রোমীয় 12:7 - Chakma Bible

⁷ যুনি সিয়েন সেবা গুরিবার্ খেমতা অয় সালে তে সেবা গোরোক্। যে শিক্ষ্যে দিবার্ খেমতা পেইয়্যে তে শিক্ষ্যে দোক্;

রোমীয় 12:7 Iomraidhean Croise

গীতসংহিতা 34:11

পুয়ো-ছাগুন্, এজঅ, মঅ কধানি শুনো, মুই তমারে শিগেম্ কেধোক্ক্যেন্ গুরি লগেপ্রভুরে ভোক্তি গরা পরে।

গীতসংহিতা 51:13

সালে মুই তর্ পথ্‌তান পৌইদ্যেনে উল্লোমিগুনোরে শিক্ষ্যে দি পারিম, আর পাপিগুনে ঘুরিনে তন্দি ফিরিবাক্।

উপদেশক 12:9

উপদেশকে নিজে জ্ঞানী এলঅ আর তে মানুচ্চুনোরেয়ো জ্ঞান পৌইদ্যেনে শিক্ষ্যে দিদো। তে ভাবি ভাবাই আর পোরোক্ষ্যে গুরিনে বোউত্ দাঘ কধানি সাজেয়্যে।

যিশাইয় 21:8

সেক্কে সেই চুগিদার্‌বো রঅ ছাড়িনে কবঅ, “ও মর্ প্রভু, দিনকে দিন অজল্ চুগিদার-ঘরত্ মুই থিয়্যেই থাং; মুই পত্তি রেদোত্ মর্ চুগি দেদে জাগানত্ থাং।

মথি লেখ্যে গম্ হবর্ 28:19

ইয়েনত্তে তুমি যেইনে বেক্ জাদ মানুচ্চুনোরে মর্ শিচ্চ্য বানঅ। বাব্‌‌‌পো, পুয়োবো আর পবিত্র আত্মার্ নাঙে তারারে বাপ্তিস্ম দুয়ো।

যোহন 3:2

একদিন রেদোত্ তে যীশু ইধু এইনে কলঅ, “মাষ্টরবাবু, মুই হবর্ পাং তুই এক্কো মাষ্টর্ ইজেবে গোজেনত্তুন্ এচ্চ্যস্, কিয়া তুই যেদক্কানি আমক্ অবার্ কাম্ গোজ্যস্, গোজেনে সমারে ন-থেলে কেঅ সিয়েনি গুরি ন-পারে।”

প্রেরিত্‌ 13:1

আন্তিয়খিয়া মন্ডলীত্ কয়েক্কো ভাববাদী আর মাষ্টর্ এলাক্। তারার্ নাঙানি বার্ণবা, নীগের নাঙে পরিচিত শিমোন, কুরীণী শঅরর্ লুকিয়, শাসনগুরিয়্যে হেরোদ সমারে লালন্-পালন্ গোজ্যে মনহেম আর শৌল।

প্রেরিত্‌ 20:20

তমার যাতে এজাল্ অয় এমন কনঅ কিজু মুই তমা ইধু ন-কোইনে জুরো গুরি ন-থাং, বরং বারেদি খুলোমেলাগুরি আর তমা ঘরে ঘরে শিক্ষ্যে দুয়োং আর প্রচার গোজ্জ্যং।

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

প্রেরিত্‌ 6:1

সে অক্তত্ শিচ্চ্যগুন বাড়দন্। সেক্কে শিচ্চ্যগুনো ভিদিরে যে যিহূদীগুনে গ্রীক ভাষায় কধা কদাক্ তারা ইব্রীয় ভাষায় কধা কোইয়্যে যিহূদীগুনোরে ইয়েন কোইনে দুচ্‌ দিয়্যে ধুরিলাক্, পত্তিদিন হানা দিবার সময়োত্ তারার্ রানী মিলেগুনে কিচ্চু ন-পান্।

১ করিন্হীয় 12:28

গোজেনে মন্ডলীত্ পত্তম প্রচারক, দ্বি-লম্বরত ভাববাদী; তিন-লম্বরত্ মাষ্টর্ ইজেবে নেযেয়্যে। সে পরেদি এই বেক্ মানুচ্চুনোরে নেযা ওইয়্যে-যিগুনে আমক্ কাম গুরিবার খেমতা পেইয়োন, যিগুনে পীড়ে গম্ গুরিবার খেমতা পেইয়োন, যিগুনে সাহায্য গুরিবার খেমতা পেইয়োন, যিগুনে পরিচালনা গুরিবার খেমতা পেইয়োন, আর যিগুনে নানান্ ভাষা কবার খেমতা পেইয়োন। বেক্কুনে কি প্রচারক্?

১ করিন্হীয় 12:5

আমি নানান্ উপায়ে একই প্রভুর্ সেবা গুরিই।

১ করিন্হীয় 14:26

ভেইলগ্, সালে কি কোম্? তুমি যেক্কে মন্ডলীত্ এক জাগাত্ এগত্তর্ অ সেক্কে তমাত্তুন্ কেঅ নাঙ্-গিনিবার্ গীদ্ গরে, কেঅ শিক্ষ্যে দে, কেঅ গোজেনর্ সত্য ফগদাং গরে, কেঅ অন্য ভাষায় কধা কয়, আরঅ কেঅ সিয়েনর্ অত্তগান বুঝেই দে। যে যিয়েন গত্ত সাৎ বেক্কানি যেন মন্ডলীরে গড়েই তুলিবাত্যে গরা অয়।

গালাতীয় 6:6

যিবেরে গোজেনর্ কধা শিক্ষ্যে দিয়্যে অয় তে যেন তা মাষ্টরবোরে তার্ বেক্‌ গম জিনিস্‌চানির্ ভাগ্ দে।

ইফিষীয় 4:11

তে কুদুক্কুন মান্‌জ্যরে দূত, কুদুক্কুন মান্‌জ্যরে ভাববাদী, কুদুক্কুন মান্‌জ্যরে গম হবর্ প্রচার গুরিয়্যে আর কুদুক্কুন মান্‌জ্যরে পালক আর মাষ্টর ইজেবে নেযেল।

দ্বি’লম্বর বিররণ 33:10

তর্‌ উগুমানি তে যাকোবরে শিগায়, আর রীদি-সুদোমানি শিগায় ইস্রায়েলরে। তে তমা মুজুঙোত্‌ আগর্‌বাট্টি জ্বালায়, তর্‌ ডালি ঘর উগুরে পুজ্যে-উৎসর্ব গরে।

কলসীয় 4:17

আর্খিপ্পরে এ কধাগান কঅ, “প্রভুর সেবা গুরিবাত্যে তরে যে কামান্ দিয়্যে ওইয়্যে সিয়েন থুম্ গরানা ইন্দি বিশেষ গুরি মনযোগ দুয়ো।”

১ তীমথিয় 2:7

আর এ সাক্ষ্যগান দিবাত্যে গোজেনে মরে প্রচারক, দূত আর অযিহূদীগুনো ইধু বিশ্বেজ্ আর সত্যর্ মাষ্টর ইজেবে বেঈ লোইয়্যে। মুই সত্য কধাগান্ কঙর্, মিজে ন-কঙর্।

১ তীমথিয় 3:2

পরিচালক্‌কো সেনত্যে এমন উয়ো পড়িবো যেন কেঅ তারে দুষ্ দি ন-পারন। তাত্তুন্ বানা এক্কো মোক্ থেবঅ। তে নিজোরে দোঙেই রাগেব আর তার্ গম বিচেরবুদ্ধি থেবঅ। তে ভদ্র অবঅ আর গর্‌বা লবিয়োত্ গত্তে কোচ্‌পেবঅ। অন্যগুনোরে শিক্ষ্যে দান গুরিবার খেমতা তাত্তুন্ থেবঅ।

১ তীমথিয় 4:16

তর্ নিজো পৌইদ্যেনে আর তর্ শিক্ষ্যে পৌইদ্যেনে উজিয়ার্ থাক্। ইয়েনি গরানাত্ থাক্, কিয়া সেক্কে তুই নিজোরে রোক্ষ্যে গুরি পারিবে আর যিগুনে তঅ কধা শুনিবাক্ তারারেয়ো রোক্ষ্যে গুরি পারিবে।

১ তীমথিয় 5:17

মন্ডলীর যে আজল্ নেতাগুনে গমেডালে মন্ডলীর পরিচালনা গরন্, বিশেষ গুরি যিগুনে গোজেনর্ কধা প্রচার আর শিক্ষ্যে দান গুরিবাত্যে কাম গরন্, তারার্ পাওনা দ্বিগুন অনা উচিত।

২ তীমথিয় 2:2

ভালোক্কুন সাক্ষীর্ মুজুঙোত্ মঅ মুয়োত্তুন যেদক্কানি শিক্ষ্যের্ কধা তুই শুন্ন্যচ্ সেই শিক্ষ্যেনি ধুরি রাগেবাত্যে তুই সিয়েনি এন্‌ বিশ্বেজি মানুচ্চুনোরে দে যিগুনোর্ অন্যগুনোরে শিক্ষ্যে দিবার কাবিল আঘে।

২ তীমথিয় 2:24

যিবে প্রভুর চাগর্, তার কোল্-কোজ্জ্যে গরানা উচিত নয়, বরং তাত্তুন্ বেক্কুনো উগুরে দোয়্যেলু উয়ো পরিবো। তাত্তুন্ অন্যগুনোরে শিক্ষ্যে দানর্ খেমতা আর সোজ্জ্যগুণ থাহ্ পরিবো।

২ তীমথিয় 4:2

গোজেনর্ কধানি ফগদাং গরঅ; সময়োত্ ওক্‌ বা অসময়ত্ ওক্‌, আমিযে ফগদাঙত্যে যুক্কোল্ থাগঅ; ভারী ধৈজ্জ্য ধুরি শিক্ষ্যে দিইনে মানুচ্চুনোরে দুষ্ দেগেই দে, তারারে উজিয়ার্ গরঅ আর উপদেচ্‌ দুয়ো।

১ শমূয়েল 12:23

মুই যেনে কনদিন্অ তমাত্তে তবনা গরানা বন্ধ গুরিনে লগেপ্রভুর বিরুদ্ধে পাপ ন-গরং। মুই তমারে সৎ আর ন্যায়পদেন্দি আদিবাত্তে শিক্ষা দিম্‌।