রোমীয় 12:6 - Chakma Bible

⁶ গোজেনর্ দোয়্যে মজিম্ আমি যুদো যুদো দান পেইয়্যেই। সেই দানান্ যুনি ভাববাদী ইজেবে গোজেনর্ কধা কবার্ খেমতা অয় সালে বিশ্বেজ্ অনুসারে তে গোজেনর্ কধা হোক্।

রোমীয় 12:6 Iomraidhean Croise

মথি লেখ্যে গম্ হবর্ 23:34

সেনত্যে মুই তমারে কঙর্, মুই তমা ইধু ভাববাদী, জ্ঞানী মানুচ্ আর ধর্ম-মাষ্টরুনোরে পাদাঙর্। তুমি তারাত্তুন্ কয়েকজনরে খুন্ গুরিবা আর কয়েকজনরে ক্রুশোত্ দিবা। কয়েকজনরে তমা সমাজ-ঘরত্ চাবুক্ মারিবা আর এক আদামত্তুন্ অন্য আদামত্ লোড়েইনে বেড়েবা।

মথি লেখ্যে গম্ হবর্ 25:22

সে পরেদি যে দ্বি আজার্ দীনার্ লোইয়্যে তে এইনে কলঅ, তুই মরে দ্বি আজার্ দীনার্ দুয়োচ্, চাহ্, মুই আরঅ দ্বি আজার্ দীনার্ লাভ্ গোজ্যং।

লূকে লেখ্যে গম্ হবর্ 11:49

সেনত্তে জ্ঞানী গোজেনে কোইয়্যেদে, মুই তারা ইধু ভাববাদীগুনোরে আর হবর্ কোইয়্যেগুনোরে পাধেই দিম্। তারাত্তুন্ কয়েকজনরে তারা খুন্ গুরিবাক্ আর অন্যগুনো উগুরে অত্যেচার্ গুরিবাক্।

প্রেরিত্‌ 13:1

আন্তিয়খিয়া মন্ডলীত্ কয়েক্কো ভাববাদী আর মাষ্টর্ এলাক্। তারার্ নাঙানি বার্ণবা, নীগের নাঙে পরিচিত শিমোন, কুরীণী শঅরর্ লুকিয়, শাসনগুরিয়্যে হেরোদ সমারে লালন্-পালন্ গোজ্যে মনহেম আর শৌল।

প্রেরিত্‌ 15:32

যিহূদা আর সীল নিজেয়ো এলাক্ ভাববাদী, সেনত্তে তারা ভালোক্কানি কধা কোইনে সিধুগোর্ ভেইয়ুনোরে উচ্চোমি তুলি দিলাক্ আর তারা বিশ্বেজ্‌চান বাড়েইনে তারারে দরমর গুরি তুলিলাক্।

প্রেরিত্‌ 2:17

শেচ্‌ কালত বেক্‌ মানুচ্চুনো উগুরে মুই মঅ আত্মাগান ঢালি দিম্; সেক্কে তমা পুয়োগুনে আর ঝিগুনে ভাববাদী ইজেবে গোজেন কধা কবাক্, তমা গাবুজ্যেগুনে দর্শন পেবাক্, তমা বুড়ো মানুচ্চুনে স্ববন্ দেগিবাক্।

প্রেরিত্‌ 21:9

তার্ চের্‌বো গাবুজ্জ্যে ঝি এলাক্। সিগুনে মানুচ্চুনো ইধু ভাববাদী ইজেবে গোজেনর্ কধা কধাক্।

রোমীয় 1:11

তমারে খেমতাবলা গুরিবাত্তে কনঅ আত্মিক দান যেন তুমি মঅ মাধ্যেমে পেই পার সেনত্তে মুই তমা সমারে দেগা গুরিবাত্তে চাং।

রোমীয় 12:3

মুই গোজেনত্তুন্ যে বিশেষ দোয়্যে পেইয়োং সিয়েনর্ মাধ্যমে মুই তমা বেক্কুনোরে কঙর্, নিজোরে যেত্তমান্ দাঙর্ মনে গরানা উচিত্ সিয়েনত্তুন্ বেশ্ দাঙর্ তুমি নিজোরে মনে ন-গোজ্য, বরং যেত্তমান্ যগাজ্যে সেত্তমান্ মনে গোজ্য। গোজেনে যিবেরে যেত্তমান্ বিশ্বেজর্ খেমতা দিয়্যে তাত্তুন্ বেশ্ কনজনে যেন নিজোরে মনে ন-গরন্।

১ করিন্হীয় 12:18

গোজেনে যেবাবোত্যেগুরি চেইয়্যে ঠিগ্ সেবাবোত্যেগুরি কিয়্যের্ ভাগ্‌‌কানিরে তে এক এক গুরি কিয়্যেগান ইধু তে বোজেয়্যে।

১ করিন্হীয় 13:2

যুনি ভাববাদী ইজেবে কধা কবার্ খেমতা মত্তুন্ থায়, যুনি মুই বেক্‌ গুমুরো সত্যর্ পৌইদ্যেনে বুঝি পারং, আর যুনি মর্ নানান্ বাবোত্যে জ্ঞান থায়, এন্‌ কি, মুড়োগুনোরে এক জাগাত্তুন্ অন্য জাগাত্ সোরেই দিবার পুরো বিশ্বেজ্‌‌চান থায়, মাত্তর্ মত্তুন কোচ্‌পানা ন-থায়, সালে মর্ কনঅ-ই দাম্ নেই।

১ করিন্হীয় 14:1

এ কোচ্‌পানাগানত্যে তুমি বিশেষ গুরিনে চেষ্টা গরঅ, আর পবিত্র আত্মার্ দিয়্যে দান, বিশেষ গুরিনে ভাববাদী ইজেবে কধা কবার্ খেমতা পেবাত্যে তমার্ আওজ্ থোক্।

১ করিন্হীয় 14:24

মাত্তর্ যুনি বেক্কুনে ভাববাদী ইজেবে কধা কন্ আর সেক্কে কনঅ অবিশ্বেজি বা মন্ডলীর বারেদি মানুচ্‌ ভিদিরে এজন্, সালে সে মানুচ্চো বেক্কুনোর কধার্ মাধ্যমে নিজোর্ পাপ পৌইদ্যেনে চেতনা পেবঅ আর সেই বেক্‌ কধালোই তার্ মনর্ বিচের্ অবঅ।

১ করিন্হীয় 14:29

যিগুনে ভাববাদী ইজেবে কধা কন্ তারা দ্বিজন বা তিনজন কধা কোদোক্ আর অন্যগুনে তার্ বিচের্ গুরি চাদোক্।

১ করিন্হীয় 3:5

আপল্লো কন্না? আর পৌলে বা কন্না? আমি দঅ বানা সেবাগুরিয়্যে যিগুনোর্ মাধ্যমে তুমি বিশ্বেজর্ পধত্ এচ্চ্য। প্রভু আমারে পত্তিজনরে যার্ যার্ কাম দিয়্যে।

১ করিন্হীয় 7:7

যুনি বেক্কুনে মঅ ধোক্ক্যেন্ অদাক্! মাত্তর্ গোজেনত্তুন্ এক একজন এক এক্কান্ দান পেইয়্যে। একজনর্ দান এক বাবোত্যে, আরঅ অন্যজনর্ দান আর এক বাবোত্যে।

২ করিন্হীয় 8:12

যুনি কার্‌‌অ দিবার্ আওজ্ থায় সালে তার্ যিয়েন আঘে সেই ইজেবে তার্ দানুন্ গোজেনে মানি লয়, তাত্তুন্ যিয়েন নেই সেই ইজেবে নয়।

ইফিষীয় 3:5

সেই গুমুরো উদ্দেচ্চ্যগান পবিত্র আত্মালোই ইক্কিনে যেবাবোত্যেগুরি তার্ পবিত্র প্রচারক আর ভাববাদীগুনো ইধু ফগদাং ওইয়্যে, আগদি বেক্‌ যুগোর্ মানুচ্চুনো ইধু সেবাবোত্যেগুরি ফগদাং ন-অয়।

ইফিষীয় 4:11

তে কুদুক্কুন মান্‌জ্যরে দূত, কুদুক্কুন মান্‌জ্যরে ভাববাদী, কুদুক্কুন মান্‌জ্যরে গম হবর্ প্রচার গুরিয়্যে আর কুদুক্কুন মান্‌জ্যরে পালক আর মাষ্টর ইজেবে নেযেল।

ফিলিপীয় 3:15

ইয়েনত্যে আমি যিগুনে গম মানুচ্ আমাত্তুন্ সেই একই মনভাব থানা উচিত। আর যুনি কনঅ পৌইদ্যেনে তমার্ অন্য বাবোত্যে মনভাব থায় সালে গোজেনে তমারে সিয়েন্‌অ দেগেই দিবো।

১ থিষলনীকীয় 5:20

যিগুনে ভাববাদী ইজেবে গোজেনর্ কধা কন্ তারারে ঈচ্ ন-গোজ্জ্য, বরং বেক্কানি যাচাই গুরি চেইয়ো।

২ পিতর 1:20

মাত্তর্ বেক্কানি উগুরে এই কধাগান ইদোত্ রাগেয়ো যে, পবিত্র বোইবো ভিদিরে কনঅ কধা ভাববাদীগুনোর মনেমনযক্কা নয়,