রোমীয় 12:1 - Chakma Bible

¹ সালে ভেইলগ্, গোজেনর্ এ বেক্‌ দোয়্যের্ কারনে মুই তমারে বিশেষ গুরিনে কোজোলি গরঙর্, তুমি তমার্ কিয়্যেগানরে জেদা, পবিত্র আর গোজেনর্ মানি লোইয়্যে উৎসর্ব ইজেবে গোজেন আঢত্ তুলি দুয়ো। সিয়েনই অবঅ তমার্ যগাজ্যে সেবা।

রোমীয় 12:1 Iomraidhean Croise

গীতসংহিতা 116:12

লগেপ্রভু মরে যেত্তমান বর্ দিয়্যে সিয়েনর বদলে মুই তারে কি দিম?

গীতসংহিতা 19:14

ও লগেপ্রভু, মর্ আশ্রয়র-মুড়ো, মর্ উদ্ধোর্ গুরিয়্যে, মর্ মুয়োর কধানি আর মর্ মনর্ চিদেগানিয়ে তরে যেন হুজি গরে।

যিশাইয় 56:7

তারারে মুই মর্ সুদ্ধো-সাংগ মুড়োবোত্ আনিম আর মঅ ঘরত্, অত্তাৎ তবনা ঘরত্ তারারে হুজিগান দিম। মর্ পূজোবো উগুরে তারার পুজ্যে আর অন্য উৎসর্বগুন্ গুজি লুয়ো অবঅ। ইয়েনত্তে মঅ ঘরানরে বেক্ জাদ্‌তুনোর তবনার ঘর্ কুয়ো অবঅ।”

যিরমিয় 6:20

ও মর্ মানুচ্চুন, শিবা দেজত্তুন্ যে আগর্‌বাট্টি এজে বা দূর্ দেজত্তুন্ যে মিদে বচ এজে সিয়েনত্ মর্ কি দরকার? তমার পুজ্যে-উৎসর্বর অনুষ্ঠানানে মরে হুজি ন-গরে।”

হোশেয় 14:2

তুমি লগেপ্রভু ইধু ফিরি এইনে তারে কঅ, “আমা বেক্ পাপ্‌পানি খেমা গর্ আর আমার যিয়েনি গম্ সিয়েনি মানি লঅ যেনে আমি গোরু উৎ‌সর্গ ধোক্ক্যেন গুরি আমা মুয়োদি তরে বাঈনী গুরি পারিই।

গণাণা 7:21

পূজ্যে-উৎসর্বত্তে এক্কো বলদ গোরু, এক্কো ভেড়াছাগল, এক্কো এক বোজোজ্যে ভেড়াছাগলর-ছঅ;

লূকে লেখ্যে গম্ হবর্ 7:47

সেনত্তে মুই তরে কঙর্, তে বেশ্ কোচ্‌পানা দেগেয়্যে বিলি বুঝো যাত্তে, তার্ পাপ বেশ্ অলেয়ো সিয়েনি খেমা গরা ওইয়্যে। যিবের্ থরা খেমা গরা অয় তে থরা কোচ্‌পানা দেগায়।”

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

রোমীয় 15:30

ভেইলগ্, আমা প্রভু যীশু খ্রীষ্টর্ মাধ্যমে আর পবিত্র আত্মার্ দিয়্যে কোচ্‌পানার্ মাধ্যমে মুই তমারে বিশেষ্ গুরিনে কোজোলী গরঙর্, তুমি গোজেন ইধু মত্তে মঅ সমারে তবনার্ যুদ্ধো চালেই থাগঅ।

রোমীয় 2:4

তুই দঅ গোজেনর্ দোয়্যে, সোজ্যগুন্ আর ধৈজ্জ্যগানিরে ঈচ্ গোজ্জ্যস্। তুই পুরি ফেল্ল্যচ্ গোজেনর্ এ দোয়্যের্ উদ্দেচ্চ্য অলঅ তরে পাপত্তুন্ মন ফিরেবার পদথ্ আনানা।

রোমীয় 6:13

কিয়্যেগানর্ কনঅ জিনিজোরে অন্যেয় কাম্ গুরিবার্ আত্যের্ ইজেবে পাপ আঢত্ তুলি ন-দুয়ো। মরণত্তুন্ জেদা ওইয়্যে মানুচ্ ইজেবে তুমি বরং গোজেন আঢত্ নিজোরে তুলি দুয়ো আর গম্ কাম্ গুরিবার আত্যের্ ইজেবে তমা পুরো কিয়্যেগানরে গোজেনরে দি দুয়ো।

রোমীয় 6:16

তুমি কি কোই ন-পারঅ যে, চাগর ধোক্ক্যেন্ যেক্কে তুমি কারঅ আঢত্ নিজোরে তুলি দুয়ো আর তার্ উগুমানি পালেই থাগঅ সেক্কে তুমি আজলে তার্ চাগর্ ওই যঅ? সেবাবোত্যেগুরি অয় তুমি পাপর্ চাগর্ ওই মুরিবে, নয় গোজেনর্ চাগর্ ওইনে গম্ কাম গুরিবা।

রোমীয় 6:19

মান্‌জ্যর্ দুর্বলতার্ কারনে মুই কধানি মান্‌জ্যে যেবাবোত্যেগুরি বুঝিবাক্ সেবাবোত্যেগুরি কঙর্। আগে তুমি যেবাবোত্যে আরঅ বেশ্ গুরিনে অন্যেয় কাম্ গুরিবাত্তে নিজো কিয়্যেগানরে অপবিত্র আহ্ অন্যেয়র্ চাগর্ বানেয়ো, ঠিগ্ সেবাবোত্যেগুরি ইক্কিনে পবিত্রতালোই ভর্ পুনোং অবাত্তে তমা কিয়্যেগানরে ন্যায় কামর্ চাগর্ বানঅ।

রোমীয় 9:23

আরঅ তে তার্ অশেষ্ মহিমার্ কধায়ো জানেবাত্তে চেইয়্যে। যিগুন তার্ দোয়্যের্ মানুচ্ তারারে তে তার্ মহিমা পেবাত্তে আগেবাগে যুক্কোল্ গুরি রাগেয়্যে।

১ করিন্হীয় 1:10

ভেইলগ্, আমা প্রভু যীশু খ্রীষ্টর্ ওইনে মুই তমারে বিশেজ্ গুরিনে কোজোলি গরঙর্, তুমি বেক্কুনে এক্ অ। তমা ভিদিরে কনঅ দলাদুলি ন-থোক্, মাত্তর্ তুমি একমন আর এককধার মানুচ্ অ।

২ করিন্হীয় 10:1

খ্রীষ্টর্ চিদে আর দোয়্যেলু মনর্ কধা ইদোত্ রাগেইনে মুই পৌল নিজেই তমারে কোজোলি গরঙর্। মান্‌জ্যে কন্, মুই যেক্কে তমা কুরে থাং সেক্কে নাকি দোরে দোরে কাদাং, মাত্তর্ যেক্কে ন-থাং সেক্কে সাহসী অং।

২ করিন্হীয় 4:1

এই বেবস্থাগানর্ কধা জানিবার ভারান্ গোজেনে দোয়্যে গুরিনে আমারে দিয়্যে বিলিনে আমি আজা ন-আরেই।

২ করিন্হীয় 4:16

ইয়েনত্যে আমি আজা ন-আরেই। যুনিয়ো আমা বারেদি কিয়্যেগান ক্ষয় ওই যার্ তো আমা ভিদিরে মানুচ্চো দিনে দিনে নুয়ো ওই উদের্।

২ করিন্হীয় 5:20

সেনত্তে আমি খ্রীষ্টর্ দূত ইজেবে তার্ ওইনে কধা কোর্। আসলে গোজেনে যেন নিজে আমা মাধ্যমে মানুচ্চুনো ইধু কোজোলী গরের্। সেনত্তে খ্রীষ্টর্ ওইনে আমি এ কোজোলীগান গুরির্, “তুমি গোজেন সমারে মিজো।”

২ করিন্হীয় 6:1

গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

ইফিষীয় 4:1

প্রভুত্যে বন্দী অবস্থায় মুই তমা ইধু এ কোজোলীগান গরঙত্তে, গোজেনে যিয়েনত্যে তমারে ডাক্ক্যে সিয়েনর যগাজ্যে ওইনে চলঅ।

ইফিষীয় 5:10

সেক্কে তুমি তোলেইনে চেই পারিবা কন্ কন্ কামানিত্ প্রভু হুজী অয়।

দ্বি’লম্বর বিররণ 14:2

তুমি তমার গোজেন লগেপ্রভুর নাঙে এক্কো ফারক্‌ গোজ্যে জাদ। পিত্‌থিমীর বেক্‌ জাদ্‌তুনো ভিদিরেত্তুন্‌ লগেপ্রভু তমারে বেঈ লোইয়্যে যেনে তুমি তার নিজোর বিশেজ্ সোম্বোত্তি অ।

ফিলিপীয় 1:20

মর্ থির্ বিশ্বেজ্ আঘেদে, মুই কনঅ কিজুত্ লাজ্ ন-পেম বরং মত্তুন্ যদেষ্ট সাহচ্‌ থেবঅ, যেনে আগে যেধোক্ক্যেন মর্ মাধ্যমে খ্রীষ্টর্ বাঈনী ফগদাং অদঅ সেধোক্ক্যেন ইক্কিনিয়ো অবঅ-সিয়েন মুই বাজং কি মরং;

ফিলিপীয় 2:17

যে বিশ্বেজর্ উৎসর্বলোই তুমি গোজেনর্ সেবা গরর্ সিয়েন উগুরে যুনি মঅ লোগান উৎসর্ব ইজেবে ঢালি দিয়্যে অয় তো মুই সুগী আর তমা লগে হুজী।

ফিলিপীয় 4:18

মর্ বেক পাওনাগুন মুই পেইয়োং। আসলে মর্ যিগুন দরকার সিত্তুন্-অ বেচ্‌ মত্তুন্ আঘে। ইপাফ্রদীত আঢত্ তমার পাধেয়্যে বক্‌শিজ্‌চানি পেইনে ইক্কিনে মর্ যদেষ্ট ওইয়্যে। এই বক্‌শিজ্‌চানি তুম্‌বাজ্‌বলা আর মানিলোইয়্যে উৎসর্ব,

১ থিষলনীকীয় 4:1

আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্‌ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।

১ থিষলনীকীয় 4:10

আর ঘেচ্চ্যেকগুরি তুমি ম্যাসিডোনিয়া রেজ্যর বেক্‌ ভেইয়ুনোরে কোচ্‌পঅ। মাত্তর্ ভেইলগ্, তমা ইধু আমার বিশেজ্ কোজোলি অলঅ তমার এই কোচ্‌পানাগান যেন আরঅ বেশ্ অয়।

১ থিষলনীকীয় 5:12

ভেইলগ্, আমি তমারে কোজোলি গুরির্, যিগুনে তমা ভিদিরে কাম্ গরন, প্রভুর ওইনে তমারে পরিচালনা গরন আর তমারে উপদেচ্‌ দি থান্, তারারে সর্মান গরঅ।

১ তীমথিয় 2:3

আমার উদ্ধোর গুরিয়্যে গোজেনর চোগেদি সিয়েন গম্ আর ইয়েন্দোই তে হুজী অয়।

১ তীমথিয় 5:4

মাত্তর্ কনঅ রানী মিলের্ যুনি পুয়ো-ছা বা নাঢিন্ থায় সালে সেই পুয়ো-ছাগুনে বা নাঢিনুনে যেন পত্তমে নিজো পরিবার উগুরে কাম্ গুরিনে গোজেন ভোক্তি দেগাদে শিগোন্। এবাবোত্যেগুরি তারা তারার্ বাপ-দাদাগুনোর্ কোচ্‌পেইয়্যের্ দোয়্যে-মেয়্যেনি সুজিই পারিবাক্, আর ইয়েনিলোই গোজেনে হুজি অয় ।

ফিলীমন 1:9

তো কোচ্‌পানাত্যে সিয়েনর্ বদলে মুই তরে কোজোলি গরঙর্। এক্কো বুড়ো মানুচ্‌ ইজেবে আর বত্তমানে খ্রীষ্ট যীশুত্যে বন্দী ইজেবে মুই পৌল তইধু মর্ পুয়ো ওনীষিমত্যে কোজোলি গরঙর্। জেলখানাত্ মর্ বন্দী অবস্থায় তে বিশ্বেজি ইজেবে মর্ পুয়ো ওইয়্যে।

ইব্রীয় 13:22

ভেইলগ্, তমা ইধু মর্ বিশেষ কোজোলি ইয়েন, মর্ এ উপদেজর্ কধানি তুমি মানি লঅ। মুই দঅ তমা ইধু বেচ্‌ কধা ন-লিগিলুং।

১ পিতর 2:20

অন্যেয় কামত্যে মেইর্ খেইনে যুনি তুমি সিয়েন সোজ্জ্য গরঅ সালে সিয়েনত্ বাঈনী গুরিবার কি আঘে? মাত্তর্ গম কাম গুরিনেয়ো যুনি তুমি সিয়েনত্যে দুঘ্ পেইনে সিয়েন সোজ্জ্য গরঅ, সালে সিয়েনই গোজেন চোগেদি নাঙ্ গিনেদে ধোক্ক্যেন।