ্চুনে কিজু টেঙা তুল্ল্যন্।

রোমীয় 16:12

ত্রুফেণা আর ত্রুফোষারে ভালেদি জানেয়ো। এ মিলেগুনে প্রভুত্যে কাম্ গরন্। পরাণর্ পর্ষিসরেয়ো ভালেদি জানেয়ো। এ মিলেবোয়ো প্রভুত্যে বোউত্ কাম্ গোজ্জ্যে।

রোমীয় 16:4

মঅ পরাণান্ রোক্ষ্যে গুরিবাত্তে যেইনে তারা নিজোরে মরণ মুয়োত ফেল্ল্যন্। বানা মুই নয়, মাত্তর্ বেক্‌ অযিহূদী মন্ডলীগুন্অ তারা ইধু কৃতজ্ঞ।

রোমীয় 16:6

মরিয়ম, যিবে তমাত্যে বোউত্ কাম্ গোজ্জ্যে, তারে ভালেদি জানেয়ো। আন্দ্রনীক্ আর যূনিয়রে ভালেদি জানেয়ো।

রোমীয় 16:8

প্রভু সমারে মিজেয়্যে মর্ পরাণর্ দাংগু আম্‌প্লিয়াতরে ভালেদি জানেয়ো।

১ করিন্হীয় 16:15

ভেইলগ্, তুমি দঅ কোই পারঅ, স্তিফানর্ পরিবার মানুচ্চুনে আখায়া রেজ্যর্ পত্তম বিশ্বেজি। গোজেন মানুচ্চুনোরে সেবা গুরিবাত্যে তারা নিজোরে উৎসর্ব গোজ্জ্যন্।

১ করিন্হীয় 16:19

এশিয়া রেজ্যর্ মন্ডলীগুনোর্ মানুচ্চুনে তমারে ভালেদি জানাদন্। আকিলা, প্রিষ্কিাল্লা আর তারার্ ঘরর্ মন্ডলী মানুচ্চুনে প্রভুর কোচ্‌পানার্ নাঙে তমারে মনত্তুন্ ভালেদি জানাদন্।

২ করিন্হীয় 1:1

মুই পৌল গোজেনর্ আওজে খ্রীষ্ট যীশুর এক্কো প্রচারক্ ওইয়োং। মুই আর আমা বিশ্বেজি ভেই তীমথিয় করিন্থ শঅরর্ গোজেন মন্ডলী আর আখায়া রেজ্যর্ গোজেনর্ বেক্‌ মানুচ্চুনো ইধু এ চিধিগান্ লেগঙর্।

২ করিন্হীয় 9:2

কিয়া এ কামানত্ তমার আয়োজর্ কধা মত্তুন্ জানা আঘে। মুই তমারে নিইনে ম্যাসিডোনিয়া মানুচ্চুনো ইধু ইয়েন কোইনে দেমাগ্ গরংগে, গেলদে বঝরত্তুন্ ধুরি আখায়ার্ মানুচ্চুনে, অত্তাৎ তুমি এ দানুনোত্যে যুক্কোল্ ওই আঘ। তমার্ এ আওজ্‌চান তারার্ বেচ্‌ ভাগ্ মান্‌জ্যরে জাগেই তুল্ল্যে।

কলসীয় 4:15

লায়দিকেয়ার বিশ্বেজি ভেইয়ুনোরে আর নুম্ফা আর তা ঘরত্ যে মানুচ্চুনে মন্ডলী ইজেবে এগত্তর অন্, তারারেয়ো পাত্তুরু তুরু জানেয়ো।

ফিলীমন 1:2

আমা বোন আপ্পিয়া ইধু, আমা লগে কামগুরিয়্যে আর্খিপ্পর ইধু আর তঅ ঘরত্ যিগুনে মন্ডলী ইজেবে এগত্তর্ অন্ তারা ইধু এ চিধিয়ান লেগঙর্।

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।

৩ যোহন 1:1

গোজেনর্ সত্যর্ কারনে মুই যিবেরে কোচ্‌পাং মর্ সেই পরাণর্ সমাজ্জ্যে গাইয় ইধু সেই বুড়ো নেতাবো মুই এ চিধিগান লেগঙর্।

ফগদাং পেইয়্যে 14:4

ইগুনে সেই মানুচ্চুন্, যিগুনে মিলেগুনো সমারে পর্‌‌পাগোল্যে ওইনে নিজোরে অসিজি ন-গরন্। যিয়েনত্ ভেড়া-ছবো যায় তারা তা পিজে পিজে যান্। গোজেন আর ভেড়া-ছবো ইধু পত্তম ফল ইজেবে উৎসর্ব গুরিবাত্যে মানুচ্চুনো ভিদিরেত্তুন্ তারারে কিনি নেযা ওইয়্যে।