রোমীয় 16:3 - Chakma Bible

³ প্রিষ্কিল্লা আর আকিলারে মর্ ভালেদি জানেয়ো। তারা খ্রীষ্ট যীশু কামত্ মঅ সমারে দুঘ্ গোজ্জ্যন্।

রোমীয় 16:3 Iomraidhean Croise

প্রেরিত্‌ 18:26

তে অমকদ সাহচ্‌ গুরিনে সমাজ-ঘরত্ কধা কুয়ো ধুরিলো। সেক্কে প্রিষ্কিল্লা আর আকিলা আপল্লোর কধা শুনিনে তারে তারা ঘরত্ বোলেলাক্ আর গোজেন পধ পৌইদ্যেনে আরঅ গমেডালে তারে বুঝেই দিলাক্।

রোমীয় 16:10

খ্রীষ্টর মানুচ্‌ ইজেবে তারে চাগি চাহ্ ওইয়্যে।

রোমীয় 16:4

মঅ পরাণান্ রোক্ষ্যে গুরিবাত্তে যেইনে তারা নিজোরে মরণ মুয়োত ফেল্ল্যন্। বানা মুই নয়, মাত্তর্ বেক্‌ অযিহূদী মন্ডলীগুন্অ তারা ইধু কৃতজ্ঞ।

রোমীয় 16:7

তারা মঅ ধোক্ক্যেন যিহূদী আর মর্ সমারে তারায়ো জেলোত্ বন্দী এলাক্। প্রচারগ্‌কুনো ভিদিরে তারা ভারী সর্মানি মানুচ্। তারা মঅ আগেদি খ্রীষ্ট উগুরে বিশ্বেজ্ গোজ্জ্যন্।

রোমীয় 16:9

উর্বাণ, যিবে আমা লগে খ্রীষ্টত্যে কাম্ গরে, তারে আর মর্ পরাণর্ দাংগু স্তাখিসরে ভালেদি জানেয়ো। আপিল্লিস্‌রে ভালেদি জানেয়ো।

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

রোমীয় 8:11

যে যীশুরে মরণত্তুন্ জেদা গোজ্জ্যে সেই গোজেনর্ আত্মাগান্ যুনি তমা মনত্ বজত্তি গরে, সালে গোজেনে তার্ সেই আত্মাগান্দোই তমা মরণর্ তলে কিয়্যেগানরেয়ো জিংকানি দান গুরিবো।

রোমীয় 8:2

জিংকানির্ গিরোজ্‌সো পবিত্র আত্মার্ সুদোমান্দোই খ্রীষ্ট যীশুর্ মাধ্যমে মরে পাপ আর মরণর্ সুদোমত্তুন্ উদ্ধোর্ গোজ্জ্যে।

১ করিন্হীয় 16:16

সেনত্যে এবাবোত্যে মানুচ্চুনোর্ অধীনতা স্বীগের্ গুরিবাত্যে মুই তমারে কোজোলী গরঙর্। আর অন্য যিগুনে এ কামত্ মিজেইনে দরমর গুরি কাম্ গরন তারার্‌অ অধীনতা স্বীগের্ গরঅ।

১ করিন্হীয় 16:19

এশিয়া রেজ্যর্ মন্ডলীগুনোর্ মানুচ্চুনে তমারে ভালেদি জানাদন্। আকিলা, প্রিষ্কিাল্লা আর তারার্ ঘরর্ মন্ডলী মানুচ্চুনে প্রভুর কোচ্‌পানার্ নাঙে তমারে মনত্তুন্ ভালেদি জানাদন্।

২ করিন্হীয় 12:2

খ্রীষ্ট বিশ্বেজি এক্কো মান্‌জ্যরে মুই চিনোং। চৌদ্দ বজর্ আগে স্বর্গ সং তারে তুলি নেযা ওইয়্যে। সেক্কে তে তার্ কিয়্যেদি এলঅ কি ন-এলঅ সিয়েন মুই কোই ন-পারং, গোজেনে কোই পারে।

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

গালাতীয় 1:22

যিহূদিয়ার খ্রীষ্টীয় মন্ডলীগুনে মরে ন-চিনিদাক্।

ফিলিপীয় 2:25

মুই ইপাফ্রদীতরে তমা ইধু পাধানা দরকার্ মনে গুরিলুং। তে মর্ বিশ্বেজি ভেই। আমি এক সমারে কাম গুরিই আর খ্রীষ্টত্যে যুদ্ধো গুরিই। সেবাগুরিয়্যে ইজেবে মর্ দর্‌কার কাদেবাত্যে তারে তুমি মঅ ইধু পাধেইয়ো।

কলসীয় 4:11

যিবেরে যুষ্ট বিলিনে ডাগা অয় সেই যীশুয়ো তমারে পাত্তুরু তুরু জানার্। যিহূদীগুনো ভিদিরেত্তুন্ বানা এ তিনজনে গোজেন রেজ্যত্যে মঅ লগে কাম গরন্। তারা মরে বোউত্ উচ্চোমি দুয়োন।

২ তীমথিয় 4:19

প্রিষ্কিল্লা আহ্ আকিলা আর অনীষিফর পরিবাররে মর্ ভালেদি জানেচ্।