রোমীয় 15:18 - Chakma Bible

^18-19 খ্রীষ্ট মঅ মাধ্যমে যিয়েনি গোজ্জ্যে সিয়েনির বারেদি কনঅ কধা কবার্ সাহস মুই ন-গুরিম। তে মর্ কধা আর কামর্ মাধ্যমে, আমক্ অবার্ কাম আহ্ চিহ্নো কামর্ মাধ্যমে আর পবিত্র আত্মার খেমতালোই অযিহূদীগুনোরে গোজেনর্ বাধ্য গোজ্জ্যে। সিয়েনর্ কারনে মুই যিরূশালেমত্তুন্ আরাম্ভ গুরিনে ইল্লুরিকা সং বেক্ জাগানিত্ খ্রীষ্ট পৌইদ্যেনে গম্ হবর্ পুরোপুরি গুরিনে প্রচার গোজ্জ্যং।

রোমীয় 15:18 Iomraidhean Croise

গম্ উপদেজ্ 25:14

যে মানুচ্চো দান গুরিবার পৌইদ্যেনে দাঙর্ দাঙর্ কধা কয় অদচ্ সিয়েন ন-গরে, তে এমন্ হুয়ো আর বোইয়্যের ধোক্ক্যেন যিয়েন সমারে কনঅ ঝড় ন-এজে।

মথি লেখ্যে গম্ হবর্ 25:16

যে পাচ্ আজার্ দীনার্ পেলঅ তে সিগুন্দোই বেবসা গুরিনে আরঅ পাচ্ আজার্ দীনার্ লাভ্ গুরিলো।

মার্ক 16:20

পরেদি শিচ্চ্যগুনে যেইনে বেক্ জাগাইধু ফগদাং গরা ধুরিলাক্। প্রভু তারার্ মাধ্যমে তারা সমারে কাম্ গরা ধুরিলো আর তারারে আমক্ কাম্ গুরিবার খেমতা দিইনে প্রমান্ গুরিলো যে, তারা যিয়েনি ফগদাং গত্তন্ সিয়েনি সত্য।

প্রেরিত্‌ 14:27

আন্তিয়খিয়াত্ লুমিনে মন্ডলীর বেক্কুনোরে তারা এক জাগাত্ থুবেলাক্ আর গোজেনে তারা মাধ্যমে যিয়েনি গোজ্জ্যে সিয়েনি বেক্কানি কলাক্। গোজেনে কেধোক্ক্যেন্ গুরি অযিহূদীগুনোরে সুযোগ গুরি দিয়্যে যাতে তারা খ্রীষ্ট উগুরে বিশ্বেজ্ গুরি পারন্ সিয়েনিয়ো কলাক্।

প্রেরিত্‌ 15:12

সেক্কে তেম্মাঙত্ বেক্কুনে জুরো ওই গেলাক্ আর পৌল আহ্ বার্ণবার মাধ্যমে গোজেনে অযিহূদীগুনো ভিদিরে যেদক্কানি আমক্ কাম্ গোজ্যে সিয়েনি তারা মুয়োদি শুনো ধুরিলাক্।

প্রেরিত্‌ 15:4

যেক্কে পৌল আর বার্ণবা যিরূশালেমত্ এলাক্ সেক্কে মন্ডলীর মানুচ্চুনে, নেতাগুনে আর প্রচারক্কুনে আওজ্ গুরিনে তারারে মানি ললাক্। তারারে দিইনে গোজেনে যিয়েনি গোজ্জ্যে সিয়েনি বেক্কানি তারা বেক্কুনোরে কলাক্।

প্রেরিত্‌ 21:19

পৌলে তারারে ভালেদি জানেল আর তা প্রচারর্ মাধ্যমে গোজেনে কিবাবোত্যেগুরি অযিহূদীগুনো ইধু কাম্ গোজ্যে সিয়েনি এক্কান্ এক্কান্ গুরি কলঅ।

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

রোমীয় 1:5

তার্ মাধ্যমে তা নাঙানত্তে আমি দোয়্যে আর প্রচারক-পদ পেইয়্যেই, যেন বেক্‌ জাদঅ ভিদিরেত্তুন্ মান্‌জ্যে বিশ্বেজ্ গুরিনে গোজেনর্ বাধ্য ওই পারন্।

রোমীয় 16:26

মাত্তর্ ইক্কিনে গম্ হবরানর্ মাধ্যমে সিয়েন ফগদাং ওইয়্যে আর সেবাবোত্যেগুরি মুই প্রচার গরঙর্। উমর গোজেনর্ উগুম মজিম ভাববাদীগুনোর্ লেঘার্ মাধ্যমে বেক্ জাদর্ মানুচ্চুনো ইধু সিয়েন জানা ওইয়্যে, যেন তারা খ্রীষ্ট উগুরে বিশ্বেজ্ গুরিনে গোজেনর্ বাধ্য ওই পারন্।

রোমীয় 6:17

মাত্তর্ গোজেনর্ ভালেদি ওক্‌, কিয়া যুনিয়ো তুমি পাপর্ চাগর্ এলা তো যে শিক্ষ্যেগান্ তমারে দিয়্যে ওইয়্যে বেক্ মনান্দোই তুমি তার্ বাধ্য ওইয়ো।

২ করিন্হীয় 11:31

আমা প্রভু যীশু খ্রীষ্টর্ গোজেন আর বাপ্, যিবে উমরত্যে বাঈনী পেবার্, তে কোই পারে মুই মিজে কধা ন-কঙর্।

২ করিন্হীয় 12:6

খালিক্ যুনি মুই দেমাগ্ গুরিবাত্যে চাং সালে বেদমা কাম্ ন-গুরিম, কিয়া মুই সত্য কধা কোম্। তো মুই দেমাগ্ ন-গুরিম, কিয়া মর্ কামানি দেগিনে বা মঅ কধানি শুনিনে মান্‌জ্যে মরে যিয়েন মনে গরন্ সিয়েনত্তুন্ বেশ্ যেন কেঅ মরে মনে ন-গরন্।

২ করিন্হীয় 3:5

মাত্তর্ সিয়েনর্ অত্তগান ইয়েন নয় যে, আমার্ নিজোত্তুন্ কনঅ কিজু গুরিবার্ খেমতা আঘে বিলিনে আমি দাবী গুরি পারিই, বরং আমার সেই যোগ্যতাগান্ গোজেনত্তুন্ এজে।

২ করিন্হীয় 6:1

গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

গালাতীয় 2:8

তারা ইয়েন দেগিলাক্, কিয়া যিহূদীগুনো ইধু পিতরর্ প্রচারক-কামর পিজেদি যিবে এলঅ সেই গোজেনে অযিহূদীগুনো ইধু মর্ প্রচারক-কামর পিজেদিয়ো এলঅ।

কলসীয় 3:17

তুমি যিয়েনি কঅ বা গুরিদা সাৎ সিয়েনি প্রভু যীশুর্ নাঙে গরঅ আর সিয়েনির মাধ্যমে বাবা গোজেনরে ভালেদি জানঅ।

ইব্রীয় 11:8

গোজেনে যেক্কে অব্রাহামরে ডাক্ক্যে সেক্কে বিশ্বেজত্যে তে গোজেনর্ কধার্ বাধ্য ওইয়্যে আর সোম্বোত্তি ইজেবে যে জাগায়ান তার্ পেবার্ কধা এলঅ সেই জাগানত্ তে যেয়্যে। যুনিয়ো সেক্কে বুঝি ন-পারে তে কুধু যার্ তো তে লদ্ দিয়্যে।

ইব্রীয় 5:9

এবাবোত্যে গুরি যেক্কে তে পূর্ণতাগান পেলঅ সেক্কে তার্ বাধ্যতাগান বেক্কুনোত্যে তে উমরর্ উদ্ধোরর্ পথ অলঅ।

যাকোব 1:22

বানা গোজেন কধানি শুনিলে ন-চলিবো, সেবাবোত্যে গুরি কাম্‌অ গরা পরিবো। যুনি তুমি বানা গোজেনর্ কধানি শুনো মাত্তর্ সে ধগে কাম্ ন-গরঅ সালে তুমি নিজোরে থগর্।

১ যোহন 3:18

পুয়ো-ছা লগ্, আমি যেন বানা মুয়োর্ কোচ্‌পানা ন-দেগেইনে কামানিলোই ঘেচ্চ্যেকগুরি কোচ্‌পানা দেগেই।

যিহূদা 1:9

আজল্ স্বর্গদূত্ মীখায়েলে যেক্কে মোশির কিয়্যেগান্দোই শদান সমারে তর্ক গরের্ সেক্কে তে তার্ বিরুদ্ধে কনঅ অগমানর্ কধা কোইনে তারে দুষি গুরিবাত্যে সাহচ্‌ ন-গরে। তে বরং কোইয়্যেদে, “প্রভু যেন তরে মানা গরে।”