রোমীয় 13:8 - Chakma Bible

⁸ অন্য ইধু এক কোচ্‌পানার কজ্জ বাদে আর অন্য কনঅ কজ্জ যেন তমার্ ন-থায়। যিগুনে অন্যরে কোচ্‌পান সিগুনে মোশির রীদি-সুদোম মানি চলদন্।

রোমীয় 13:8 Iomraidhean Croise

মথি লেখ্যে গম্ হবর্ 7:12

তুমি অন্য মানুচ্চুনোত্তুন্ যেবাবোত্যে বেবহার পেবাত্তে চঅ তুমিয়ো তারা লগে সেবাবোত্যে বেবহার গরঅ। ইয়েনই অলঅ মোশির সুদোম আর ভাববাদীগুনোর শিক্ষ্যের্ আজল্ কধা।

যোহন 13:34

এক্কান্ নুয়ো উগুম্ মুই তমারে দোঙর্-তুমি একজন আরেকজনরে কোচ্‌পেইয়ো। মুই যেধোক্ক্যেন্ তমারে কোচ্‌পেইয়োং সেধোক্ক্যেন্ তুমিয়ো একজন আরেকজনরে কোচ্‌পেইয়ো।

রোমীয় 13:10

কোচ্‌পেলে কেঅ কাররে ক্ষতি ন-গরে। সালে দেগা যাত্তে, কোচ্‌পানার্ মাধ্যমে বেক্ আইন-কানুনানি পালা অয়।

রোমীয় 13:7

যার্ যিয়েন পাওনা তারে সিয়েন দে। যে খাজানা তুলে তারে খাজানা দে; যে সরকারি কর্ তুলে তারে সরকারি কর্ দে; যারে শ্রদ্ধা গরানা উচিত্ তারে শ্রদ্ধা গরঅ; যারে সর্মান গরানা উচিত্ তারে সর্মান গরঅ।

গালাতীয় 5:14

কিয়া বেক্‌ রীতি-সুদোমানি মিলিনে এক কধায় কুয়ো ওইয়্যে, “তর্ পাড়াল্ল্যেগুনোরে নিজো ধোক্ক্যেন কোচ্‌পেবে।”

কলসীয় 3:14

আর ইয়েনি উগুরে কোচ্‌পানালোই নিজোরে সাজঅ। কোচ্‌‌পানাগানে সেই বেক্ গুণানিরে একলগে বানিনে পেলাং পেলাং গুরি দান গরে।

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

যাকোব 2:8

পবিত্র বোইবোত্ লেগা আঘে, “তঅ পাড়াল্ল্যেগুনোরে নিজো ধোক্ক্যেন কোচ্‌পেবে।” তুমি যুনি সত্য গুরিনে খ্রীষ্ট রেজ্যর্ এ সুদোমান মানি চলঅ সালে গম গরর্।

১ যোহন 3:10

যিগুনে ন্যায় কামত্ নিজোরে ন-রাগান আর ভেইয়োরে কোচ্‌ ন-পান্, সিগুনে গোজেনর্ নয়। ইয়েন্দোই ফগদাং পায়, কন্না গোজেনর্ পুয়ো আর কন্না বা শদানর্ পুয়ো।