রোমীয় 11:16 - Chakma Bible

¹⁶ মোইদ্যে তালত্তুন্ বানেয়্যে পত্তম্ রুটিগান যুনি পবিত্র অয় সালে দঅ গোদা তাল্লো পবিত্র। জলপাই গাজ্‌চোর্ গড়াগান্ যুনি পবিত্র অয় সালে তা ডেলাগুন্অ দঅ পবিত্র।

রোমীয় 11:16 Iomraidhean Croise

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

যাত্রা 22:29

তমার্‌ ক্ষেত-ক্ষেত্তিত্তুন্‌ আর আংগুর-রজত্তুন্‌ মরে যিয়েনি দিবার্‌ সিয়েনি দেদে দেরি ন-গোজ্য। তমার পত্তম পূঅবো মরে দিয়্যে পুরিবো।

যাত্রা 23:16

তুমি খেদত্‌ যিয়েনি লাগেবা সিয়েনির্ পত্তম ফসল্লোই ক্ষেত-ক্ষেত্তি কাবিবার্‌ পরপ্পো পালেবা। চাষকামর্‌ শেষ্‌ মাজত্‌ ক্ষেদত্তুন্‌ ফসল্‌ তুলিবার্‌ অক্তত্‌ তুমি ফসল তুবেবার্ পরপ্পো পালেবা।

যাত্রা 23:19

তমা খেদত্তুন্‌ কাবি আন্যে পত্তম ফসলর্‌ বেগত্তুন্‌ গম্‌ ভাগ্কান্‌ তুমি তমার্‌ গোজেন লগেপ্রভুর্‌ ঘরত্‌ নেযেবা। ছাগল ছবোর্‌ য়েরাগান তার্‌ মাবো দুত্তোই ন-রানিবা।

গম্ উপদেজ্ 3:9

তঅ ধন-সোম্বোত্তিগানিলোই আর তর্ পৌল্যে কাপ্যে খেত-খেত্তিগানি উৎসর্ব গুরিনে তুই লগেপ্রভুরে সর্মান দেগা;

যিরমিয় 2:21

মুই দঅ তরে নখ্‌বাজ্ গোজ্যে বিজিত্তুন জোর্মেয়্যে গম্ আংগুরোর্ চারা ইজেবে লাগেয়োং; সালে কেধোক্ক্যেন গুরি তুই এক্কো ভান্ন্যেই ঝার আংগুর গাজ্ ওইয়োচ্?

যিহিষ্কেল 44:30

পত্তমে কাপ্যে নানান্ বাবোত্যে ফসলর্ বেগত্তুন্ গম্ ভাগ্‌‌‌‌‌কান আর তমা বেক্ বক্‌‌‌‌‌শিজ্‌‌‌‌‌চানি ধর্মগুরুগুনোর অবঅ। তমার্ নুয়ো মোইদ্যের্ পত্তম ভাগ্‌‌‌‌‌কান তুই তারারে দিবে যেনে তমা পরিবার উগুরে আশিদ্‌‌‌‌‌বাদ থায়।

রোমীয় 11:17

যুনি সেই জলপাই গাজর্ কুদুক্কুন্ ডেলা ভাঙি ফেলেইনে সেই জাগানত্ তঅ ধোক্ক্যেন্ ঝার্‌বো জলপাই গাজর্ ডেলা জড়া দিয়্যে অয় আর তুই আজল্ জলপাই গাজর্ গড়াত্তুন্ রচ্‌ টানি লচ্,

রোমীয় 8:23

বানা সিয়েন্ নয়, মাত্তর্ যে মহিমাগান্ আমি যেরেদি পেবং সিয়েন্ পত্তম ফল্ ইজেবে পবিত্র আত্মারে পেইনে আমি নিজেয়ো মনেদি কোঙের্। আর সেই সমারে সেই দিন্নোত্তে বাজ্জেই আঘি যেক্কে গোজেনর্ পুয়ো-ছা ইজেবে আমারে ফগদাং গরা অবঅ, অত্তাৎ ভস্তর্ আঢত্তুন্ আমা কিয়্যেগানিরে উদ্ধোর্ গরা অবঅ।

১ করিন্হীয় 7:14

কিয়া মোক্কোর্ মাধ্যমে সেই অবিশ্বেজি নেক্কোরে আর নেক্কোর্ মাধ্যমে সেই অবিশ্বেজি মোক্কোরে গোজেনে গমেডালে চায়। সিয়েন ন-অলে তমা পুয়ো-ঝিগুনে দঅ অসিজি অদাক্; মাত্তর্ আসলে গোজেনে তারারে গম্ চোগেদি চায়।

দ্বি’লম্বর বিররণ 18:4

তমার পত্তমে তুল্যে ফসল, নুয়ো আংগুরো-রস আর তেল আহ্‌ ছাগল-ভেড়ার কিয়্যেত্তুন পত্তমে কাবি নেযেয়্যে কেশ্‌ছানি তুমি ধর্মগুরুগুনোরে দিবা,

দ্বি’লম্বর বিররণ 26:10

সেনত্যে ও লগেপ্রভু, তর্‌ দিয়্যে ভুইয়োর্ পত্তমে তুল্যে ফসল মুই তইদু আন্যং। ইয়েন কোইনে তমার গোজেন লগেপ্রভুর মুজুঙোত্‌ তুমি তমার লেইয়ুন রাগেবা আর মাদা নিগিরিনে তারে ভোক্তি জানেবা।

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।

ফগদাং পেইয়্যে 14:4

ইগুনে সেই মানুচ্চুন্, যিগুনে মিলেগুনো সমারে পর্‌‌পাগোল্যে ওইনে নিজোরে অসিজি ন-গরন্। যিয়েনত্ ভেড়া-ছবো যায় তারা তা পিজে পিজে যান্। গোজেন আর ভেড়া-ছবো ইধু পত্তম ফল ইজেবে উৎসর্ব গুরিবাত্যে মানুচ্চুনো ভিদিরেত্তুন্ তারারে কিনি নেযা ওইয়্যে।