রোমীয় 13:3 - Chakma Bible

³ যিগুনে গম্ কাম্ গরন্ শাসনগুরিয়্যেগুনোরে দোরেবার কনঅ কারন তারার্ ন-থায়, মাত্তর্ যিগুনে অন্যেয় গরন্ তারা দরান্। শাসন গুরিয়্যেগুনোরে ন-দোরেইনে কি তুমি চলিবাত্তে চঅ? সালে যিয়েন গম্ সিয়েন গুরি থাগঅ। সেক্কে তুমি তাত্তুন্ বাঈনী পেবা।

রোমীয় 13:3 Iomraidhean Croise

গম্ উপদেজ্ 14:35

যে মানুচ্চো বুদ্ধি গুরিনে কাম গরে রাজা তারে গমেডালে চায়, মাত্তর্ যে মানুচ্চো লাজ্ গরেপারা কাম গরে তে তার রাগী মানুচ্ অয়।

গম্ উপদেজ্ 20:2

রাজার রাগ্‌কান সিংহ গুজুরোনি ধোক্ক্যেন্; তারে যে রাগ্ তুলি দে তে নিজো পরানানরে দজাত্ ফেলায়।

রোমীয় 13:2

ইয়েনত্যে শাসনগুরিয়্যেবোর্ বিরুদ্ধে যে থিয়্যেই তে গোজেনর্ শাসন-বেবস্থার্ বিরুদ্ধে থিয়্যেই। যিগুনে এবাবোত্যে গরন্ তারা নিজো উগুরে সাজা ডাগি আনন্।

রোমীয় 13:4

তমা ভালেদিত্যে তে গোজেনর্ সেবাগুরিয়্যে ইজেবে কাম্ গরে। তুমি যুনি অন্যেয় গরঅ সালে দোরেয়ো, কিয়া অন্যেয় গুরিয়্যেগুনোরে সাজা দিবার্ অধিকার্ তার্ আঘে। তে দঅ গোজেনর্ সেবাগুরিয়্যে; যিগুনে অন্যেয় কাম্ গরন্ তারারে তে গোজেনর্ ওইনে সাজা দে।

দ্বি’লম্বর বিররণ 25:1

যুনি মানুচ্চুনো ভিদিরে কোল্-কোজ্যে দেগা যায় আর সিয়েন আদালদত্‌ নেযা অয় সালে বিচারক্কুনে তার্‌ বিচের গুরিনে নিদ্দুজীবোরে নিদ্দুজী আর দুজীবোরে দুজী বিলিনে রায় দিবাক।