রোমীয় 12:5 - Chakma Bible

⁵ ঠিগ্ সেবাবোত্যেগুরি আমি জনেদি ভালোক্কুন্ অলেয়ো খ্রীষ্ট সমারে মিজেইনে এক্কান্ কিয়্যে ওইয়্যেই। আমা বেক্কুনোর্ একজন আরেকজন সমারে মিল্ আঘে।

রোমীয় 12:5 Iomraidhean Croise

যোহন 17:11

মুই আর এ পিত্‌থিমীত্ নেই, মাত্তর্ তারা দঅ এ পিত্‌থিমীত্ আঘন্; আর মুই তঅ ইধু এজঙর্। পবিত্র বাবা, তুই মরে তর্ যে নাঙান্ দুয়োচ্ সেই নাঙানর্ গুণে ইগুনোরে রক্ষ্যে গর্, যেন আমি যেধোক্ক্যেন্ এক, ইগুনেয়ো সেধোক্ক্যেন্ এক ওই পারন্।

রোমীয় 12:4

আমা পত্তিজন কিয়্যের্ ভালোক্কানি ভাগ্ আঘে, মাত্তর্ বেক্ ভাগ্‌‌কানি একই কাম্ ন-গরে;

১ করিন্হীয় 10:17

আমি ভালোক্কুন অলেয়ো একই কিয়্যে, কিয়া বানা এক্কান রুটি আঘে, আর আমি বেক্কুনে সেই রুটির কট্টাগান্ লোই।

১ করিন্হীয় 12:20

কিয়্যের্ ভাগ্ ভালোক্কানি ঠিগ্ মাত্তর্ কিয়্যে এক্কান।

১ করিন্হীয় 6:15

তুমি কি কোই ন-পারঅ যে, তমা কিয়্যেগান খ্রীষ্ট কিয়্যেগানর্ ভাগ্? সালে মুই কি খ্রীষ্ট কিয়্যেগান ভাগ্‌কান্দোই বেশ্যে কিয়্যেগান সমারে এগত্তর্ গুরিম? কনদিনঅ নয়।

ইফিষীয় 1:23

এ মন্ডলী আজলে খ্রীষ্টর্ কিয়্যেগান। যিবে বেক্কানিত্তুন্ বেক্কানি পুরেই দে সেই খ্রীষ্টর্ পুরেই দেনাগান্ অলঅ এ মন্ডলী।

ইফিষীয় 4:12

তে ইগুনোরে নেযেল যেন গোজেনর বেক মানুচ্চুনে তারে সেবা গুরিবাত্যে যুক্কোল্ অন্ আর এবাবোত্যেগুরি খ্রীষ্টর কিয়্যেগান গাঢেই তুলো অয়।

ইফিষীয় 4:25

ইয়েনত্যে তুমি মিজে কধা ছাড়ি দুয়ো আর একজন আরেকজন ইধু সত্য কধা কঅ, কিয়া আমি বেক্কুনে একজন আরেকজন সমারে এগত্তর্।

ইফিষীয় 5:23

কিয়া খ্রীষ্ট যেধোক্ক্যেন মন্ডলীর, অত্তাৎ তার্ কিয়্যেগানর্ মাঢাবো, নেগ্‌‌‍কোয়ো সেধোক্ক্যেন মোগ্‌‌‍কোর্ মাঢা। সিয়েনবাদে খ্রীষ্টই এ কিয়্যেগানর্ উদ্ধোরগুরিয়্যেবো।

ইফিষীয় 5:30

কিয়া আমি তা কিয়্যেগানর্ ভাগ্।

কলসীয় 1:24

মুই তমাত্যে যে দুঘ্ ভুগোঙর্ সিয়েনত্যে মুই হুজি। খ্রীষ্টর্ কিয়্যেগানর্, অত্তাৎ মন্ডলীত্যে তার্ যে দুঘোত্ ভুগোনা এজঅ বাগী আঘে সিয়েন মুই মঅ কিয়্যেগান্দোই পূরেই দুয়োং।

কলসীয় 2:19

তারা দরমর গুরি মাঢাবোরে, অত্তাৎ যীশু খ্রীষ্টরে ধুরি ন-থান্, অদচ সেই মাঢাবোর্ চাল্লোই গোদা কিয়্যেগান আড়্-এড়ালোই মিজেইনে আর থির্ থেইনে গোজেনর্ আয়োজ মজিম দাঙর্ অ।