রোমীয় 14:4 - Chakma Bible

⁴ তুই কন্না, যে অন্য চাগরর্ বিচের গরচ্? তে থিয়্যেই আঘে, না পড়ি যেইয়্যে, সিয়েন তা গিরোজ্‌সো বুঝিবো। মাত্তর্ তে থিয়্যেই থেবঅ, কিয়া গোজেনে তারে থিয়্যেই রাগেই পারে।

রোমীয় 14:4 Iomraidhean Croise

গীতসংহিতা 17:5

তঅ পধেদি মুই মঅ টেঙান্ থির্ রাগেয়োং; সিয়োত্তুন মঅ টেঙান্ এক্কেনায়ো ন-লরে।

গীতসংহিতা 37:17

পাজিগুনোর আঢ্‌তানি ভাঙি যেবঅ, মাত্তর্ লগেপ্রভু গোজেন ভক্তগুনোরে ধুরি রাগেব।

গীতসংহিতা 37:24

পড়ি গেলেয়ো তারা পড়ি ন-থেবাক্, কিত্যে লগেপ্রভুর আঢ্‌‌তানিয়ে তারারে ধুরি রাগেয়্যে।

গীতসংহিতা 37:28

লগেপ্রভু ন্যায়বিচের গমপায়; তা ভক্তগুনোরে তে ছাড়ি ন-যায়। জিংকানিবর্ তারারে রোক্ষ্যে গরা অবঅ, মাত্তর্ শদানর বংশধরুনোরে ভস্ত গরা অবঅ।

যিশাইয় 40:29

তে বল্‌‌‌পোজ্যেগুনোরে বল্ দে আর বল্ নেইয়্যেগুনোরে বল্ বাড়েই দে।

প্রেরিত্‌ 11:17

সালে প্রভু যীশু খ্রীষ্ট উগুরে বিশ্বেজ্ গরানার পরেদি গোজেনে আমারে যে দান দিয়্যে সেই একই দান যেক্কে তে তারারেয়ো দিলো সেক্কে মুই কন্না যে, গোজেনরে মানা গুরি পারং?”

রোমীয় 11:23

আর যুনি তারা অবিশ্বেজত্তুন্ ফিরোন্ সালে তারার্ নিজো গাজ সমারে আরঅ জড়া দিয়্যে অবঅ, কিয়া এই জড়া দেনার্ কামান্ গোজেনে গুরি পারে।

রোমীয় 14:3

চোইদ্দ্যে হেইয়্যেবো যেন শাক্-পাত্ হেইয়্যেবোরে ঈচ্ ন-গরে আর শাক্-পাত্ হেইয়্যেবো যেন চোইদ্দ্যে হেইয়্যেবোরে দুষ্ ন-ধরে, কিয়া গোজেনে দঅ সেই দ্বিজনরে আপন গুরি লোইয়্যে।

রোমীয় 16:25

যীশু খ্রীষ্ট পৌইদ্যেনে যে গম্ হবরান্ মুই প্রচার গরং সেই গম্ হবরান ভিদিরেদি তমারে থির্ গুরি রাগেবার খেমতা গোজেনর্ আঘে। ভালোক্ যুগ্ ধুরিনে গোজেনে তার্ গুমুরো উদ্দেচ্চ্যগান পৌইদ্যেনে কাররে ন-কয়,

রোমীয় 9:20

সিয়েনর্ জোবত্ মুই কোম্‌বে, তুই মানুচ্‌; গোজেনর্ কধানি উগুরে কধা কবার্ তুই কন্না? কনঅ মান্‌জ্যে যুনি এক্কান্ জিনিচ্‌ বানায় সালে সেই বানেইয়্যে জিনিচ্চানে কি তারে পুযোর্ গুরি পারে, “কিত্ত্যে মরে এবাবোত্যে বানেলে?”

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।