রোমীয় 13:1 - Chakma Bible

¹ বেক্কুনে দেজর্ শাসনগুরিয়্যেগুনোরে মানি চোলোদোক্, কিয়া গোজেনে যারে শাসনগুরিয়্যে বানায় তে বাদে আর কনজনে শাসনগুরিয়্যে ওই ন-পারন্। গোজেনে শাসনগুরিয়্যেগুনোরে বেঈ লয়;

রোমীয় 13:1 Iomraidhean Croise

গীতসংহিতা 62:11

বেক্ বলান গোজেনর আঢত্- এ কধাগান তে ভালোক্‌বার কোইয়্যে, আর মুইয়ো সিয়েন ভালোক্‌বার শুন্যং।

গম্ উপদেজ্ 24:21

মঅ পুয়োবো, লগেপ্রভু আর রাজারে ভোক্তি গর্, আর উল্লোমি গুনো সমারে ন-মিজেয়ো;

দানিয়েল 2:21

তেয়ই সময় আর ঋতু তা অধীনোত্ রাগায়; তে রাজাগুনোরে সিংহাসনত্ বজায় আর লামেই দে। তে জ্ঞানীগুনোরে জ্ঞান দান গরে আর বুদ্ধিমানুনোরে বুদ্ধি দান গরে।

দানিয়েল 4:17

যে রায়য়ান দিয়্যে অলঅ সিয়েন চুগিদারুনে, অত্তাৎ পবিত্র দূত্‌‌‌‌‌‌তুনে ফগদাং গত্তন্, যেনে জেদা মানুচ্চুনে হবর্ পান যে, মান্‌জ্য রেজ্যনি উগুরে দাঙর্ গোজেনে সদ্দারি গরে আর তে যিবেরে হুজি তারে রেজ্য দান গরে আর মান্‌‌‌‌‌‌‌জ্য ভিদিরে বেগত্তুন্ যে তলে তারে তে উগুরে বজায়‌‌‌‌।

দানিয়েল 4:32

তরে মান্‌‌জ্য কায় কুরেত্তুন্ ধাবেই দিয়্যে অবঅ আর তুই য়েমানুনো সমারে বজত্তি গুরিবে; গোরু ধোক্ক্যেন তুই ঘাস হেবে। যেদক্ বিলোন সং তুই মানি ন ‌‌নেযেবে, দাঙর্ গোজেনে মান্‌জ্য রেজ্যগানি উগুরে কাবিদ্যঙ্‌‌গিরি গরে আর সেই বেক্ রেজ্যগানি যিবেরে আওজ্ তারে দে সেদক্ বিলোন সং সাত বজর্ যেবঅ।”

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

যোহন 19:11

যীশু জোব্ দিলো, “উগুরেত্তুন্ তরে খেমতা দিয়্যে ন-অলে মঅ উগুরে তর্ কনঅ খেমতা ন-থেদঅ। সেনত্তে যে মরে তমা আদত্ দিয়্যে তা পাপ্পান্ বেশ্।”

প্রেরিত্‌ 2:41

যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

রোমীয় 12:21

ভান্ন্যেয় ইধু উদিই ন-যেচ্, বরং গমান্দোই ভান্ন্যেয়ানরে জিদি লবে।

রোমীয় 13:2

ইয়েনত্যে শাসনগুরিয়্যেবোর্ বিরুদ্ধে যে থিয়্যেই তে গোজেনর্ শাসন-বেবস্থার্ বিরুদ্ধে থিয়্যেই। যিগুনে এবাবোত্যে গরন্ তারা নিজো উগুরে সাজা ডাগি আনন্।

ইফিষীয় 5:21

খ্রীষ্ট উগুরে ভোক্তির্ কারনে তুমি একজন আরেকজনরে মানি লনার্ মনভাব্‌‌‍পোই চলঅ।

দ্বি’লম্বর বিররণ 17:12

যুনি কনঅ মান্‌জ্যে বাড়্ গরানার্ কারনে সেই বিচেরক্কোর কধানি বা তমা গোজেন লগেপ্রভুর সেবাগুরিয়্যে সেই ধর্মগুরুবোর কধানি শুনিবাত্তে রাজী ন অন্‌ সালে তারে হামাক্কায় মারে ফেলা পুরিবো। তুমি ইস্রায়েলীয়গুনো ভিদিরেত্তুন্‌ এ ধোক্ক্যেন ভান্ন্যেইয়ানি শেজ্ গুরি ফেলেবা।

১ তীমথিয় 2:2

এবাবোত্যেগুরি রাজাগুনোত্যে আর যিগুনো আঢত্ খেমতা আঘে তারার্ বেক্কুনোত্যে তবনা গরা পড়িবো, যেনে গোজেন উগুরে ভোক্তি দেগেইনে আর গমেডালে চলিনে আমি থির্ আর সুগে-শান্দিয়্যে জিংকানি কাদে পারিই।

তীত 3:1

গোজেনর্ মানুচ্চুনোরে মনত্ তুলি দে যেন তারা শাসনগুরিয়্যে আর যিগুনোর্ আঢত্ খেমতা আঘে তারার্ অধিনোত্ থান, বাধ্য অন্ আর মানুচ্চুনোরে যে কনঅ উপকার গুরিবাত্যে যুক্কোল্ থান্।

যিহূদা 1:8

তো এই ফক্কর্ মাষ্টরুনে সেধোক্ক্যেন গুরিনে ভান্ন্যেই স্ববন্দোই নিজোর কিয়্যেগানরে অসিজি গোজ্জ্যন, স্বর্গদূদ্‌তুনোর্‌ শাসন এলাফেলা গোজ্জ্যন আর সেই বাঈনী গরা হেইয়্যে মানুচ্চুনো বিরুদ্ধে অগমানর্ কধা কোইয়োন।

ফগদাং পেইয়্যে 17:14

ইগুনে ভেড়া-ছবোর্ বিরুদ্ধে যুদ্ধো গুরিবাক্ আর ভেড়া-ছবো তারারে ওদেই দিবো; কিয়া তে প্রভুগুনোর প্রভু আর রাজাগুনোর রাজা। যিগুনোরে ডাগা ওইয়্যে আর বেঈ লুয়ো ওইয়্যে আর যিগুনে বিশ্বেজি তারা তা সমারে থেবাক্।”

ফগদাং পেইয়্যে 19:16

তার্ পোজাগত্ আর দামানাত্ এ নাঙান্ লেগা আঘে, “রাজাগুনোর রাজা, প্রভুগুনোর প্রভু।”

১ শমূয়েল 2:8

তে নাদামান্‌জ্যরে ধুল্যেত্তুন তুলে, আর অভাবীরে তুলে ছেইয়োর কুরোত্তুন্। দাঙর্‌ পোজিশন মান্‌জ্যর্ লগে তে তারারে ববাত্তে দে, আর সর্মানর সিংহাসন দে; কিত্যে পিত্‌থিমীর খুদো বেক্কুন লগেপ্রভুরই, তে সিগুনো উগুরে দুনিয়েগানরে থিদেবর্ গোজ্যে।