রোমীয় 15:8 - Chakma Bible

^8-9 ইদোত্ রাগেচ্, গোজেন কধাগান যে সত্য সিয়েন ফগদাং গুরিবাত্তে খ্রীষ্ট যিহূদীগুনোর্ সেবাগুরিয়্যে ওইয়্যে। ইয়েনর্ উদ্দেশ্যগান্ এলঅ, পূরোণি মানুচ্চুনো ইধু গোজেনে যেদক্কানি এগেম্ গোজ্জ্যে সিয়েন যেন পুরোয় আর তার্ দোয়্যে-মেয়্যের্ কারনে অযিহূদীগুনে তারে বাঈনী গরন্। এ পৌইদ্যেনে পবিত্র বোইবোত্ লেগা আঘে, ইয়েনত্যে অন্য জাদ্‌তুনো ইধু মুই তর্ বাঈনী গুরিম আর তরে নাঙ্ গিনিম্।

রোমীয় 15:8 Iomraidhean Croise

গম্ উপদেজ্ 8:7

মুই সত্য কধা কোম্; বজং কধানি মইদু জঘন্য লাগে, সেনত্তে মুই সিয়েনি ন-কোম্।

মীখা 7:20

ভালোক্ দিন আগেদি তুই আমা পুরোণি মানুচ্চুনো ইধু যেবাবোত্যে শমক্ হেইয়োচ্ সেবাবোত্যেগুরি তুই অব্রাহাম আর যাকোব বংশগুনো ইধু বিশ্বেজি থেবে আর তর্ গভীন কোচ্‌পানা দেগেবে।

মথি লেখ্যে গম্ হবর্ 15:24

জোবত্ যীশু কলঅ, “মরে বানা ইস্রায়েল-গুট্টির আরেয়্যে ভেড়াগুনো ইধু পাধা ওইয়্যে।”

মথি লেখ্যে গম্ হবর্ 20:28

ইদোত্ রাগেয়ো, মান্‌জ্যপুয়োবো সেবা পেবাত্তে ন-এজে বরং সেবা গুরিবাত্তে এচ্চ্যে আর ভালোক্কুন্ মান্‌জ্যর্ উদ্ধোরর্ দাম্ ইজেবে তারা পরাণানির্ বদলে নিজো পরাণান্ দিবাত্তে এচ্চ্যে।”

যোহন 1:11

তে নিজো দেজত্ এলঅ, মাত্তর্ তা নিজো মানুচ্চুনে তারে মানি ন-ললাক্।

যোহন 10:16

আরঅ ভেড়া মইধু আঘন্ যিগুন এ ঘরানর্ নয়; সিগুনোরেয়ো মত্তুন্ আনা পুরিবো। তারা মঅ ডাগনিগান্ শুনিবাক্, আর সিয়েনত্ এক্কো ভেড়া পাল আহ্ এক্কো গরক্ অবঅ।

প্রেরিত্‌ 13:46

সেক্কে পৌল আর বার্ণবা সাহচ্ গুরিনে তারারে এ জোব্‌পান দিলাক্, “গোজেনর্ কধা পত্তমে তমা ইধু কনা আমার দরকার এলঅ, মাত্তর্ তুমি যেক্কে সিয়েন এলাফেলা গোজ্জ্য আর উমর্‌অ জিংকানি পেবার্ যগাজ্যে বিলি নিজোরে মনে ন-গরঅ সেক্কে অযিহূদীগুনো ইন্দি আমি ফিরির্,

রোমীয় 11:22

সেনত্তে গোজেনে যে কত্তমান্ দোয়্যেলু আর আগাত্ত্যে সিয়েন একবার্ ভাবি চাহ্। যিগুনে পড়ি যেইয়োন্ তারা উগুরে তে দরমর, মাত্তর্ তঅ উগুরে তে দোয়্যেলু-খালিক্ যুনি তুই তার্ দোয়্যে ভিদিরে থাচ্। সেধোক্ক্যেন্ ন-অলে তরেয়ো কাবি ফেলা অবঅ।

রোমীয় 11:30

যেধোক্ক্যেন্ তুমি এক সময়োত্ গোজেনর্ অবাধ্য এলা মাত্তর্ যিহূদীগুনোর্ অবাধ্যতার্ কারনে ইক্কিনে গোজেনর্ দোয়্যে পেইয়ো,

রোমীয় 3:26

তে যে নিদ্দুজি সিয়েন তে ইক্কিনে দেগেয়্যেদে যেন প্রমাণ অয় যে, তে নিজে নিদ্দুজি আর যে কেঅ যীশু উগুরে বিশ্বেজ্ গরে তারেয়ো তে নিদ্দুজি বিলি মানি লবঅ।

রোমীয় 3:3

খালিক্ তারাত্তুন্ কয়েক্কো মানুচ্‌ অবিশ্বেজি ওইয়োন্, মাত্তর্ সিয়েন্দোই কি অবঅ? তারা অবিশ্বেজি ওইয়োন্ বিলি কি গোজেনেয়ো অবিশ্বেজি অবঅ?

রোমীয় 4:16

সেনত্তে মান্‌জ্যর্ বিশ্বেজর্ মাধ্যমে এই এগেমান্ পূরোন্ গরা অয়, যেন ইয়েন গোজেনর্ দোয়্যের্ দান ওই পারে। আর সেনত্তে অব্রাহামর্ গুট্টিগুনোর বেক্কুনোত্তে এ এগেমান্ খামাক্কায় পূরোণ অবঅ। রীদি-সুদোমর্ অধীনো মানুচ্চুনোত্যে যে বানা এ এগেমান্ পূরোন অবঅ, সিয়েন নয়; যিদুক্কুন্ মানুচ্ অব্রাহাম ধোক্ক্যেন্ একই বিশ্বেজে বিশ্বেজি তারাত্যেয়ো খামাক্কায় এ এগেমান্ পূরোন অবঅ।

১ করিন্হীয় 1:12

মুই এ কধাগান্ কবার্ চাঙত্তে, তমা ভিদিরে কেঅ কন্দে, “মুই পৌল দলর্”; কেঅ কন্দে, “মুই আপল্লো দলর্”; কেঅ কন্দে, “মুই পিতর দলর্”; আরঅ কেঅ কন্দে, “মুই খ্রীষ্ট দলর্।”

১ করিন্হীয় 10:19

মর্ এ কধাগানত্ কি ইয়েনই বুঝো যায়, মূত্তি ইধু উৎসর্ব-গোজ্জ্যে হানা বিশেষ কিজু বা মূত্তি বিশেষ কিজু?

১ করিন্হীয় 10:29

মুই তমার্ বিবেগর্ কধা ন-কঙর্, অন্য মান্‌জ্যর বিবেগর্ কধা কঙর্। মাত্তর্ অন্য এক্কো মান্‌জ্যর বিবেগত্যে কিত্ত্যে মর্ স্বাধীনতাত্ আঢ দিয়্যে অবঅ?

১ করিন্হীয় 15:50

ভেইলগ্, মুই যিয়েন কঙর্ সিয়েন এই-মানুচ্‌ তার্ লুয়ো-য়েরা কিয়্যেলোই গোজেন রেজ্যর্ অধিকারী ওই ন-পারে। যিয়েন বর্‌বাদ ওই যেবঅ সিয়েন এমন কিজুর্ অধিকারি ওই ন-পারে যিয়েন বর্‌বাদ ন-অবঅ।

২ করিন্হীয় 1:20

তে নিত্য “অয়”। গোজেনর্ বেক্ এগেমানি খ্রীষ্টর্ মাধ্যমে “অয়” ওই উদে। সেনত্যে গোজেনর্ বাঈনী গুরিবাত্যে খ্রীষ্টর্ মাধ্যমে আমি “আমেন” কোই।

ইফিষীয় 2:12

মনত্ রাগেয়ো, আগে তুমি খ্রীষ্টত্তুন্ জুদো এলা; জাদ্ ইজেবে ইস্রায়েলীয়গুনোর যে অধিকার তুমি সে অধিকারর্ বারেদি এলা; গোজেনে ইস্রায়েল জাদত্যে যে কয়েক্কান এগেম্‌বলা বেবস্থা গোজ্জ্যে তা সমারে তমার্ কনঅ উদো লোলি ন-এলঅ; তমার্ কনঅ আজা ন-এলঅ; আর এ জগদত্ তুমি গোজেন নেইয়্যে এলা।