রোমীয় 15:6 - Chakma Bible

⁶ সালে তুমি মনেদি আর মুয়োদি এক ওইনে আমা প্রভু যীশু খ্রীষ্টর্ গোজেন আর বাবারে বাঈনী গুরি পারিবা।

রোমীয় 15:6 Iomraidhean Croise

সফনিয় 3:9

সে পরেদি মুই জাদ্‌‌‌‌‌তুনোর মুয়োনি সিজি গুরিম যেনে তারা বেক্কুনে মরে উবোসনা গুরি পারন আর কানায় কানায় মিলিনে মরে সেবা গুরি পারন।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

যোহন 20:17

যীশু মরিয়মরে কলঅ, “মরে ধুরি ন-রাগেচ্, কিয়া মুই এজঅ উগুরে বাবা ইধু ন-যাং। তুই বরং ভেইয়ুনো ইধু যেইনে কঅ, যিবে মর্ আর তমার্ বাপ্, যিবে মর্ আর তমার্ গোজেন, মুই উগুরে তা ইধু যাঙর্।”

প্রেরিত্‌ 4:24

এ কধাগান শুনিনে তারা বেক্কুনে মিলিনে এগামনে গোজেন ইধু তবনা গুরিনে কলাক্, ও প্রভু, তুই আগাজ্ পিত্‌থিমী, সাগর আর সিয়েনি ভিদিরে যিয়েনি যিয়েনি আঘে বেক্কানি বানেয়োচ্।

প্রেরিত্‌ 4:32

খ্রীষ্ট বিশ্বেজিগুন বেক্কুনে মনে-পরাণে এক্ এলাক্। কনঅ কিজু তারা নিজোর বিলিনে দাবি ন-গুরিদাক্ বরং বেক্কানি যার্ যার্ দরকার্ মজিম্ বেবহার গুরিদাক্।

২ করিন্হীয় 1:3

আমা প্রভু যীশু খ্রীষ্টর্ গোজেন আর বাবার্ বাঈনী ওক্‌। তেয়ই দোয়্যে-মেয়্যের্ বাব্; তেয়ই বেক্‌ সান্তনার্ গোজেন।

২ করিন্হীয় 11:31

আমা প্রভু যীশু খ্রীষ্টর্ গোজেন আর বাপ্, যিবে উমরত্যে বাঈনী পেবার্, তে কোই পারে মুই মিজে কধা ন-কঙর্।

ইফিষীয় 1:17

তবনা গুরিবার অক্তত্ মুই তমা কধা ভুলি ন-যাং। মুই তবনা গরং যেন আমার্ প্রভু যীশু খ্রীষ্টর্ গোজেন, অত্তাৎ সেই গৌরবময় বাবা তমারে আত্মিক জ্ঞান আর বুঝিবার খেমতা দান গরে, যাতে তুমি তারে আরঅ গমেডালে জানি পারঅ।

ইফিষীয় 1:3

আমা প্রভু যীশু খ্রীষ্টর্ বাপ্পো আর গোজেনর্ বাঈনী ওক্। আমি খ্রীষ্ট সমারে মিজেয়্যেই বিলি স্বর্গর্ পত্তি আত্মিক আশিদ্‌‌বাদ গোজেনে আমারে দান গোজ্জ্যে।

কলসীয় 1:3

খ্রীষ্ট যীশু উগুরে তমার বিশ্বেজ্ আর গোজেনর্ বেক্‌ মানুচ্চুনো উগুরে তমার্ কোচ্‌পানার কধা আমি শুন্ন্যেই, আর সেনত্যে যেদকবার্ আমি তমাত্যে তবনা গুরিই সেদকবার আমা প্রভু যীশু খ্রীষ্টর্ বাব্‌পো গোজেনরে আমি ভালেদি জানেই।

১ পিতর 1:3

আমা প্রভু যীশু খ্রীষ্টর্ গোজেন আর বাবার্ বাঈনী গরা ওক্‌। যীশু খ্রীষ্টরে মরণত্তুন্ জেদা গুরি তুলিনে গোজেনে তার্ দোয়্যেলোই আমারে নুয়ো জর্ম দান গোজ্জ্যে। সিয়েনর্ কারনে আমি এক্কান জদবদে আশ্বাস পেইয়্যেই,

ফগদাং পেইয়্যে 1:6

তে আমারে নিইনে এক্কান রেজ্য বানেয়্যে আর তার বাব আর গোজেনর্ সেবাত্যে ধর্মগুরু বানেয়্যে। উমরত্যে যীশু খ্রীষ্টর নাঙে বাঈনী ওক্‌ আর উমরত্যে তা খেমতাগান থোক্। আমেন।