রোমীয় 12:3 - Chakma Bible

³ মুই গোজেনত্তুন্ যে বিশেষ দোয়্যে পেইয়োং সিয়েনর্ মাধ্যমে মুই তমা বেক্কুনোরে কঙর্, নিজোরে যেত্তমান্ দাঙর্ মনে গরানা উচিত্ সিয়েনত্তুন্ বেশ্ দাঙর্ তুমি নিজোরে মনে ন-গোজ্য, বরং যেত্তমান্ যগাজ্যে সেত্তমান্ মনে গোজ্য। গোজেনে যিবেরে যেত্তমান্ বিশ্বেজর্ খেমতা দিয়্যে তাত্তুন্ বেশ্ কনজনে যেন নিজোরে মনে ন-গরন্।

রোমীয় 12:3 Iomraidhean Croise

গম্ উপদেজ্ 25:27

বেশ্ মধু হানা গম্ নয়; বাঈনী গরা হেবাত্তে চেরেস্‌‍তা গরানায়ো গম্ নয়।

গম্ উপদেজ্ 26:12

তুই কি এমন্ মান্‌জ্যরে দেখ্যচ্ যে তার নিজো চোগেদি জ্ঞানী? তাত্তুন্ বরং বিবেচনা নেইয়্যেবো পৌইদ্যেনে আজা আঘে।

উপদেশক 7:16

নিজোর্ চোগেদি অমকদ গম্ বা অমকদ জ্ঞানী ন-ওয়ো। কিত্তে তুই নিজোরে ভস্ত গুরিবে?

মীখা 6:8

ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্‌পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।

লূকে লেখ্যে গম্ হবর্ 18:11

সেই ফরীশীবো থিয়্যেইনে নিজো পৌইদ্যেনে এ তবনাগান্ গুরিলো, ও গোজেন, মুই তরে ভালেদি জানাঙর্, মুই অন্য মানুচ্চুনো ধোক্ক্যেন্ দগাবাঁজি, অসৎ আর বেভিচেরি নয়; এমন্‌ কি, সে খাজানা-তুলিয়্যেবো ধোক্ক্যেন্অ নয়।

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

রোমীয় 1:5

তার্ মাধ্যমে তা নাঙানত্তে আমি দোয়্যে আর প্রচারক-পদ পেইয়্যেই, যেন বেক্‌ জাদঅ ভিদিরেত্তুন্ মান্‌জ্যে বিশ্বেজ্ গুরিনে গোজেনর্ বাধ্য ওই পারন্।

রোমীয় 11:20

ভারী গম্। মাত্তর্ তারারে ভাঙি ফেলা ওইয়্যে তারার্ অবিশ্বেজর্ কারনে আর তুই সিয়েনত্ উদ্ধোর্ ওই আঘচ্ তর্ বিশ্বেজত্তে। ইয়েনত্ বার্‌বো ন-গুরিচ্ বরং ভোক্তি গুরিনে দোরেচ্,

রোমীয় 11:25

ভেইলগ্, তুমি যেন নিজোরে জ্ঞানী মনে ন-গরঅ সেনত্তে মুই এক্কান গুমুরো সত্য তমারে জানেই রাগেবাত্তে চাং। সেই সত্যগান্ ইয়েন-অযিহূদীগুনোরে গুণীনে ন-পুরোনা সং বেচ্‌ ভাগ্ ইস্রায়েলীগুনোর মনানি দরমর ওই থেবঅ।

রোমীয় 12:16

তমার্ একজন উগুরে অন্যর্ মনভাব্ যেন এক্কুই অয়। দাঙর্ মান্‌জ্যর্ ভাব্ ন-দেগেইনে বরং যিগুনে দাঙর্ মানুচ্‌ নয় তারা সমারে মিজেয়ো। নিজোরে জ্ঞানী মনে ন-গোজ্য।

১ করিন্হীয় 15:10

মাত্তর্ ইক্কিনে মুই যিয়েন ওইয়োং সিয়েন গোজেনর্ দোয়্যেলোই ওইয়োং। মঅ উগুরে তার্ সেই দোয়্যেগান্ নিষ্ফল ন-অয়। মুই অন্য প্রচারগ্‌কুনোর্ বেক্কুনোত্তুন্ বেশ্ কাম গোজ্জ্যং; মাত্তর্ কাম যে মুই গোজ্জ্যং সিয়েন নয়, বরং মঅ উগুরে গোজেনর্ যে দোয়্যে আঘে সেই দোয়্যেগানে সিয়েন গোজ্জ্যে।

১ করিন্হীয় 3:10

গোজেনত্তুন্ যে বিশেষ দোয়্যে মুই পেয়োং সিয়েন্দোই কাবিল্ রাজমিস্ত্রি ধোক্ক্যেন্ মুই গড়াগান্ গাড়েয়োং, আর সিয়েন উগুরে অন্যগুনে বিল্ডিং বানাদন্। মাত্তর্ কন্না কেধোক্ক্যেন গুরি বানাদন্ সে পৌইদ্যেনে তে উজিয়ার্ ওক্‌।

১ করিন্হীয় 7:17

সেনত্তে, প্রভু যিবেরে যে অবস্থায় থোইয়্যে আর গোজেনে যিবেরে যিয়েনত্তে ডাক্ক্যে, সেই মজিম তে চোলোক্। এ উগুমান মুই বেক্ মন্ডলীগুনোত্ দি থাং। কনঅ চুনু মাঢা কাবা মান্‌জ্যরে কি ডাগা ওইয়্যে? মাত্তর্ সে চুনু মাঢা কাবা চিহ্নোগান্ পুজি ন-ফেলোক্।

২ করিন্হীয় 10:13

মাত্তর্ যেত্তমান্ দেমাগ্ গরানা উচিত্ সিয়েনর্ বারেদি আমি দেমাগ্ ন-গুরিবোং, বরং গোজেনে আমা কামর্ যে দুজিগান্ ঠিগ্ গুরি দিয়্যে সিয়েন ভিদিরে থেইনে দেমাগ্ গুরিবোং; আর সেই দুযিগান ভিদিরে তুমিয়ো আঘ।

২ করিন্হীয় 12:13

অন্য মন্ডলীত্তুন্ তুমি কনঅ বাবদে চিগোন নয়; বানা এক্কান পৌইদ্যেনে তুমি চিগোন, আর সিয়েন অলঅ ইয়েন, মুই তমার্ লবাদোস্যে ন-অং। এ ভুলানত্যে মরে ক্ষেমা গরঅ।

২ করিন্হীয় 12:7

ভালোক্কানি মইধু ফগদাং ওইয়্যে বিলিনে মুই যেন বাড়্‌বো ন-অং, সেই আজায় মরে দুঘ্ দিবাত্যে মর্ কিয়্যেগানত্ এক্কো কাদা, অত্তাৎ শদানর্ দূত দিয়্যে ওইয়্যে।

গালাতীয় 6:3

কিচ্চু ন-ওইনেয়ো কেঅ যুনি নিজোরে বিশেষ কিজু বিলিনে মনে গরে সালে দঅ তে নিজোরে থগায়।

ইফিষীয় 3:2

তুমি খামাক্কায় শুন্ন্যদে যে, গোজেনে তার্ দোয়্যের্ বেবস্থা তমারে জানেবার ভারান্ মঅ উগুরে দিয়্যে।

ইফিষীয় 3:4

তুমি সিয়েন পড়িলে বুঝি পারিবা, খ্রীষ্টর্ পৌইদ্যেনে সেই গুমুরো উদ্দেচ্চ্যগান মত্তুন্ বুঝিবার খেমতা আঘে।

ইফিষীয় 4:16

গোদা কিয়্যেগান এমন্‌ গুরিনে বান্ন্যে আঘেদে যে, পত্তি ভাগ্‌কানি যার্ যার্ জাগাত থেইনে কিয়্যেগান সমারে এগত্তর্ থায়। পত্তি ভাগে যেক্কে গমেডালে কাম্ গরে সেক্কে গোদা কিয়্যেগান মাঢাবো চাল্লই বাড়ি উদে আর কোচ্‌পানার্ মাধ্যমে নিজোরে গাঢেই তুলে।

ফিলিপীয় 2:13

গোজেনে তমা মনত্ এন্ গুরিনে কাম্ গরের্ যিয়েনত্যে তে যে কামত্ হুজি অয় সেবাবোত্যে কাম গুরিবার আওজ্ আর খেমতা তমার্ অয়।

কলসীয় 1:29

এই উদ্দেচ্চ্যগান্দোই গোজেনে যে দাঙর্ খেমতাগানে মঅ ভিদিরে কাম গোজ্জ্যে সেই খেমতা মজিম মুই জদবদে কাম্ গরঙর্।

কলসীয় 2:13

তুমি দঅ পাপর ফলে আর চুনু মাঢা-ন-কাবানার ফলে মরা এলা, মাত্তর্ গোজেনে তমারে খ্রীষ্টর্ লগে জেদা গোজ্জ্যে।

১ তীমথিয় 1:14

আমা প্রভু মরে জদবদে দোয়্যে গোজ্জ্যে আর খ্রীষ্ট যীশু সমারে এগত্তর্ ওইনে যে বিশ্বেজ্ আর কোচ্‌পানাগান এজে সিয়েন দান গোজ্জ্যে।

১ তীমথিয় 2:15

মাত্তর্ তে পুয়ো-ছা জর্ম দেনার্ মাধ্যমে পাপত্তুন্ উদ্ধোর পেবঅ; খালিক্ মিলেগুনোর্ গম বিচের বুদ্ধি বেবহার গুরিনে বিশ্বেজ্, কোচ্‌পানা আর পবিত্রতালোই চলা পড়িবো।

১ তীমথিয় 2:9

মুই ইয়েন্অ চাং যেন মিলেগুনে ভদ্র গুরিনে আর গম্ বিচেরবুদ্ধি বেবহার গুরিনে যগাজ্জ্যে কাবড়-চুগোর্ পিনোন্। তারা যেন নানান্ বাবোত্যে চুলোর্ ঝুদো বানন্, সোনা আর মুক্তোর গয়না পিনোন্ আর মংগা মংগা কাবড়-চুগোড়্‌লোই নিজোরে ন-সাজান্।

তীত 2:12

এই দোয়্যেগানে আমারে শিক্ষ্যে দেত্তে যেন আমি গোজেন উগুরে ভোক্তি-নেইয়্যে আর জগদর্ কামনা-বাসনারে এলাফেলা গুরিনে এ জগদত্ নিজোরে দোঙেই রাগেইনে গোজেন-ভোক্তি সমারে গম্ জিংকানি কাদেই,

তীত 2:2

যিগুনে বুড়ো, তারারে কবে যেন তারা বেক্কানি পৌইদ্যেনে নিজোরে দোঙেই রাগান; তারা যেন সর্মান পেবার যগাজ্জ্যে অন্; তারার্ যেন গম বিচেরবুদ্ধি, সত্য বিশ্বেজ্, কোচ্‌পানা আর ধৈজ্জ্যগুণ থায়।

তীত 2:4

সালে তারা গাবুর্ মিলেগুনোরে শিগেই পারিবাক্ যেন তারা নেগরে আর পুয়োগুনোরে কোচ্‌পান,

তীত 2:6

সেবাবোত্যে গুরি গাবুর্ মরদ্‌তুনোরে উপদেচ্‌ দুয়ো যেন তারা নিজোরে দোঙেই রাগান।

যাকোব 4:6

মাত্তর্ গোজেনর্ দোয়্যেগান আরঅ বেশ্। সেনত্যে বোইবোত্ লেগা আঘে, “গোজেনে বার্‌বো গুনোর্ বিরুদ্ধে থিয়্যেই, মাত্তর্ নম্রগুনোরে দোয়্যে গরে।”

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।

১ পিতর 4:11

যুনি কেঅ ফগদাং গরে সালে তে এবাবোত্যে গুরি ফগদাং গোরোক যেন তে গোজেনর্ নিজোর্ মুয়ো কধা কর্। যুনি কেঅ সেবা গরে সালে তে গোজেনর্ দিয়্যে বল্লোই সেবা গোরোক্, যেন যীশু খ্রীষ্টর্ মাধ্যমে বেক্কানিত্ গোজেনর্ বাঈনী পায়। বাঈনী আর খেমতা উমরত্যে তার্। আমেন।

১ পিতর 4:7

ইক্কিনে বেক্কানির্ থুমো সময় ওইয়্যেগি। সেনত্যে তমা মনানি থির্ গরঅ আর নিজোরে দোঙেই রাগঅ যেন তবনা গুরি পারঅ।

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”

১ পিতর 5:8

নিজোরে দোঙেই রাগঅ আর সজাক্ থাগঅ, কিয়া তমার শত্রু শদানে গুজুরি উঠ্যে সিংহ ধোক্ক্যেন গুরি কারে হেই ফেলেব তারে তোগেইনে বেড়ার্।

৩ যোহন 1:9

মুই মন্ডলী ইধু এক্কান চিধি লেক্ক্যং, মাত্তর্ দিয়ত্রিফেস্‌ মন্ডলী ভিদিরে আজল্লো অবার্ চায় বিলিনে আমা কধা ন-মানে।