রোমীয় 14:8 - Chakma Bible

⁸ আমি যুনি বাঁজিই সালে প্রভুত্যে বাঁজি থেই, আর যুনি মুরিই সালে প্রভুত্যে মুরিই। সালে আমি বাঁজিই কি মুরিই আমি প্রভুর্।

রোমীয় 14:8 Iomraidhean Croise

লূকে লেখ্যে গম্ হবর্ 20:38

মাত্তর্ গোজেনে দঅ মরাগুনোর্ গোজেন নয়, তে জেদাগুনোর্ গোজেন। তা আজায় বেক্কুনে বাঁজি থান্।

যোহন 21:19

গোজেনর্ মহিমাগান্ ফগদাং গুরিবাত্তে পিতরে কেধোক্ক্যেন্ গুরি মুরিবো সিয়েন্ বুঝেবাত্তে যেইনে যীশু এ কধাগান্ কলঅ। এ কধাগান্ কনার্ পরেদি যীশু পিতররে কলঅ, “মঅ লগে আয়।”

প্রেরিত্‌ 13:36

“দাযূদে সেক্কে মানুচ্চুনো ভিদিরে গোজেনর্ উদ্দেশ্যগান পূরেবার পরেদি মুরি গেলঅ। তা পূরোণি মানুচ্চুনো সমারে তারে গোর্ দিয়্যে অলে পরেদি তা কিয়্যেগান বর্‌‌বাদ ওই গেলঅ।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

১ করিন্হীয় 15:23

মাত্তর্ সিয়েন ভিদিরে পালা আঘে-পত্তম ফল ধোক্ক্যেন পত্তমে খ্রীষ্ট, সে পরেদি যিগুনে খ্রীষ্টর্ নিজোর্। খ্রীষ্ট এবার্ অক্তত্ তারারে জেদা গরা অবঅ।

ফিলিপীয় 1:20

মর্ থির্ বিশ্বেজ্ আঘেদে, মুই কনঅ কিজুত্ লাজ্ ন-পেম বরং মত্তুন্ যদেষ্ট সাহচ্‌ থেবঅ, যেনে আগে যেধোক্ক্যেন মর্ মাধ্যমে খ্রীষ্টর্ বাঈনী ফগদাং অদঅ সেধোক্ক্যেন ইক্কিনিয়ো অবঅ-সিয়েন মুই বাজং কি মরং;

ফিলিপীয় 2:17

যে বিশ্বেজর্ উৎসর্বলোই তুমি গোজেনর্ সেবা গরর্ সিয়েন উগুরে যুনি মঅ লোগান উৎসর্ব ইজেবে ঢালি দিয়্যে অয় তো মুই সুগী আর তমা লগে হুজী।

ফিলিপীয় 2:30

খ্রীষ্টর্ কামত্যে তে মরণর্ মুয়ো-মি ওইয়্যে। তুমি আঝির্ ন-থানার্ কারনে মত্যে যিয়েন গুরি ন-পারঅ সিয়েন গুরিবাত্যে তে তার্ পরাণান দিবাত্যেয়ো রাজি এলঅ।

১ থিষলনীকীয় 5:10

খ্রীষ্ট আমাত্যে মোজ্জ্যে, যাতে আমি বাঁজিই বা মুরিই, আমি যেন তা সমারে জেদা থেই পারিই।

ফগদাং পেইয়্যে 14:13

সে পরেদি মুই একজনরে স্বর্গত্তুন্ কধে শুনিলুং, “এ কধাগান লেগ-ইক্কেত্তুন্ ধুরি যিগুনে প্রভু সমারে মিজেইনে মুরিবাক্ তারা বর্‌পেইয়্যে।” পবিত্র আত্মাগানে এ কধাগান কত্তে, “অয় তারা বর্‌পেইয়্যে। তারার্ কামত্তুন্ তারা জিরেন পেবাক্, কিয়া তারার্ কামর ফল তারা সমারে থেবঅ।”