রোমীয় 13:4 - Chakma Bible

⁴ তমা ভালেদিত্যে তে গোজেনর্ সেবাগুরিয়্যে ইজেবে কাম্ গরে। তুমি যুনি অন্যেয় গরঅ সালে দোরেয়ো, কিয়া অন্যেয় গুরিয়্যেগুনোরে সাজা দিবার্ অধিকার্ তার্ আঘে। তে দঅ গোজেনর্ সেবাগুরিয়্যে; যিগুনে অন্যেয় কাম্ গরন্ তারারে তে গোজেনর্ ওইনে সাজা দে।

রোমীয় 13:4 Iomraidhean Croise

১ রাজাবলী 10:9

তর্‌ গোজেন লগেপ্রভুর বাঈনী ওক্‌, যিবে তঅ উগুরে হুজি ওইনে তরে ইস্রায়েলর সিংহাসনত্‌ বোজেয়্যে। ইস্রায়েলীয়গুনোরে তে জিংকানিবর্‌ কোচ্‌পায় বিলিনে তে দোল্‌বিচের্‌ আর ন্যায় রোক্ষ্যে গুরিবাত্তে তরে রাজা বানেয়্যে।”

২ বংশধর 19:6

তে বিচেরগ্‌কুনোরে কলঅ, “তুমি উজিয়ার্‌ ওইনে বেক্‌ কামানি গুরিবা, কিত্তে তুমি কনঅ মান্‌জ্যত্তে নয় বরং লগেপ্রভুত্তে বিচের্‌ গুরিবা। বিচেরর্‌ রায় দিবার্‌ অক্তত্‌ তে তমা লগে থেবঅ।

গম্ উপদেজ্ 16:14

রাজার রাগ্‌কান মরণ দূতো ধোক্ক্যেন্, মাত্তর্ জ্ঞানী মান্‌‌জ্যে সে রাগ্‌‌কান থামেই দুয়োন।

গম্ উপদেজ্ 20:2

রাজার রাগ্‌কান সিংহ গুজুরোনি ধোক্ক্যেন্; তারে যে রাগ্ তুলি দে তে নিজো পরানানরে দজাত্ ফেলায়।

গম্ উপদেজ্ 20:26

চাপ্ দিইনে যেধোক্ক্যেন্ শোজ্য মাড়া অয়, সেধোক্ক্যেন জ্ঞানীবলা রাজা তা খেমতাগান বেবহার গুরিনে পাজিগুনোরে দূর্ গুরি দে।

গম্ উপদেজ্ 20:8

রাজাবো যেক্কে বিচের্ গুরিবাত্তে সিংহাসনত্ বজে সেক্কে চোগো ইজিরেলোই তে বেক্ পাজি কামানিরে দূর্ গুরি দে।

যিশাইয় 1:17

তুমি গম্ কাম গুরিবাত্তে শিগো, দোল্ বিচের গরঅ, অত্যেচার্ গুরিয়্যেগুনোরে ঠিগ্ গরঅ, মা-বাপ নেইয়্যেগুনোর্ তপ্পেদি থাগঅ, রানি মিলেগুনোর মগদ্দমাগানি উদো লঅ।”

যিরমিয় 5:28

তারা পক্তা মক্তা আর তেল্‌তেল্যে ওইয়োন। তারার ভান্ন্যেই কামানির ধুঝি নেই; মা-বাপ্ নেইয়্যেগুনে যেনে ন্যায়বিচের পান সেনত্তে তারা তারার তপ্পে ন-থিয়্যেন আর তারা নাঢা মানুচ্চুনোর অধিকারান্‌অ রোক্ষ্যে ন-গরন।

যিহিষ্কেল 22:27

হোক্ক্যে বাঘে যেবাবোত্যেগুরি শিগের্ গরন সেবাবোত্যেগুরি সিদুগোর্ রাজার চাগরুনে লো ঝরান্ আর অন্যেয় গুরি পেবাত্তে মানুচ্ খুন গরন্।

যিহিষ্কেল 25:14

মুই মঅ মানুচ্ ইস্রায়েলর আঢ্‌‌‌‌‌‌তোই ইদোম উগুরে হেনা সুজিম্ আর তারা মর্ অমকদ বেজারে আহ্ রাগে ইদোম বিরুদ্ধে কাম গুরিবাক্। সেক্কে তারা হবর্ পেবাক্, মুই হেনা সুজ্‌‌‌‌‌‌চ্যং।”

মীখা 3:9

ও যাকোবর বংশর নেতাগুন, ইস্রায়েলর বংশর শাজন্‌গুরিয়্যেগুন, শুনো। তুমি দঅ ন্যায়বিচের্ তুচ্ছো গোজ্য আর যিয়েন উজু সিয়েন বেক্কানি বেঙা গুরি তুল্য।

রোমীয় 12:19

কোচ্‌পেইয়্যে ভেইয়ুন, তুমি নিজে হেনা ন-শুজিবা, বরং গোজেনরে সাজা দিবাত্তে দুয়ো। পবিত্র বোইবোত্ প্রভু কয়, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।”

রোমীয় 13:6

আর সেনত্তে দঅ তুমি খাজানা দি থাগঅ, কিয়া খাজানা তুলিয়্যেগুনে তারার্ কামানিলোই গোজেনরে সেবা গত্তন্।

১ থিষলনীকীয় 4:6

এ পৌইদ্যেনে অন্যেয় গুরিনে কেঅ যেন কনঅ ভেইয়োরে ন-থগান্। আমি আগে তমারে কোইয়্যেই আর উজিয়ার্ গুরি দিয়্যেই, এ বেক্‌ অন্যেয়ানিত্যে প্রভুই সাজা দিবো,

যিহোশূয় 20:5

লো-র্‌ হেনা যিবেত্তুন্‌ সুজিবার্‌ কধা তে যুনি তা পিজেন্দি লোড়েইনে এজে সালে খুনোত্‌ পোজ্যে মানুচ্চোরে তারা তা আঢত্ ইরি ন-দিবাক্‌, কিত্যে সে মানুচ্চোরে মারে ফেলানার পিজেদি আগেত্তুন্‌ ধুরি তা মনত্‌ কনঅ‌ আওজ্ বা ইংসে ন-এলঅ‌।

যিহোশূয় 20:9

কনঅ‌ ইস্রায়েলীয় বা তারা ভিদিরে বজত্তি গোজ্যে অন্য কনঅ‌ জাদঅ‌ মানুচ্‌ যুনি কাররে আদিক্কেনগুরি মারে ফেলায় সালে তে এ ঠিগ্ গোজ্যে শঅরানিত্‌ কনঅ‌ এক্কানত্‌ ধেই যেই পারিবো। লো-র্‌ হেনা যিবের্‌ সুজিবার্‌ কধা বিচের-সভাত্‌ খুনোত্‌ পোজ্যে মানুচ্চোর বিচের্‌ ন-অনা সং তে তারে মারে ফেলেই ন-পারিবো।

১ পিতর 2:14

অন্যেয় গুরিয়্যে গুনোরে সাজা দিবাত্যে আর যিগুনে গম কাম গরন্ তারারে নাঙ্ গিনিবাত্যে সম্রাটে যে শাসনগুরিয়্যে গুনোরে পাদায় তারার্ অধীনোত্অ থাগঅ।