রোমীয় 12:9 - Chakma Bible

⁹ কোচ্‌পানা ভিদিরে ভন্ডামি ন-থোক্। যিয়েন ভান্ন্যেই সিয়েন ঈচ্ গরঅ; যিয়েন গম্ সিয়েন দরমর গুরি ধুরি রাগঅ।

রোমীয় 12:9 Iomraidhean Croise

গীতসংহিতা 101:3

মুই বজঙ্ কনঅ কিজু মঅ চোগো মুজুঙোত্ ন-রাগেবে। বজঙ্ পধেদি যেয়্যে মানুচ্চুনোর কামানি মর্ চোগোছাল্; সিয়েনিয়ে মরে আক্‌সো রাগেই ন-পারিবো।

গীতসংহিতা 119:104

তর্ সুদোমানিত্তুন্ মুই বিচেরবুদ্ধি পাং, সেনত্তে মুই বেক্ মিজে পধেন্দি যানাগান ঘিনাং।

গীতসংহিতা 119:163

মিজেগানরে মুই ঘিনাং, জঘন্য মনে গরং, মাত্তর্ তঅ উগুমানি মুই গম পাং।

গীতসংহিতা 34:14

ভান্ন্যেই কামত্তুন্ দূরোত্ থাগ, গম্ কাম গরঅ; শান্তিত্তে আওজি অ আর তার্ পিজেদিগান্ ন-ছাজ্য।

গীতসংহিতা 36:4

বিচ্চোনত্ পুরিনেয়ো তারা বজং বুদ্ধি গরন্; তারা অন্যেয় পধেদি নিজোরে ছাড়ি দুয়োন্ আর ভান্ন্যেইয়ানি কোচ্‌পান্।

গীতসংহিতা 45:7

তুই ন্যায়ানরে কোচ্‌‌পাচ আর অন্যেয়রে ঘিনেচ্; সেনত্তে গোজেন, তর্ গোজেন, তর্ সমাজ্যেগুনোত্তুন্ বোউত্ হুজির্ তেল ধোক্ক্যেন্ গুরি তঅ উগুরে ঢালি দিয়্যে।

গীতসংহিতা 55:21

তার মুয়ো কধানি মাখনত্তুন বেশ্ নরম, মাত্তর্ তা মনানত্ রোইয়্যেদে যুদ্ধো; তা কধানি কিয়্যেত্ গুল্যে তেলত্তুন বেশ্ আরামর, মাত্তর্ সিয়েনি যেন থৈল্যেত্তুন টানি নিগিল্যেয়ে তলোয়ার।

গীতসংহিতা 97:10

যিগুনে লগেপ্রভুরে কোচ্‌পান তারা অন্যেয়ানরে ঘিনাদোক্; তেয়ই দঅ তা ভক্তগুনোর্ পরাণানি রোক্ক্যে গরে আর পাজিগুনোর আঢত্তুন্ তারারে উদ্ধোর্ গরে।

গম্ উপদেজ্ 26:25

তা কধাগান মিদে অলেয়ো বিশ্বেজ্ ন-গুরিচ্, কিত্তে তা মন ভিদিরে আগেদে সাত্‌তান ঈচ্ গরেদে জিনিস।

গম্ উপদেজ্ 8:13

লগেপ্রভুরে ভোক্তি গুরিনে দরানা মানে পাজি কামানিরে ঘিনেনা; বার্‌বো গরানা, বার্‌বো কধা, বজং বেবহার আর বেঙা টেরা কধানি মুই ঘিনেং।

যিহিষ্কেল 33:31

মঅ মানুচ্চুনে অভ্যেস্ মজিম তইধু এজন্ আর তঅ কধানি শুনিবাত্তে তঅ মুজুঙোত্ বজন্, মাত্তর্ তারা সিয়েনি কামত্ ন-লাগান। মুয়োদি তারা কোচ্‌‌‌‌‌পানার কধা কন মাত্তর্ তারার মনত্ লুভ্‌‌‌‌‌পান থায়। ‌‌‌‌‌

আমোষ 5:15

ভান্ন্যেয়ানরে ঈচ্ গরঅ, গমানরে কোচ্‌পঅ; শঅর গেদোত্ ন্যায়বিচের্ রোক্ষ্যে গরঅ। অয়ত ইস্রয়েলর বাঁজি থেইয়্যে মানুচ্চুনো উগুরে বেগত্তুন্ খেমতাবলা গোজেন লগেপ্রভু দোয়্যে গুরিবো।

মথি লেখ্যে গম্ হবর্ 26:49

সেনত্তে যিহূদা সোজা যীশু ইধু যেইনে কলঅ, “মাষ্টরবাবু, তর্ শান্তি ওক্।” আর তে তারে চুমিলো।

যোহন 12:6

যিহূদা যে নাঢা মানুচ্চুনো পৌইদ্যেনে চিন্তে গুরিনে এ কধাগান্ কোইয়্যে সিয়েন্ নয়। আসলে তে এলদে চুর্। টেঙা বাক্সুবো তাইধু থেদঅ বিলি যিগুন্ থুয়ো অদঅ সিগুনোত্তুন্ চুর্ গুরিদো।

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

২ করিন্হীয় 6:6

ইয়েনিবাদে আমার্ গম্ জিংকানিগানিলোই, আমার্ জ্ঞান, সোজ্জ্যগুণ আর দোয়্যেলোই, পবিত্র আত্মালোই, আমার দোল্ কোচ্‌পানালোই,

২ করিন্হীয় 8:8

এ কধাগান যে মুই উগুম্ ইজেবে কঙর্ সিয়েন নয়, মাত্তর্ অন্যগুনোর্ আয়োজর্ কধা তমারে জানেইনে মুই পোরোক্ষ্যে গুরিবার চাং তমার্ কোচ্‌পানাগান্ কত্তমান্ খাটি।

১ থিষলনীকীয় 2:3

আমা উপদেচ্‌‌চানি ভুল শিক্ষ্যেত্তুন্ নয়, ভান্ন্যেই উদ্দেচ্চ্যত্তুন্অ নয়, বা আমি ছলনা গুরিনেয়ো কনঅ কধা ন-কোর্;

১ থিষলনীকীয় 5:15

চেইয়ো, অন্যেয়র্ বদলে কেঅ যেন অন্যেয় ন-গরন্। তুমি নিত্য একজন আরেকজনরে, এমন কি, অন্য বেক্কুনোর্ ভালেদি গুরিবার চেষ্টা গরঅ।

১ থিষলনীকীয় 5:21

যিয়েন গম সিয়েন ধুরি রাগেয়ো,

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

ইব্রীয় 1:9

তুই ন্যায়ানরে কোচ্‌পেইয়োচ অার অন্যেয়ানরে ঈচ্ গরচ্; সেনত্যে গোজেন, তর্ গোজেন, তঅ সমাজ্জ্যেগুনোত্তুন্ বোউত্ বেশ্ হুজি তেল ধোক্ক্যেন গুরি তঅ উগুরে ঢালি দিয়্যে।”

ইব্রীয় 12:14

বেক্‌ মানুচ্চুনো সমারে সুগে-শান্দিয়্যে থাগদে আর পবিত্র অবাত্যে আয়োজি অ।

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

১ পিতর 4:8

আর বেগত্তুন্ দাঙর্ কধাগান অলঅ, তুমি একজন আরেকজনরে যদবদে কোচ্‌পেইয়ো, কিয়া কোচ্‌পানাগানে ভালক্কানি পাপরে ঢাগি রাগায়।