রোমীয় 15:5 - Chakma Bible

⁵ খ্রীষ্ট যীশু সমারে চলিবার্ পধত্ ধৈজ্জ্য আর উচ্চোমি দিয়্যে গোজেনে তমারে বেক্কুনোর্ মনানি এক গোরোক্।

রোমীয় 15:5 Iomraidhean Croise

২ বংশধর 30:12

গোজেন আঢ্‌তান যিহূদার মানুচ্চুনো উগুরেয়ো এলঅ, সেনত্তে লগেপ্রভুর কধা মজিম্‌ রাজা আর তার্‌ কামগুরিয়্যেগুনোর উগুম্‌ পালেবাত্তে তে তারার্‌ মনান্‌ এক গুরিলো।

গীতসংহিতা 86:5

ও প্রভু, তুই মংগলময় আর খেমাগুরিয়্যে; যিগুনে তরে ডাগন্ তারা উগুরে তুই কোচ্‌পানালোই ভরা।

যাত্রা 34:6

তে মোশি মুজুঙেন্দি এ কধাগান্‌ ফগদাঙ্‌ গুরি গুরি গেলঅ‌, “লগেপ্রভু, লগেপ্রভু, তে মেয়্যেলোই ভরা আর দোয়্যের্‌ গোজেন। তে সহজে বেজার্‌ ন-অয়। তার্‌ অমকদ কোচ্‌পানা আর বিশ্বেজর্‌ দুযি নেই।

যিরমিয় 32:39

মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

যিহিষ্কেল 11:19

মুই তারারে এমন মন দিম্ যিয়েন বানা মইন্দি আসক্ত থেবঅ, আর মুই তারা ভিদিরে নূয়ো আত্মা দিম; মুই তারার্ চিৎনপুজ্যে মনান্ সোরেইনে নরম মনানি দিম।

প্রেরিত্‌ 4:32

খ্রীষ্ট বিশ্বেজিগুন বেক্কুনে মনে-পরাণে এক্ এলাক্। কনঅ কিজু তারা নিজোর বিলিনে দাবি ন-গুরিদাক্ বরং বেক্কানি যার্ যার্ দরকার্ মজিম্ বেবহার গুরিদাক্।

রোমীয় 12:16

তমার্ একজন উগুরে অন্যর্ মনভাব্ যেন এক্কুই অয়। দাঙর্ মান্‌জ্যর্ ভাব্ ন-দেগেইনে বরং যিগুনে দাঙর্ মানুচ্‌ নয় তারা সমারে মিজেয়ো। নিজোরে জ্ঞানী মনে ন-গোজ্য।

রোমীয় 15:13

যিবে আজা দান গরে সেই গোজেনে তমা বিশ্বেজর্ মাধ্যমে অমকদ হুজিয়ে আর সুগে-শান্দিয়্যে তমারে ভর্‌পুনোং গোরোক্। সালে পবিত্র আত্মার্ খেমতালোই তমা মনানিত্ আজা পুড়েব।

রোমীয় 15:3

খ্রীষ্টয়ো নিজোরে হুজি ন-গরে। পবিত্র বোইবোত্ লেগা আঘে, “যিগুনে তরে অগমান্ গরন্ সিগুনোর্ গোজ্জ্যে বেগ্ অগমানানি মঅ উগুরে পোজ্জ্যে।”

১ করিন্হীয় 1:10

ভেইলগ্, আমা প্রভু যীশু খ্রীষ্টর্ ওইনে মুই তমারে বিশেজ্ গুরিনে কোজোলি গরঙর্, তুমি বেক্কুনে এক্ অ। তমা ভিদিরে কনঅ দলাদুলি ন-থোক্, মাত্তর্ তুমি একমন আর এককধার মানুচ্ অ।

২ করিন্হীয় 13:11

ভেইলগ্, এবেরা বিদেয়। তুমি তমার বেক্কানি ঠিগ্ গুরিনে খাটি অ। মঅ কধানি মনযোগ্ দুয়ো, তমার এক্কুই মনভাব ওক্‌, আর তুমি সুগে-শান্দিয়্যে থাগঅ। সালে কোচ্‌পেইয়্যে আর শান্তির্ গোজেনে তমা লগে থেবঅ।

২ করিন্হীয় 7:6

মাত্তর্ গোজেনে, যিবে দুঘি মানুচ্চুনোরে সান্তনা দে, তে তীতে এজানার্ মাধ্যমে আমারে সান্তনা দে।

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

ফিলিপীয় 1:27

বেগত্তুন্ দাঙর্ কধাগান অলঅ, তুমি এন্‌ গুরিনে তমার জিংকানিগান কাদঅ যিয়েন খ্রীষ্ট পৌইদ্যেনে গম হবরর্ যগাজ্জ্যে। সালে মুই নিজে এইনে তমারে দেগংগি বা দূরোত্তুন্ তমা কধা শুনোং, মুই হবর্ পেম্‌‌বে, তুমি মনে-পরাণে এক ওইনে থির্ গুরিনে থিয়্যেই আঘঅ আর যে বিশ্বেজ্‌‌চান গম্ হবরর্ মাধ্যমে এজে সিয়েনত্যে এক সমারে কাম গরর্।

ফিলিপীয় 2:2

সেক্কে তুমি এবাবোত্যেগুরি মর্ হুজীগান পূরেই দুয়ো-তমার বেক্কুনোর্ মনানি এক ওক্‌, তুমি একজন আরেকজনরে কোচ্‌পঅ আর মনে-পরাণে এক অ।

ফিলিপীয় 3:16

যিয়েন ওক্‌, আমি যেবাবোত্যে অবস্থানত্ লুম্মেয়ি সেই মজিম চলানা উচিত।

ফিলিপীয় 4:2

উবদিয়া আর সুন্তখী, মুই তমারে বিশেষ গুরিনে এ কোজোলিগান গরঙর্-প্রভুর্ লগে মিজেইয়ো বিলিনে তমা মনানি যেন এক অয়।

১ পিতর 3:20

ভালোক্ দিন আগে নোহর সেই জাহাজ্‌চান বানেবার সময়োত্ গোজেনে যেক্কে ধৈয্য ধুরিনে বাজ্জেই রোইয়্যে সেক্কে যিগুনে অবাধ্য ওইয়োন এ আত্মাগুন তারার্। সেই জাহাজত্ উদিনে বানা কয়েক্‌জন, অত্তাৎ বানা আস্‌টোজন সেই পানিগানত্তুন্ বাচ্চ্যন্।

১ পিতর 3:8

শেজদি কং, তমার বেক্কুনো মনানি যেন একবাবোত্যে অয়। তুমি একজন আরেকজনর্ দুঘে দুঘ্ পঅ, ভেইয়ো ধোক্ক্যেন কোচ্‌‌পানার মনভাব রাগঅ আর দোয়্যেলু আহ্ চিদে অ।

২ পিতর 3:15

মনত্ রাগেয়ো, মান্‌জ্যরে পাপত্তুন্ উদ্ধোর্ পেবার সুযোগ দিবাত্যে আমা প্রভু ধৈজ্জ্য ধুরি আঘে। এই একই কধা আমার পরাণর্ ভেই পৌল-অ গোজেনর্ দিয়্যে জ্ঞানে তমা ইধু লেখ্যে।

২ পিতর 3:9

কনঅ কনঅ মান্‌জ্যে মনে গরন্ প্রভু তার্ এগেমান্ পূরোণ গত্তে দেরি গরের্, মাত্তর্ সিয়েন নয়। আজলে তে তমা উগুরে ধৈজ্জ্য ধরের্, কিয়া কেঅ যে ভস্ত ওই যায় তে সিয়েন ন-চায়, বরং বেক্কুনে যেন পাপত্তুন্ মনানি ফিরান ইয়েনই তে চায়।