রোমীয় 12:11 - Chakma Bible

¹¹ গোজেন উগুরে নিত্য তর্ আওজ্ থোক্। তমা মনানি ভক্তিয়ে ভরা থোক্। তুমি প্রভুর্ কামত্ লাগি থাগঅ।

রোমীয় 12:11 Iomraidhean Croise

যাত্রা 5:17

জোবত্‌ ফরৌণে তারারে কলঅ, “তুমি আল্‌সি, এদক্‌ কি আল্‌সি। সেনত্যে তুমি কত্তে, ‘লগেপ্রভুর্‌ নাঙে য়েমান্‌ উৎসর্ব গুরিবাত্তে আমারে যেবাত্তে দে।’

গম্ উপদেজ্ 10:26

দাদত্ নল আর চোগোত্ ধূমো দিলে যেধোক্ক্যেন দুঘ্ অয়, সেধোক্ক্যেন্ যিগুনে আল্‌সি মান্‌জ্যরে কনজাগাত্ পাদান্ তারা দুঘ্ পান। ‍

গম্ উপদেজ্ 13:4

আল্‌সি মান্‌জ্যে পেবাত্তে চায় মাত্তর্ কিচ্চু ন-পায়, মাত্তর্ কাম্যগুনে তারার চানাত্তুন্ বেশ্ পান। ‍

গম্ উপদেজ্ 18:9

যে নিজো কামত্ আল্‌সেমি গরে তে ভস্তগুরিয়্যে ভেই।

গম্ উপদেজ্ 22:29

তুই কি এধোক্ক্যেন কনঅ মান্‌জ্যরে দেখ্যচ্ যে কাবিল্ আঢ্‌তোই কাম্ গরে? তে রাজাগুনোত্তে কাম্ গুরিবো, সাধারণ মানুচ্চুনোর অধীনোত্ কাম্ ন-গুরিবো।

গম্ উপদেজ্ 31:15

আন্ধার থাগদে তে উদে; তে পরিবার মানুচ্চুনোরে হানার বেবস্থা গরে আর চাগরানীগুনোরে হানা ভাগ্ গুরি দে।

উপদেশক 9:10

তঅ আঢত্ যে কনঅ কাম্ এদঅ সাৎ সিয়েনি তর্ বেক্ খেমতালোই গুরিবে, কিত্তে তুই যে জাগানত্ যর্ সে গোর জাগানত্ কনঅ কাম্, সল্লা গরানা, বুদ্ধি বা জ্ঞান বিলিনে কিচ্চু নেই।

যিশাইয় 56:10

ইস্রায়েল চুগিদারুন চোগ কান্, তারার্ কনঅ জ্ঞিয়েন নেই। তারা বেক্কুন্ ববা কুগুরো ধোক্ক্যেন, তারা বুগিই ন-পারন্। তারা পড়ি থেইনে স্ববন্ দেগন আর ঘুমাদে গম্ পান।

মথি লেখ্যে গম্ হবর্ 24:12

পাজি কামানি বাড়িবো বিলি ভালোক্ জনর্ কোচ্‌পানা অমকদ কুমি যেবঅ।

মথি লেখ্যে গম্ হবর্ 25:26

জোবত্ তা গিরোজ্‌সো তারে কলঅ, তুই পাজি আর আল্‌সি চাগর্! তুই দঅ হবর্ পেদে যিয়েনত্ মুই ন-লাগাং সিয়েনত্ কাবং আর যিয়েনত্ ন-ছিদোং সিয়েনত্ কুড়োং।

প্রেরিত্‌ 18:25

প্রভুর্ পধঅ পৌইদ্যেনে তে শিক্ষ্যে পেয়্যে। তে অমকদ আওজ্ গুরিনে কধা কদঅ আর যীশু পৌইদ্যেনে গমেডালে শিক্ষ্যে দিদো, মাত্তর্ যোহনর্ বাপ্তিষ্ম বাদে আর কনঅ বাপ্তিষ্ম কধা তে কোই ন-পাত্ত।

প্রেরিত্‌ 20:19

যিহূদীগুনোর নানান্ কুজুরোমির্ কারনে মত্তুন্ জদবদে পোরোক্ষ্যেত্ পরা পোজ্জ্যে, মাত্তর্ মুই খুব্ নম্র গুরিনে চোগো পানিলোই প্রভুর্ চাগর্ ওইনে তার্ সেবা গোজ্জ্যং।

১ করিন্হীয় 7:22

চাগর্ থানা অবস্থায় প্রভু যারে ডাক্ক্যে তে প্রভুলোই স্বাধীন ওইয়্যে। সেবাবোত্যে যারে স্বাধীন অবস্থায় ডাগা ওইয়্যে তে খ্রীষ্টর্ চাগর্ ওইয়্যে।

ইফিষীয় 4:28

যে চুর্ গরে তে আর চুর্ ন-গোরোক, বরং নিজো আঢে গমেডালে কাম্ গোরোক্ যেন অভাবী মানুচ্চুনোরে দিবাত্যে তার্ কিজু থায়।

কলসীয় 4:1

গিরোজ্‌চুন্, স্বর্গত্ তমার্‌অ এক্কো গিরোজ্ আঘে জানিনে তুমি তমার চাগরুনো লগে গম্ আর ন্যায় বেবহার গরঅ।

১ তীমথিয় 5:13

ইয়েন বাদে তারা ঘরে ঘরে বেড়েইনে আল্‌‍সি অদে শিগোন্। তারা যে বানা আল্‌‍সি অন্ সিয়েন নয়, মাত্তর্ বাজে কধা কদে আর পর বেপার্‌‍লোই কধা কবাত্যে শিগোন্ আর যিয়েন তারাত্তুন্ কনা উচিত নয় সেই কধানি কন্।

ইব্রীয় 12:28

সেনত্যে যে রেজ্যগানরে লাড়া ন-যায় আমি যেক্কে সে রেজ্যগান পেবাত্যে যের্ সেক্কে এজঅ, আমি গোজেন ইধু ভালেদি জানেই। সালে গোজেনে যেধোক্ক্যেন গুরি হুজি অয় সেধোক্ক্যেন গুরি আমি ভোক্তি আর দরে তার্ সেবা গুরি পারিবোং।

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

১ পিতর 4:8

আর বেগত্তুন্ দাঙর্ কধাগান অলঅ, তুমি একজন আরেকজনরে যদবদে কোচ্‌পেইয়ো, কিয়া কোচ্‌পানাগানে ভালক্কানি পাপরে ঢাগি রাগায়।

ফগদাং পেইয়্যে 2:4

তো তঅ বিরুদ্ধে মর্ এ কধাগান কবার্ আঘে, মঅ উগুরে পত্তমে তর্ যেবাবোত্যে কোচ্‌পানাগান এলঅ সিয়েন তুই আযেই ফেলেয়োচ্।